Daniyel 11:31 - Fulfulde Bible

³¹ Honooɓe ɓe o neli ummoto, ɓe coɓnan nokkuure seniinde laatiinde hisrude. Ɓe kaɗan lii'anaago Allah kirseteeɗi nyalaade nyalaade, ɓe njo'inan ko wi'ete nyidduɗum nattinoojum.

Fulfulde DC Bible

³¹ Honooɓe ɓe o neli ummoto, ɓe coɓnan nokkuure seniinde laatiinde hisrude. Ɓe kaɗan lii'anaago Allah kirseteeɗi nyalaade nyalaade, ɓe njo'inan ko wi'ete nyidduɗum nattinoojum.

Daniyel 11:31 Iomraidhean Croise

Yeremiya 19:4

Mi waɗan ɗum ngam yimɓe acci yam, ɓe cannji nokkuure nde'e bee wulugo uurle ngam ɗowanteeɓe jananɓe haa yimɓe annditaay nde. Koo kamɓe, koo kaakiraaɓe maɓɓe, koo laamiiɓe Yahuuda, walaa mo anndino ɗowanteeɓe ɓe'e. Ɓe kebbini nokkuure nde'e bee ƴiiƴam yimɓe mbaraaɓe ɓe ngalaa aybe.

Yeremiya 7:30

Jawmiraawo wi'i: “Yimɓe Yahuuda mbaɗi kalluɗum yeeso am, ɓe njo'ini labbi maɓɓe nyidduɗi nder suudu senaandu ngam am, ɓe coɓni ndu.

Gimi Boyki 1:10

Ɓillooɓe ngol njaɓti ndesaaje maagol fuu. Ngol yi'i no saadooni'en nastiri suudu seniindu koo nde Jawmiraawo haɗno ɓe nastugo nder mooɓre yimɓe mum.

Gimi Boyki 2:7

Jawmiraawo wudini hirsirde mum, yawi nokkuure mum seniinde. O acci konne'en ngibbina mahi maare. Ɓe kooli nder suudu maako bana to juulde waɗi.

Ezekiyel 9:7

O wi'i ɓe: “Coɓne haykaliiru, kebbine dalde maaru bee maayɓe! Nden ngurte!” Ɓe ngurti ɓe mbari yimɓe nder berniwol.

Daniyel 12:11

Ɓaawo ɓe kaɗi lii'anaago Allah kirseteeɗi nyalaade nyalaade, ɓe njo'ini nyidduɗum nattinoojum boo, nyalɗe ujineere e teemeɗɗe ɗiɗi e cappanɗe joweenayi (1.290) caaloto.

Daniyel 8:24

O semmbiɗan, ammaa naa bee baawɗe hoore maako. O huuwan halkere hayɗinannde, o heɓan jaalorgal nder kuuɗe maako. O nattinan semmbiɗɓe, non boo ummaatoore senaaɓe.

Daniyel 8:26

Wahayu kirseteeɗi kiikiiɗe e fajiri laaɓi. Ammaa an, jeeɗa, ngam ɗum laarani nyalɗe daayiiɗe.”

Daniyel 9:27

Ardiiɗo go haɓɓan e tabitinan alkawal bee yimɓe ɗuuɗɓe ngam duuɓi joweeɗiɗi. Ɓaawo duuɓi tati bee reeta o haɗan lii'anaago Allah kirseteeɗi e dokke. Haa wakeere nyiddunde, nattinoowo daroto haa to timmoode nde Allah taynori yotti dow maako.”

Hose'a 3:4

Ngam Isra'iila'en njooɗoto haa duura bilaa laamiiɗo, bilaa ardiiɗo, bilaa kirseteeɗi, bilaa daŋraŋge labbi, bilaa ɗanciki limanjo, bilaa labbi saare.

Matta 24:15

“To on ngi'i nyidduɗum nattinoojum ko annabi Daniyel wolwino dow muuɗum ɗon dari haa nokkuure seniinde - mo jaŋngi ɗum, sey faama booɗɗum!

Markus 13:14

Yeesu wi'i boo: “On ngi'an ko wi'ete nyidduɗum nattinoojum ɗon dari haa pellel ngel haanaay ɗum daro. Mo jaŋngi ɗum, sey faama booɗɗum! Nden kam sey wonɓe lesdi Yahudiya ndogga haa kooseeje.

Luka 21:20

“To on ngi'i honooɓe taarake berniwol Urusaliima, nden kam annde gibbineeki maagol ɓadake.

Wahayu Yuhanna 17:12

Luwe sappo ɗe a yi'i ngoni laamiiɓe sappo, ɓe puɗɗaay laamaago tawon, ammaa saa'a ngoota non ɓe keɓan baawɗe laamodaago bee ndabbaawa.