Daniyel 11:15 - Fulfulde Bible

¹⁵ Laamiiɗo woyla waran hippugo berniwol cemmbiɗŋgol, ɓe mbaagan lesdi ɗakki mahol, ɓe nyaaman ngol. Honooɓe fombina waawɓe konu, koo suɓaaɓe maɓɓe ndartataako, ɓe keɓataa semmbe ngam dartaago.

Fulfulde DC Bible

¹⁵ Laamiiɗo woyla waran hippugo berniwol cemmbiɗŋgol, ɓe mbaagan lesdi ɗakki mahol, ɓe nyaaman ngol. Honooɓe fombina waawɓe konu, koo suɓaaɓe maɓɓe ndartataako, ɓe keɓataa semmbe ngam dartaago.

Daniyel 11:15 Iomraidhean Croise

Yeremiya 33:4

Min Jawmiraawo, Allah Isra'iila mi wi'i: Kaldiya'en ngibbinan cuuɗi Urusaliima e cuuɗi laamiiɓe Yahuuda. Gurtaaki mon ngam haɓre bee kuuje kipporɗe ɗe ɓe ɓadini haa berniwol, nafataa. Ɗum hebbingo berniwol bee ɓalli yimɓe ɓe mbaranmi nder tikkere am e ɓernuki am tan. Mi wiirni yeeso am, taa mi yi'a berniwol ngo'ol ngam daliila halleende nde yimɓe maagol mbaɗi fuu.

Yeremiya 5:10

Naste nder gese inabooje Urusaliima. Mbonne ɗe, ammaa taa nattine ɗe fuu! Ta'e lice maaje fuu, ngam naa min Jawmiraawo jeyi ɗe!”

Yeremiya 52:4

Nder nduuɓu laamu Sedekiya njoweenayaɓu, nder lewru sappooru, nyalaade sappo maaru, Nabukodonosor wardi bee jama'aare konu muuɗum fuu, ɓe mbaɗi saŋngeere maɓɓe yeeso berniwol, ɓe mbaagi lesdi, ɓe taari berniwol Urusaliima ngam hippaago ngol.

Yeremiya 6:6

Ndaa nii Jawmiraawo honooɓe asama wi'i: “Pe'e leɗɗe, mbaage lesdi kommbi mahol Urusaliima. Kaŋgol woni berniwol ke'uŋgol kiita. Ngol heewi ɓillaare.

Ezekiyel 17:17

Koo Firawna bee jama'aare konu mum ɗuuɗnde boo waawataa wallugo mo, saa'i honooɓe Baabila mbaagata lesdi ɗakki mahol ngam hippaago, saa'i ɓe ndarnata kuuje kipporɗe berniwol ngam mbarugo yimɓe ɗuuɗɓe.

Ezekiyel 4:2

Nden taarnu ngol bee kuuje kipporɗe, waagu lesdi ɗakki mahol maagol ngam hippaago ngol, waɗ caŋngeeje konu nder taarde maagol, ɓadin kuuje ceekruɗe mahol koo toy haa maagol.

Daniyel 11:14

Wakkati man ɗuuɗɓe ummanto laamiiɗo fombina. Woɗɓe toonyooɓe nder ummaatoore maaɗa mbaɗan tuurtol ngam hiɓɓingo wahayu go, ammaa ɓe pergoto.

Daniyel 11:6

Ɓaawo duuɓi seɗɗa, laamiiɗo fombina hokkan ɓiyum debbo haa laamiiɗo woyla ngam soobrugo bee maako, laamiiɓe ɓe'e kaɓɓan alkawal. Ammaa ɓiɗɗo debbo oo waawataa jogitaago baawɗe muuɗum, danygol maako boo dartataako. Wakkati man, ɓiɗɗo debbo oo e ɗoftooɓe ɗum e baaba muuɗum e balluɗo ɗum, ɓe mbareteeɓe.

Daniyel 8:7

Mi yi'i ndi ɓaditi ndi. Ndi hawi ndi bee tikkere, ndi yewi luwe maari ɗiɗi fuu. Njawdiri mbaalu go waawaay dartaago. Njawdiri mbeewa dofli ndi, dammi ndi, walaa kisnuɗo njawdiri mbaalu diga baawɗe maari.

Yosuwa 1:5

Balɗe ma fuu walaa dartantooɗo ma. Bana mi wonduno bee Muusa, bana non ngondiranmi bee maaɗa boo. Mi accataa ma e mi wudintaa ma sam.