Balndi 8:18 - Fulfulde Bible

¹⁸ Risku e tedduŋgal ɗon ngondi bee am, non boo maral tabitŋgal e ngeenaari pottundi.

Fulfulde DC Bible

¹⁸ Risku e tedduŋgal ɗon ngondi bee am, non boo maral tabitŋgal e ngeenaari pottundi.

Balndi 8:18 Iomraidhean Croise

Jabuura 112:3

Risku e jawdi ɗon nder saare maako, adilaaku maako ɗon tabiti haa foroy.

Jabuura 36:6

Yaa Jawmiraawo, mbooɗeeŋga ma yottoto asamanji, bana non boo gooŋgaaku ma.

Balndi 11:4

Jawdi nafataa nyalaade tikkere Allah, ammaa adilaaku hisnan diga maayde.

Balndi 24:4

Bee anndal goɗɗo hebbinirta cuuɗi mum bee kuuje booɗɗe e marɗe saman feere feere.

Balndi 3:16

Juutal balɗe ɗon haa juŋngo maaka nyaamo, risku e daraja boo haa juŋngo maaka nano.

Matta 6:33

Aarte suklanaago laamu Allah e adilaaku muuɗum, nden kam o hokkan on kuuje ɗe'e fuu bana ɓesdaari.

Luka 10:42

Huunde woore tan wonete haandunde. Mariyama suɓi geɗal booɗŋgal, ngal hoosataake haa maako.”

Luka 12:33

Coorre ko marɗon, caahe ɗum talaka'en, mbaɗane ko'e mooɗon boorooji sigaago ceede ɗi mbonnataako e jawdi ndi re'ataa haa asama: Haa ton gujjo ɓadataako, gilɗi boo mbonnataa ɗum.

2 Korintu'en 6:10

Ɓe mettini min ɓerɗe, ammaa min ɗon ceyi tum. Ɓe ɗon ndaara min bana talaka'en, ammaa min ɗon ndiskina ɗuuɗɓe. Min ɗon bana ɓe ngalaa koo ɗume, ammaa min ɗon mari koo ɗume fuu.

Efesu'en 3:8

min laatiiɗo ɓaawoojo ɓaawo'en caka senaaɓe fuu. Ammaa Allah mo'ani yam, halfini yam waazu Linjiila haa ummaatooje, haa mi anndina ɗe jeynitaare Almasiihu ɗuuɗnde nde heɓtataake sam,

Filippi'en 4:19

Allah am humtanan on haajeeji mon fuu fodde risku muuɗum, nder tedduŋgal, bee Yeesu Almasiihu.

Yaakuba 2:5

Deerɗiraaɓe am yiɗaaɓe, keɗite booɗɗum! Naa Allah suɓi laafuɓe duniyaaru ngam haa ɓe laato riskuɓe nder nuɗɗinki e ɓe ndona laamu ngu o iinani yiɗɓe mo na?

Wahayu Yuhanna 3:18

Ngam maajum mi ɗon waso ma: Soodu haa am kaŋŋeeri laɓɓinaandi bee yiite ngam haa a riska. Soodu limce daneeje boo ngam haa a ɓorno, a sudda cemtuɗum temmbu maaɗa. Kadiboo soodu lekki ngam gite ma, ngam haa a heɓa yi'ugo.