Balndi 21:4 - Fulfulde Bible

⁴ Gite mawnitiiɗe e ɓernde ƴaggiinde e hayru halluɓe, kanjum woni hakke.

Fulfulde DC Bible

⁴ Gite mawnitiiɗe e ɓernde ƴaggiinde e hayru halluɓe, kanjum woni hakke.

Balndi 21:4 Iomraidhean Croise

Ayuba 18:5

Fakat, Allah nyiɓɓinan jayŋgol kalluɗo, nden yiite haa saare maako meetataa yaynugo.

Ayuba 18:6

Jayŋgol haa suudu maako laatoto nyiɓre, ngam pittirla ngonka dow maako nyifan.

Jabuura 10:4

Kalluɗo mawniti, ɗon wi'a: “Walaa mo hiitoto yam, Allah walaa!” Bana nii numooji kalluɗo mba'i.

Jabuura 101:5

Baɗanɗo keeddiɗɗum tufle, mi je'inan ɗum. Mi ɓusataa mawnitiiɓe e mantotooɓe.

Jabuura 131:1

Yimre Daawuda ngam jahaaŋgal haa Urusaliima. Yaa Jawmiraawo, ɓernde am mawnitaaki, mi walaa ƴaggaare, mi nufataako kuuɗe mawɗe malla kuuɗe calorɗe yam.

Balndi 15:8

Kirseteeɗi halluɓe laati nyidduɗi haa Jawmiraawo, ammaa tornde gooŋga'en fottani mo.

Balndi 21:27

Kirseteeŋga kalluɗo woni nyidduɗum, sakkomaa nde o lii'oto nga bee anniya kalluka.

Balndi 24:20

ngam hayru maɓɓe duurataa, ngu jinnan bana pittirlayel nyifanŋgel.

Balndi 30:13

Woodi yimɓe, ɓe mawnitiiɓe masin, gite maɓɓe ɗon mawnito tum.

Balndi 6:16

Jawmiraawo ɗon wanya kuuje joweeɗiɗi, ɗe laati nyidduɗe haa maako:

Balndi 6:17

Gite mawnitiiɗe e ɗemŋgal pewoowal e juuɗe dufanɗe ƴiiƴam neɗɗo mo walaa aybe

Balndi 8:13

Hulugo Jawmiraawo ɗum wanyugo halleende. Mi ɗon wanya mawnitaare e elewre, kuuɗe kalluɗe e bolle faasikiije fuu.

Esaaya 10:12

Ammaa Jawmiraawo wi'i: “To mi timmini kuugal am fuu haa hooseere Siyona e Urusaliima, mi hiitoto laamiiɗo Assuura ngam mawnitaare maako e elewre maako fuu.”

Esaaya 2:11

Nyalaade man mawnitiiɗo leestan, jurotooɗo turoto. Ammaa Jawmiraawo ɓaŋgoto, kaŋko feere maako.

Esaaya 2:17

Mawnitiiɗo leestinteeɗo, jurotooɗo turoto. Ammaa nder nyalaade man, Jawmiraawo ɓaŋgoto, kaŋko feere maako.

Esaaya 3:16

Jawmiraawo wi'i: “Rewɓe Urusaliima mawniti, nder yahdu maɓɓe ɓe ɗon naɗɗina daande, ɓe ɗon cakkina gite, ɓe ɗon ndajja bee waɗugo hoolo bee jawe kosɗe maɓɓe.

Luka 11:34

Gite ma laati pittirla ɓanndu maaɗa. To gite ma njame, ɓanndu ma fuu ɗon nder annoora. Ammaa to gite ma njamɗaay, ɓanndu ma fuu ɗon nder nyiɓre.

Luka 18:14

Mi ɗon wi'a on, kaŋko o heɓi yerduye Allah nde o hooti saare maako, ammaa Farisaajo heɓaay. Ngam koo moy mawnini hoore mum, o leestinteeɗo e mo leestini hoore mum boo, o ɓaŋgteteeɗo.”

Roma'en 14:23

Ammaa to goɗɗo seki dow nyaamdu mum, Allah hiitoto ɗum, ngam o daraaki dow nuɗɗinki. Ko iwaay haa nuɗɗinki fuu, ɗum aybe.

1 Piyer 5:5

Onon derke'en boo, leestane mawɓe bana non. Koo moy fuu laatano deerɗum jaŋkiniiɗo ngam Deftere wi'i: “Allah ɗon dartano mantotooɓe, ammaa o ɗon mo'ana yaŋkiniiɓe.”