Balndi 3:9 - Fulfulde Bible

⁹ Teddin Jawmiraawo bee jawdi ma, lii'ana mo aranum ko keɓɗa fuu.

Fulfulde DC Bible

⁹ Teddin Jawmiraawo bee jawdi ma, lii'ana mo aranum ko keɓɗa fuu.

Balndi 3:9 Iomraidhean Croise

Laataanooji 28:22

Hayre siftinorde nde ndarnumi nde'e, laatanto ma suudu. Haa ko ndokkata mi fuu, mi ittante zakka.”

2 Habaruuji Nyalaaɗe 31:10

Azariya, hooreejo liman'en mo danygol Cadok, jaabi mo: “Diga yimɓe puɗɗi waddugo dokke muuɗum'en haa haykaliiru Jawmiraawo, min nyaami, min kaari, ɗuuɗɗum lutti boo, ngam Jawmiraawo barkiɗini yimɓe muuɗum. Ndaa ko lutti, ɗum ɗuuɗɗum masin.”

2 Habaruuji Nyalaaɗe 31:21

Ko o annini waɗugo ngam daliila kuugal haa haykaliiru Allah fuu malla ngam ɗowtanaago Allah nder tawreeta e umrooje mum, o waɗani ɗum Allah maako bee ɓernde woore, ɗum waɗi barka boo.

Jabuura 144:13

Beembe amin keewan nyaamle feere feereeje, dammooji amin ɗuuɗan cowi ujineeje ɗuuɗɗe haa durduɗe amin.

Gurtaaki 22:29

Bana non mbaɗoton boo bee na'i e dammooji mon. Sey on accida ɗum bee daada maajum nyalɗe joweeɗiɗi. Nyannde joweetataɓre lii'aneeɗam ɗum.

Gurtaaki 23:16

Ɓaawo man on mbaɗa juulde ƴaamnde mon aartunde haa ko aawɗon haa gese mon. Non boo juulde codol haa timmoode hitaande, saa'i on mooɓtata nafuuda kuugal mon haa gese.

Gurtaaki 23:19

Ngadde ɓurɗum wooɗugo haa ƴaamle mon aartuɗe nder suudu Jawmiraawo, Allah mooɗon. Ammaa taa ndefe jawgel nder kosam daada maagel.”

Gurtaaki 34:26

Ngadde ɓurɗum wooɗugo haa ƴaamnde mon aartunde nder suudu Jawmiraawo Allah mon. Taa ndefe jawgel nder kosam daada maagel.”

Balndi 11:25

Boonanoowo woɗɓe, ɓe kaarnan ɗum, jarnoowo boo, ɓe njarnan ɗum.

Balndi 14:31

Ɓillanɗo laafuɗo ɗon huɗa tagɗo mo, enɗanɗo talakaajo ɗon teddina mo.

Esaaya 43:23

On ngaddanaay yam baali mon guleteeɗi. On teddinaay yam bee kirseteeɗi mon. Mi doolaay on waddango yam dokke nyaamdu, mi somnaay on bee uurle.

Farillaaji Lewi'en 19:25

Ammaa nduuɓu njowaɓu on nyaaman ɗe. To on mbaɗi bana non, ɗe ɓesdanan on rimugo ɓiɓɓe. Min woni Jawmiraawo Allah mon.

Limle 15:20

Ittane mo tamseere woore haa tamseeje mon aartuɗe, itte ɗum bana no ittirton haa demetirle mon.

Matta 25:17

Keɓɗo ceede kaŋŋeeri teemeɗɗe ɗiɗi dilli, waɗi bana man boo. O heɓi riba ceede kaŋŋeeri teemeɗɗe ɗiɗi goɗɗe.

1 Korintu'en 16:2

Nyalaade Alat fuu sey koo moy mooɗon resa ceede seɗɗa haa muuɗum baakin no o waawi. Taa ndeene nii haa to mi wari nden puɗɗon mooɓtugo dokke maajum.

Tooktaaki Tawreeta 14:29

Lewi'en ngaran kooca geɗal muuɗum'en, ngam ɓe marataa gese caka mooɗon. Luttuɗum boo ɗum laatano hoɗɓe e atiime'en e rewɓe yurumɓe wonɓe nder berniiji mon. Ɓe fuu ɓe keɓa, ɓe nyaama, ɓe kaara, ngam haa Jawmiraawo, Allah mooɗon barkiɗina kuugal juuɗe mooɗon fuu.