Ayuba 12:10 - Fulfulde Bible

¹⁰ Yoŋki geetum fuu ɗon haa juŋngo maako, non boo nafsu ɓiɓɓe Aadama fuu.

Fulfulde DC Bible

¹⁰ Yoŋki geetum fuu ɗon haa juŋngo maako, non boo nafsu ɓiɓɓe Aadama fuu.

Ayuba 12:10 Iomraidhean Croise

Laataanooji 2:7

Bee mbulwuldi lesdi Jawmiraawo Allah tafri neɗɗo. O fuufi poofɗe ngeendam nder kine maako, nden o laati neɗɗo geeto.

Laataanooji 6:17

Mi waddan ilam dow lesdi, ngam halkugo ko yeeɗata les asama, marndum poofɗe ngeendam. Ko woni dow lesdi fuu nattan.

Ayuba 27:3

To mi ɗon bee yoŋki, to poofɗe Allah boo ɗon lutti nder am,

Ayuba 27:8

Nyannde maayde, noy naafikiijo tammorto, saa'i Allah ta'i mo poofɗe?

Ayuba 33:4

Bee Ruuhu Allah tagraami, poofɗe Baawɗo ɗon ngeeɗina yam.

Jabuura 104:29

To a wiirni gite ma, ɗi kultoran. To a naŋgti poofɗe maaji, ɗi mbaatan, ɗi ngartan mbulwuldi.

Jabuura 104:30

Ammaa to a hokki ɗi poofɗe, ɗi ngeeɗan, ɗi keewan lesdi.

Gaazoowo 9:1

Mi numti e mi linyi ɗum fuu, tawmi adili'en e hikma'en e kuuɗe muuɗum'en fuu ɗon haa juŋngo Allah. Koo yiide koo nganyŋgu, neɗɗo anndaa ko woni yeeso muuɗum.

Esaaya 42:5

Allah Jawmiraawo mo tagi asamanji, we'iti ɗi, mo waɗi lesdi e fuɗŋgooji maari, mo hokki yimɓe wonɓe dow maari poofɗe e yahooɓe dow maari ruuhu – ndaa nii o wi'i suka maako:

Esaaya 57:16

Ngam mi jokkirtaa bee maɓɓe haa foroy, mi tikkantaa ɓe haa abada. To naa non, ruuhuuji maɓɓe tampan yeeso am, non boo yoŋkiiji maɓɓe ɗi tagmi.

Daniyel 5:23

A mawniti dow Jawmiraawo mo asama. Ɓe ngaddani ma njardukoy koy a hooci diga haykaliiru maako. An e mawɓe ma e rewɓe ma e sulaaɓe ma, on njardi inaboojam bee maakoy, on maŋgti labbi kuuwraaɗi bee kaŋŋeeri e cardi e njamndi mboɗeeri e njamndi ɓaleeri e leggal e hayre, ɗi ngi'ataa, ɗi nanataa, ɗi anndaa koo ɗume. Ammaa a teddinaay Allah jogiiɗo yoŋki ma e laabi ma fuu haa juŋngo muuɗum.

Limle 16:22

Ammaa Muusa e Haruna cujidi, mbi'i: “Yaa Allah, an hokki marɗum ɓanndu fuu yoŋki. To gooto waɗi hakke, a tikkanan ummaatoore fuu na?”

Yuhanna 3:6

Ko danya e yimɓe, ɗum ɓanndu tan. Ko danya e Ruuhu, ɗum ruuhu.

Kuuɗe Nelaaɓe 17:25

O maraay haaje yimɓe mbaɗana mo koo ɗume, ngam kaŋko hokkata koo moy yoŋki e poofɗe e koo ɗume fuu.

Kuuɗe Nelaaɓe 17:28

ngam ɗum wi'a: Yeeɗugo meeɗen, dimmbaago meeɗen, laataago meeɗen, fuu haa maako ɗum iwi. Bana woɗɓe haa yimooɓe mon mbi'i: Enen boo en danygol maako.