Ayuba 10:7 - Fulfulde Bible

⁷ A anndi mi laaɓɗo, walaa kisnanɗo yam diga juŋngo ma.

Fulfulde DC Bible

⁷ A anndi mi laaɓɗo, walaa kisnanɗo yam diga juŋngo ma.

Ayuba 10:7 Iomraidhean Croise

Ayuba 10:15

Fakat, to mi aybuɗo, bone laatanto yam! Koo to mi laaɓɗo, mi ɓaŋgtataa hoore am, mi heewi bee torra e mettamɓeram tan.

Ayuba 11:4

An a wi'i: “Mi laaɓɗo nder bolle am, walaa aybewol mbaɗmi dow Allah sam.”

Ayuba 13:18

Ndaare, mi taaskake waŋgingo hujja am. Mi anndi min mari gooŋga.

Ayuba 23:10

Alhaali boo, o anndi laawol ngol mi tokkoto, koo to o foondi yam, o tawatam mi laaɓɗo saray bana kaŋŋeeri.

Ayuba 23:11

Mi tokki batte maako bee laaɓɗum, ɗatal maako tan tokkiimi bilaa selugo ngal.

Ayuba 27:22

Bilaa enɗam ndu faɗɗan mo bee caatal, koo to kaŋko o ɗaɓɓiti daɗugo ndu.

Ayuba 31:14

nden kam noy mbaɗannoomi yeeso Allah am? Ɗume njaabotoomi Allah to o ƴami yam?

Ayuba 31:35

Toy mi heɓata gooto haa o nanammi? Ndaa ɗo haala am! Jonta Baawɗo jaabammi! Toy wullaandu ndu konne'en am mbinndi ɗum?

Ayuba 31:6

Allah kilammi dow awnorɗum gooŋgaajum, nden o annditan law mi walaa aybe sam!

Ayuba 32:1

Yimɓe tato go acci jaabaago Ayuba, ngam o laari hoore maako o adiliijo.

Ayuba 33:9

“Min mi laaɓɗo, mi walaa ɓeetaare sam, walaa aybe boo, walaa zunuuba sam.

Ayuba 40:8

A jaɓaay kiita ka mi ta'i na? A yiɗi aybingo yam ngam haa a adilina hoore ma na?

Ayuba 42:7

Ɓaawo Jawmiraawo wolwani Ayuba bolle ɗe'e fuu, Jawmiraawo wi'i Elifas Temaniijo: “Mi ɗon ɓernane, an e sooba'en ma ɗiɗo. Ngam on ceedanaaki yam gooŋga bana jaggiiɗo am Ayuba seedori.

Ayuba 9:12

To o jaɓti huunde, moy waawata hoosititgo ɗum? Moy wi'ata Allah: “Ɗume mbaɗata ɗo?”

Ayuba 9:21

Fakat mi adiliijo kam na? Min bee hoore am, mi anndaa. Mi ɗon miccita ngeendam am.

Ayuba 9:22

Ɗum fuu ɗum gootum! Ngam maajum mi wi'an: Allah nattinan adiliijo e kalluɗo boo.

Jabuura 1:6

Ngam Jawmiraawo anndi laawol adili'en, ammaa ngol halluɓe yahran haa halkere.

Jabuura 17:3

A linyi ɓernde am, jemma fuu a wari haa am, a foondi yam, a tawaay aybe. Mi wolwataa dow kuuɗe ɓiɓɓe Aadama. Mi ɗowtani bolle ma, mi tokkaaki laabi toonyooɓe.

Jabuura 50:22

Paame ɗum, onon yejjitanɓe yam! To naa non mi seekan on, kisnanɗo on boo walaa.

Jabuura 7:3

To naa non ɓe ceekatam bana mbarooga, ngam walaa kisnoowo yam feere.

Esaaya 43:13

Koo yeeso ɗo, ɗum min. Walaa kisnanɗo e juŋngo am. Ko mi waɗi, moy sannjata ɗum?”

Daniyel 3:15

Jonta taaske, saa'i on nani hoolo luwe e ciide e garayaaji e moolooji e hooduuji e algaytaaji e kuuje gimruɗe fuu, tugge koppi, cujidane suura ka mi waɗi. To naa non, on cakkinteeɓe nder yiite ɓolinirde jonta jonta. Ɗowanteeɗo moye hisnata on juŋngo am?”

Hose'a 2:10

O annditaay min hokki mo alkamaari e inaboojam kesam e nebbam. Mi ɗuɗɗinani mo cardi e kaŋŋeeri. Ammaa ɓe kuuwtiniri ndi ngam Ba'al.

Hose'a 5:14

Ngam min mi laatanto Efrayim bana mbarooga, mi laatanto Yahuuda bana mbarooga cemmbiɗŋga. Mi seekan, nden mi dilla. Mi jaɓtan, walaa kisnanɗo ɓe.

Yuhanna 21:17

O wolwani mo tataɓre: “Simon ɓii Yuhanna, a yiɗi yam na?” Piyer suni nde Yeesu ƴami mo ƴamol tataɓol: “A yiɗi yam na?” O jaabi mo: “Jawmiraawo, an a anndi koo ɗume fuu, a anndi mi yiɗi ma.” Yeesu wi'i mo: “Duru baali am.

2 Korintu'en 1:12

Numooji ɓerɗe amin ɗon ceedano min, min njooɗi nder gooŋgaaku e laaɓeeŋga nder duniyaaru, sakkomaa caka mooɗon. Kanjum iwi haa Allah, kanjum min mantorto. Min ndaraaki dow faamu yimɓe, sey dow mo'ere Allah.

Tooktaaki Tawreeta 32:39

Ndaare jonta min feere am woni Allah, walaa ɗowanteeɗo goɗɗo haa kommbi am! Min mbarata, min yeeɗinta boo, min naawnata, min hurgata boo. Walaa kisnanɗo ko juŋngo am jogoto!

1 Tessaloniiki'en 2:10

Min njooɗi caka mooɗon min laaɓɓe, min adili'en, min ngalaa feloore. Onon ngoni seedooɓe min, Allah boo seedanto min.

Yosuwa 22:22

“Allah Jawmiraawo woni Allah mawɗo! Allah Jawmiraawo woni Allah mawɗo! Kaŋko o anndi ngam ɗume min mbaɗi ɗum. Annde ɗum onon boo! To min tuurti fakat, to min ngewi umroore Jawmiraawo, nden kam taa o hisna min hannde!