Balndi 15:8 - Fulfulde Bible

⁸ Kirseteeɗi halluɓe laati nyidduɗi haa Jawmiraawo, ammaa tornde gooŋga'en fottani mo.

Fulfulde DC Bible

⁸ Kirseteeɗi halluɓe laati nyidduɗi haa Jawmiraawo, ammaa tornde gooŋga'en fottani mo.

Balndi 15:8 Iomraidhean Croise

2 Samuyila 15:12

Nden Absalom neli haa Gilo ngam ewnoyaago Ahitofel, sawariijo Daawuda. Saa'i maajum o fuɗɗino lii'anaago Jawmiraawo kirsaaɗi. Tuurtol dow laamiiɗo ɓurti saatugo, ngam tokkiiɓe Absalom ɗonno ɓesdo boo.

1 Laamiiɓe 3:10

Tornde Suleymaanu nde'e fottani Jawmiraawo.

1 Habaruuji Nyalaaɗe 29:17

Yaa Allah am, mi anndi a linyoowo ɓernde, a ɗon seyoro gooŋgaaku. Ndaa mi hokki caahuuji ɗi fuu bee gooŋgaaku ɓernde am. Jonta ngi'mi bee seyo no yimɓe am tawaaɓe ɗo ngerdi, ndokki ma dokke muuɗum'en.

Jabuura 141:2

Tornde am laato bana uurle uurooje yeeso ma, juuɗe am ɓaŋgtaaɗe boo bana dokkal nyaamdu kiikiiɗe.

Jabuura 17:1

Do'aare Daawuda. Yaa Jawmiraawo, nan haala am adiliiha, heɗita gookaali am, jaɓ tornde nde toriimi bilaa naafikaare!

Balndi 10:24

Ko kalluɗo huli, kanjum waranta mo. Ko adiliijo yiɗi, o heɓan ɗum.

Balndi 15:29

Jawmiraawo ɗon daayi halluɓe, ammaa o ɗon nana tornde adili'en.

Balndi 15:7

Kunnduɗe hikma'en caakan anndal, ammaa ɓerɗe faataaɓe mbaɗataa ɗum.

Balndi 21:27

Kirseteeŋga kalluɗo woni nyidduɗum, sakkomaa nde o lii'oto nga bee anniya kalluka.

Balndi 21:3

Waɗugo adilaaku e pottuɗum ɓuri fottango Jawmiraawo dow kirseteeɗi.

Balndi 28:9

To goɗɗo sukki noppi mum ngam taa o nana tawreeta, tornde maako laatoto nyiddunde haa Allah.

Gaazoowo 5:1

Taa yaawu maɓɓititgo hunnduko ma, taa ɓernde ma yaawa wolwugo koo ɗume yeeso Allah. Ngam haa asama Allah woni, an boo dow lesdi. Nden kam taa ɗuɗɗin bolle:

Yimre Suleymaanu 2:14

Poolel am haa ceekli tapaaje, nder nyukkorde diirtorde, accam mi laara yeeso maaɗa mi heɗito sawtu, ngam sawtu ma weli e a ŋarniiɗo boo.

Esaaya 61:8

Ngam min Jawmiraawo mi yiɗi kiita ngooŋɗuka. Mi ɗon wanya jaɓtuki e halleende. Mi hokkan yimɓe am mbarjaari maɓɓe bee hoolaare, mi haɓɓan alkawal duumiiŋgal bee maɓɓe.

Esaaya 66:3

Mo hirsi ngaari, mbari neɗɗo boo. Mo hirsi mbaalu, yewi rawaandu daande boo. Mo waddi dokkal, lii'i boo ƴiiƴam gaduuji. Mo wuli uurle ngam am, sujidani boo lawru. Kamɓe ɓe cuɓi laabi maɓɓe, ɓerɗe maɓɓe ɗon ceyoro kuuje maɓɓe nyidduɗe ɗe'e.

Yeremiya 6:20

Mi ɗaɓɓataa uurdi lesdi Seba, koo ƴommbe uurɗe ɗe lesdi ndaayiindi. Guleteeɗi mooɗon pottantaa yam, kirseteeɗi mooɗon pottantaa yam.

Daniyel 9:23

Saa'i a fuɗɗi toraago Allah, wolde iwi diga maako e mi wari yeccugo ma nde, ngam a ɗuuɗa-samanjo. Faamu wolde nde, faamu boo maana wahayu man:

Farillaaji Lewi'en 7:18

To ɓe nyaami kusel luttuŋgel nyannde tataɓre, Allah yerdataako goɗɗo oo. Allah limantaa mo nga, nga coɓŋga. Koo moy nyaami kusel man, nastini hoore mum nder aybe.

Mika 6:6

Bee ɗume ɓaditotoomi Jawmiraawo e kofotoomi yeeso Allah Ɓaŋiiɗo? Mi ɓadito mo bee guleteeɗi koo bee nyalbi na?

Mika 6:7

Jawmiraawo yerdoto jawɗi baali ujineere koo maahoy nebbam ujine sappo na? Mi hokka mo afo am, danygol ɓanndu am ngam yoɓugo tuurtol am e hakke yoŋki am na?

Haggay 2:14

Nden Haggay wi'i: “Jawmiraawo wi'i: Bana non yimɓe ummaatoore nde'e laatori yeeso am, bana non kuugal juuɗe maɓɓe fuu wa'i. Ko ɓe lii'anto yam ton fuu, soɓi.

Malakiya 1:10

“Ayye! Ɓuranno to gooto mon maɓɓi dammuɗe haykaliiru, ngam taa on kuɓɓa yiite meere dow hirsirde am! Mi seyoraaki on sam, mi jaɓataa dokkal diga juuɗe mooɗon. Non Jawmiraawo honooɓe asama wi'i.

Yuhanna 4:24

Allah o Ruuhu, sey sujidanooɓe mo, cujidana mo nder Ruuhu e gooŋga.”