Asta 9:17 - Fulfulde Bible

¹⁷ Kuuje ɗe'e fuu laati nder nyannde sappo e tataɓre nder lewru Adar. Nyannde sappo e nayaɓre ɓe ciwti, ɓe laatini nde juulde nyaamduuji e seyo.

Fulfulde DC Bible

¹⁷ Kuuje ɗe'e fuu laati nder nyannde sappo e tataɓre nder lewru Adar. Nyannde sappo e nayaɓre ɓe ciwti, ɓe laatini nde juulde nyaamduuji e seyo.

Asta 9:17 Iomraidhean Croise

Asta 3:12

Nyannde sappo e tataɓre nder lewru aranndu, ɓe ewni winndooɓe laamiiɗo, Hamman umri ɓe ko ɓe mbinndanta ngomna'en e wakiili'en lesɗe e mawɓe ummaatooje fuu – haa lesdi koo ndiye bee binndol mum e ummaatoore koo ndeye bee wolde mum. Ɓe mbinndi bataakeeji bee innde laamiiɗo, nden Hamman waɗani ɗi lammba bee halagaare go.

Asta 8:9

Nyannde man waato nyannde noogas e tataɓre nder lewru tataɓru wi'eteendu Siwaanu, ɓe ewni winndooɓe laamiiɗo. Kamɓe ɓe mbinndi ko Mardokay umri ɓe fuu, yahugo haa Yahuudu'en e ngomna'en e wakiili'en e mawɓe lesɗe fuu, diga Indiya haa yotti Etiyopiya, lesɗe teemerre e noogas e joweeɗiɗi – haa lesdi koo ndiye fuu bee binndol mum e ummaatoore koo ndeye bee wolde mum, haa Yahuudu'en boo bee binndol e wolde muuɗum'en.

Asta 9:1

Nyalaade sappo e tataɓre nder lewru sappo e ɗiɗawru wi'eteendu Adar ɗum nyalaade hebbitingo umroore laamiiɗo. Konne'en tammino ɓe njaalotono Yahuudu'en nyalaade man. Ammaa haala fuu wayliti, Yahuudu'en njaali wanywanyɓe muuɗum'en.

Asta 9:18

Ammaa Yahuudu'en nder Suuza mooɓi nyannde sappo e tataɓre, non boo sappo e nayaɓre nder lewru Adar man. Ɓe ciwti nyannde sappo e jowaɓre, ɓe laatini nde juulde nyaamduuji seynannde.

Asta 9:21

O umri ɓe waɗugo juulde nder nyannde sappo e nayaɓre nder lewru Adar, non boo nyannde sappo e jowaɓre kala hitaande fuu.