Asta 8:8 - Fulfulde Bible

⁸ Jonta mbinndane Yahuudu'en ko fottani on onon boo. Mbinnde ɗum bee innde am, mbaɗe lammba bee halagaare am boo. Ngam to umroore wurtake bee innde laamiiɗo, to nde waɗanaama lammba muuɗum boo, nde waylataako sam.”

Fulfulde DC Bible

⁸ Jonta mbinndane Yahuudu'en ko fottani on onon boo. Mbinnde ɗum bee innde am, mbaɗe lammba bee halagaare am boo. Ngam to umroore wurtake bee innde laamiiɗo, to nde waɗanaama lammba muuɗum boo, nde waylataako sam.”

Asta 8:8 Iomraidhean Croise

1 Laamiiɓe 21:8

Nden o winndi bataakeeji bee innde laamiiɗo Akab, o waɗani ɗi haatummeere Akab. O neldi ɗi haa ndotti'en e mawɓe berniwol ngol Nabot woni.

Asta 1:19

To ɗum fottani ma, barkaama, waɗ umroore, nde winnde nder umrooje Persiya'en e Mediya'en ngam taa nde waylo. Nde wi'a: Taa Wasti meeta waŋgugo yeeso laamiiɗo Ahasuwerus, laamiiɗo tammi hokkugo tedduŋgal maako haa debbo feere, ɓuranɗo mo wooɗugo.

Asta 3:12

Nyannde sappo e tataɓre nder lewru aranndu, ɓe ewni winndooɓe laamiiɗo, Hamman umri ɓe ko ɓe mbinndanta ngomna'en e wakiili'en lesɗe e mawɓe ummaatooje fuu – haa lesdi koo ndiye bee binndol mum e ummaatoore koo ndeye bee wolde mum. Ɓe mbinndi bataakeeji bee innde laamiiɗo, nden Hamman waɗani ɗi lammba bee halagaare go.

Asta 8:10

Ɓe mbinndi bataakeeji bee innde laamiiɗo Ahasuwerus, ɓe ngaɗani ɗi lammba bee halagaare laamiiɗo. Nden ɓe neldi ɗi bee yaawɗotooɓe wa'iiɓe pucci cuɓaaɗi ɗi saare laamiiɗo.

Asta 8:5

Nden o wi'i: “To a yerdake, barkaama, to mi heɓi mo'ere haa maaɗa, to haala ka fottani ma, to mi heɓi yerduye ma boo, ɓe mbinnda bataakeeji ngam waylititgo ɗi Hamman ɓii Hammedata Agagiijo nufi, winndi ngam halkugo Yahuudu'en wonɓe nder lesɗe maaɗa fuu, barkaama.

Daniyel 6:8

Minin ardiiɓe nder laamu maaɗa fuu, lawan'en e jawro'en e ngomna'en e sarwooɓe, min narri ƴamugo ma, barkaama, a waɗa dooka, a semmbiɗina ka, wi'ugo ni'i: Nder nyalɗe cappanɗe tati garanɗe, taa goɗɗo toro huunde haa ɗowanteeɗo malla neɗɗo feere, sey haa laamiiɗo tan. Mo ɗowtanaaki dooka ka'a, o sakkinteeɗo nder lowol barooɗe.

2 Timote 2:19

Ammaa caɓɓawal cemmbiɗŋgal ngal Allah wallini, ɗon tabiti. Ndaa ko winnda dow maagal: “Jawmiraawo anndi yimɓe muuɗum.” Non boo: “Ewnotooɗo innde Jawmiraawo fuu, sey acca waɗugo halleende.”