Balndi 10:22 - Fulfulde Bible

²² Barka Jawmiraawo, kaŋka riskinta, comri neɗɗo ɓesdataa koo ɗume.

Fulfulde DC Bible

²² Barka Jawmiraawo, kaŋka riskinta, comri neɗɗo ɓesdataa koo ɗume.

Balndi 10:22 Iomraidhean Croise

Laataanooji 12:2

Mi laatinte ummaatoore mawnde, mi barkiɗinte, mi mawninan innde maaɗa. A laatanto woɗɓe daliila barka.

Laataanooji 13:2

Abraama diskuɗo masin. O mari dabbaaji e cardi e kaŋŋeeri.

Laataanooji 14:23

Mi hoo'ataa koo ɗume haa ko marɗa, diga gaarawol haa lokkulol paɗe! Ngam taa mbi'a a riskini Abraama.

Laataanooji 24:35

Jawmiraawo barkiɗini jaagorɗo am, haa o riski masin. O hokki mo dammooji e na'i e cardi e kaŋŋeeri e maccuɓe e horɓe e geelooɗi e bamɗe.

Laataanooji 26:12

Hitaande maajum, Isiyaaku aawino nder lesdi maajum. O ƴaamni cowi teemerre ko o aawi, ngam Jawmiraawo barkiɗini mo.

Laataanooji 26:13

O riski masin. Risku maako yehi yeeso yeeso haa o laati mawɗo masin.

1 Laamiiɓe 21:19

Wi' mo: Ndaa nii Jawmiraawo wi'i: A mbari goɗɗo, a jaɓti maral maako na? Anndu, haa nokkuure dawaaɗi tahi ƴiiƴam Nabot, ton ɗi tahata ƴiiƴam maaɗa boo.”

1 Habaruuji Nyalaaɗe 4:10

Ya'bes tori Allah Isra'iila, wi'i: “Barkiɗinam, yaajin maral am, juŋngo ma faddo yam, daaynanam sarru ngam taa mi yara bone!” Allah jaɓani mo ko o tori.

2 Habaruuji Nyalaaɗe 25:9

Amasiya ƴami goɗɗo Allah man: “E noy cardi fuu ndi njoɓmi ngam jama'aare Isra'iila'en?” O jaabi: “Jawmiraawo waawan hokkugo ma ɓuranɗum ɗu'um!”

2 Habaruuji Nyalaaɗe 32:27

Hezekiya laati diskuɗo, tedduɗo masin. O nyiɓi ndesaaje ngam mardi maako: kaŋŋeeri e cardi e kaa'e ɗuuɗa-samanje e kuuje uurɗe e bawarɗe e kuuje goɗɗe marɗe saman,

2 Habaruuji Nyalaaɗe 32:29

O nyiɓi berniiji, o woodi boo baali e na'i ɗuuɗɗi ngam Allah hokki mo jawdi ɗuuɗndi masin.

Jabuura 107:38

O barkiɗini ɓe, ɓe keɓi ɓikkoy ɗuuɗkoy masin, o ustaay dabbaaji maɓɓe.

Jabuura 127:2

To on ummake fajiri cub, on tuurtake esaa'i, on keɓri nyaamdu mon bee torra, ko ɗum nafi? Ngam Jawmiraawo ɗon hokka bana non haa yiɗaaɓe mum saa'i ɓe ɗon ɗaani.

Jabuura 37:22

Ngam barkiɗinaaɓe Jawmiraawo maran lesdi, ammaa naalaaɓe maako kalkan.

Balndi 14:24

Daraja hikma'en, ɗum risku maɓɓe, ammaa faataaɓe heɓtirteeɓe bee faataare muuɗum'en.

Balndi 20:21

Risku keɓaaŋgu bee jaawal haa fuɗɗam, waɗataa barka haa ragare.

Balndi 28:22

Suuna-giteejo ɗon yaawana riskugo, o anndaa sooynde waranan mo.

Balndi 8:21

haa mi riskina yiɗɓe yam, mi hebbina cigorɗi maɓɓe.

Daniyel 1:15

Nde nyalɗe man timmi, o tawi jaati maɓɓe ɓuri jaati derke'en nyaamɓe nyaamdu laamiiɗo fuu wooɗugo e tekkugo.

Zekariya 5:4

Jawmiraawo honooɓe asama wi'i: Mi neldi naaloore nde'e ngam haa nde nasta suudu gujjo e suudu kunotooɗo dow fewre bee innde am. Nde jooɗoto ton, haa nde halkida kuuje fuu, koo piile e kaa'e fuu.”

Tooktaaki Tawreeta 26:10

Jonta ndaa mi waddi ko aarti ɓenndugo haa lesdi ndi'i, an Jawmiraawo a hokki yam. Nden njo'ine ɗum yeeso Jawmiraawo, Allah mooɗon, cujidane mo.

Tooktaaki Tawreeta 28:11

Jawmiraawo hokkan on ɓikkoy ɗuuɗkoy e dabbaaji ɗuuɗɗi e ƴaamle gese bee fantugo nder lesdi ndi o hunani kaakiraaɓe mon o hokkan on ɗum.

Yosuwa 6:18

Ammaa kakkile! Ndeente ko'e mon, taa koo'e koo ɗume nder kuuje kaɗaaɗe ngam ɗum harmi, ammaa nattine ɗe ngam taa on pooɗana Isra'iila sarru e nattere.