Balndi 30:3 - Fulfulde Bible

³ Mi anndinaaka hikma sam, mi anndaa koo ɗume haa Allah Ceniiɗo.

Fulfulde DC Bible

³ Mi anndinaaka hikma sam, mi anndaa koo ɗume haa Allah Ceniiɗo.

Balndi 30:3 Iomraidhean Croise

Balndi 30:4

Moy eeŋgi haa asama, jippi diga ton? Moy mooɓti henndu haa juuɗe mum? Moy haɓɓi ndiyamji nder limce mum? Moy tabitini keeri duniyaaru? Noy innde maako e innde ɓiyiiko? An a anndi na?”

Balndi 9:10

Kulol Jawmiraawo woni fuɗɗam hikma, anndugo Allah Ceniiɗo, kanjum woni hakkiilo.

Esaaya 30:11

Ngaylite, cele laawol gooŋgawol, taa mbolwane min haala Ceniiɗo Isra'iila!”

Esaaya 57:15

Allah Ɓaŋiiɗo, mawɗo, tabitɗo haa foroy, mo innde muuɗum Ceniiɗo ɗon wi'a: Mi ɗon jooɗi haa nokkuure seniinde townde, ammaa mi ɗon jooɗi kommbi ta'a-ɓerndeejo e jaŋkiniiɗo boo ngam semmbiɗingo ta'a-ɓerndeejo e yeeɗitingo jaŋkiniiɗo.

Esaaya 6:10

Saatin ɓerɗe yimɓe ummaatoore nde'e! Sukku ɓe noppi! Maɓɓu ɓe gite ngam taa ɓe ngi'a, taa ɓe nana, taa ɓerɗe maɓɓe paama, ɓe lorto, ɓe nyawnde.”

Esaaya 6:3

Ɓe ɗon mbi'a: “Jawmiraawo honooɓe asama o ceniiɗo, ceniiɗo, ceniiɗo! Tedduŋgal maako hebbini duniyaaru fuu!”

Matta 11:27

Nden o wi'i: “Baabiraawo am halfini yam kuuje fuu. Walaa annduɗo Ɓiɗɗo sonaa Baabiraawo, walaa annduɗo Baabiraawo boo sonaa Ɓiɗɗo e mo Ɓiɗɗo yiɗi waŋginango mo fuu.

Matta 16:17

Yeesu wi'i mo: “A barkiɗinaaɗo, Simon ɓii Yonas, naa neɗɗo waŋginani ma gooŋga ka, ammaa ɗum Baabiraawo am mo asama.

Yuhanna 17:3

Ndaa ko woni ngeendam nduumiiɗam: Ɓe annda an woni Allah gooto, gooŋgaajo, ɓe annda boo Yeesu Almasiihu, nelaaɗo ma.

Roma'en 11:33

Kay! Jeynitaare Allah ɗuuɗi masin! Faamu maako e anndal maako keɓtataake. Moy foti linyugo anniyaaji Allah? Moy faamata laabi maako?

Wahayu Yuhanna 3:7

“Winndan malaa'ikaajo jama'aare nuɗɗinɓe haa Filadelfiya ni'i: Ndaa koŋngol iwŋgol haa Ceniiɗo, gooŋgaajo, jogiiɗo maɓɓitirɗum Daawuda, to o maɓɓiti, walaa mo maɓɓata, to o maɓɓi boo, walaa mo maɓɓititta.

Wahayu Yuhanna 4:8

Kuuje nayi ɗe'e, woore fuu woodi bileeji joweego, keewɗi gite haa nder e haa taarde maaje fuu. Jemma bee naaŋge fuu kuuje ɗe'e ɗon mbi'a tum bilaa siwtaare: “Ceniiɗo, ceniiɗo, ceniiɗo woni Jawmiraawo Allah Baawɗo dow koo ɗume fuu. O ɗonno ɓooyma, o ɗon jonta, o tammi wargo boo.”