Asta 6:1 - Fulfulde Bible

¹ Jemmaare nde'e laamiiɗo waawaay ɗaanaago. O umri ɓe ngaddana mo Deftere Siftinorde Habaruuji Nyalaaɗe. Goɗɗo jaŋngani mo nde.

Fulfulde DC Bible

¹ Jemmaare nde'e laamiiɗo waawaay ɗaanaago. O umri ɓe ngaddana mo Deftere Siftinorde Habaruuji Nyalaaɗe. Goɗɗo jaŋngani mo nde.

Asta 6:1 Iomraidhean Croise

Laataanooji 22:14

Ibrahiima inndi nokkuure man Jawmiraawo hiɓɓan ɗum. Haa hannde ɗum ɗon wi'e: “Dow hooseere Jawmiraawo, ɗum hiɓɓoto”.

Asta 10:2

Haala kuuɗe cuusal e baawɗe e haala maŋngu Mardokay boo, ɗum winndaama nder Deftere Habaruuji Nyalaaɗe Laamiiɓe Mediya e Persiya.

Asta 2:21

Nyannde go'o, nde Mardokay ɗon huuwa haa laamorde, saraaki'en ɗiɗo, Bigetan e Teres, sortaaɓe, aynooɓe dammugal haa suudu laamiiɗo, tikki, mbaɗi dabare ngam mbarugo laamiiɗo Ahasuwerus.

Asta 2:22

Mardokay nani haala man, anndini ka Asta, debbo laamiiɗo, Asta boo yecci ka laamiiɗo bee innde Mardokay.

Asta 2:23

Ɓe linyi haala man, ngooŋɗini ka. Worɓe ɗiɗo go ɓilaama dow leɗɗe. Habaruuji ɗi'i fuu mbinndaama haa Deftere Habaruuji Nyalaaɗe yeeso laamiiɗo.

Asta 5:8

To mi heɓi mo'ere haa maaɗa, barkaama, to ɗum fottani ma a yerdo tornde am, a waɗa ko mi ɗaɓɓata boo, nden kam war jaŋngo bee Hamman ngam nyaamduuji ɗi mi waɗanta on. Jaŋngo njaabotoomi ko ƴamɗa, barkaama.”

Esaaya 41:17

Laafuɓe e yurumɓe ɗon ɗaɓɓita ndiyam, ɗam woodaa. Ɗemɗe maɓɓe ɗon njoora ngam ɗomka. Min Jawmiraawo mi jaɓanan ɓe tornde maɓɓe. Min Allah Isra'iila mi accataa ɓe.

Daniyel 2:1

Nder nduuɓu laamu maako ɗiɗaɓu, Nabukodonosor hoyɗi. Koyɗi ɗi'i cakli mo, o waawaay ɗaanaago.

Daniyel 6:18

Ɓe ngaddi hayre mawnde, ɓe maɓɓi hunnduko lowol bee maare. Laamiiɗo waɗi lammba halagaare muuɗum non boo nga mawɓe muuɗum, ngam taa kiita Daniyel waylite koo seɗɗa.

Malakiya 3:16

Nden hulɓe Jawmiraawo mbolwindiri. Jawmiraawo boo heɗiti, nani. Deftere ciftorki winndaama yeeso maako ngam hulɓe mo, teddinanɓe innde maako.

Roma'en 11:33

Kay! Jeynitaare Allah ɗuuɗi masin! Faamu maako e anndal maako keɓtataake. Moy foti linyugo anniyaaji Allah? Moy faamata laabi maako?