Balndi 3:1 - Fulfulde Bible

¹ Ɓiŋngel am, taa yejjitit ekkitinol am, ɓernde ma jogo umrooje am.

Fulfulde DC Bible

¹ Ɓiŋngel am, taa yejjitit ekkitinol am, ɓernde ma jogo umrooje am.

Balndi 3:1 Iomraidhean Croise

Jabuura 119:11

Mi ɗon jogi wolde ma nder ɓernde am, ngam taa mi waɗa hakke dow maaɗa.

Jabuura 119:153

Laar ɓillaare am, hisnam, ngam mi yejjitaay tawreeta ma.

Jabuura 119:16

Mi ɗon seyoro farillaaji ma, mi yejjitittaa wolde ma.

Jabuura 119:176

Mi ɗon yiilo bana mbaalu majjuŋgu. Ɗaɓɓitit maccuɗo ma, ngam mi yejjitaay umrooje ma.

Jabuura 119:34

Hokkam faamu haa mi ɗowtano tawreeta ma, mi tokko ka bee ɓernde woore.

Jabuura 119:61

Kaɓɓorli halluɓe ɗon taari yam, ammaa mi yejjitaay tawreeta ma.

Jabuura 119:93

Mi yejjitittaa sarɗiiji ma sam, ngam bee maaji a yeeɗitini yam.

Jabuura 91:16

Mi juttinan balɗe maako, o saftan duuɓi, mi waŋginanan mo kisndam am.

Gurtaaki 20:6

Ammaa mi waɗanan yiɗɓe yam, ɗowtaniiɓe umrooje am mbooɗeeŋga haa gide ujineeje.

Balndi 1:8

Ɓiŋngel am, nan elto baaba ma, taa sala wasuyeeji daada ma.

Balndi 16:31

Dandanndi ngoni meetaleewol booɗŋgol masin, goɗɗo heɓran ngol bee waɗugo adilaaku.

Balndi 2:1

Ɓiŋngel am, to a jaɓi bolle am, to a sigake umrooje am haa maaɗa,

Balndi 23:26

Ɓiŋngel am, heɗitam bee ɓernde ma fuu, kuuɗe am laatano ma misaalu.

Balndi 31:5

Ngam to ɓe nguyki, ɓe ngejjitan ko haandani ɓe, ɓe kiitantaako laafuɓe kiita gooŋga.

Balndi 4:2

Ngam mi ɗon hokka on anndal booɗŋgal, taa ngudine ekkitinol am.

Balndi 4:21

Taa accu ɗe ndaayo gite ma, siga ɗe nder ɓernde ma.

Balndi 4:5

Sey a heɓa hikma e hakkiilo. Taa yejjitit bolle am, taa wudin ɗe.

Balndi 8:1

Nane! Hikma ɗon ewno, faamu ɗon towna sawtu mum.

Balndi 9:1

Debbo mawɗo bi'eteeɗo Hikma sehi daŋraŋge suudu mum joweeɗiɗi, nyiɓi ndu.

Esaaya 51:17

Fin, fin! Umma, an Urusaliima! A yari jardugel tikkere ngel juŋngo Jawmiraawo hokki ma. A yari ko woni nder jardugel fuu haa ɗum hokki ma giilol!

Yeremiya 31:33

Ammaa to saa'i man wari, mi haɓɓan alkawal bee yimɓe Isra'iila bana ni'i: Mi nastinan tawreeta am nder hakkiilooji maɓɓe, mi winndan ka nder ɓerɗe maɓɓe. Min mi laatoto Allah maɓɓe, kamɓe boo ɓe laatoto ummaatoore am.

Hose'a 4:6

Ummaatoore am ɗon halka ngam nde walaa anndal. An a wudini anndal, ngam maajum min boo mi wudinte diga kuugal limanku am. A faalaay tawreeta Allah maaɗa, ngam maajum min boo mi faalataa ɓiɓɓe maaɗa.

Tooktaaki Tawreeta 4:23

Ndeente, taa ngejjite alkawal ngal Jawmiraawo, Allah mon haɓɓi bee mooɗon! Taa mbaɗane ko'e mon lawru fodde suura koo kaye ngam Jawmiraawo, Allah mooɗon haɗi ɗum.

Tooktaaki Tawreeta 4:9

Ammaa ndeente! Kakkilane ko'e mon booɗɗum, taa ngejjite ko ngi'ɗon bee gite mon, njoge ɗum balɗe mooɗon fuu. Ngecce ɓikkoy mon e taaniraaɓe mon

Tooktaaki Tawreeta 5:16

Teddin baaba ma e daada ma, bana min Jawmiraawo, Allah maaɗa mi umri ma. Nden kam a heɓan hayru, balɗe ma njuutan nder lesdi ndi min Jawmiraawo, Allah maaɗa ndokkanmaami.

Tooktaaki Tawreeta 5:33

Tokke laawol umrooje ɗe Jawmiraawo, Allah mooɗon umri on fuu ngam on ngeeɗa, on keɓa hayru, balɗe mon njuuta nder lesdi ndi maroton.”

Tooktaaki Tawreeta 8:1

“Kakkilane umrooje fuu ɗe umranmi on hannde, ɗowtane ɗe, ngam haa on ngeeɗa, on ɗuuɗa, on nasta haa lesdi ndi Jawmiraawo hunani kaakiraaɓe mooɗon, on mara ndi.