Asta 10:3 - Fulfulde Bible

³ Mardokay Yahuuduujo laati ɗiɗaɓo laamiiɗo, Yahuudu'en fuu camɗini mo. Mooɓgal banndiraaɓe maako ngiɗi mo, ngam o ɗaɓɓiti jam ummaatoore maako, o tabitini hayru yimɓe maako fuu.

Fulfulde DC Bible

³ Mardokay Yahuuduujo laati ɗiɗaɓo laamiiɗo, Yahuudu'en fuu camɗini mo. Mooɓgal banndiraaɓe maako ngiɗi mo, ngam o ɗaɓɓiti jam ummaatoore maako, o tabitini hayru yimɓe maako fuu.

Asta 10:3 Iomraidhean Croise

Laataanooji 41:40

An laatoto dow saare am, yimɓe am fuu tokkoto umrooje ma, sey bee leeso laamu tan ɓurdanmaami.”

Laataanooji 45:10

A jooɗoto nder lesdi Goosan, a ɓado yam, an e ɓiɓɓe ma e taaniraaɓe ma e dammooji ma e na'i ma e ko marɗa fuu.

Laataanooji 45:11

Mi wuurnete, non boo saare maaɗa e dammooji ma, ngam taa koo ɗume ŋakkana on, ngam luttani weelo duuɓi jowi.

2 Habaruuji Nyalaaɗe 28:7

Zikiri Efrayimiijo, konoowo cemmbiɗɗo mbari yerima Ma'aseya e Azrikam, kaliifaajo laamorde e Elkaana, ɗiɗaɓo laamiiɗo.

Nehemiya 2:10

Ammaa nde Samballat Horoniijo e Tobiya, jaggiiɗo Ammooniijo nani goɗɗo wari suklango hayru Isra'iila'en, ɓe ɓerni masin.

Asta 2:5

Woodi goɗɗo Yahuuduujo nder laamorde Suuza, innde muuɗum Mardokay ɓii Ya'ir ɓii Sim'i ɓii Kis, mo lenyol Benyamin.

Asta 3:2

Huuwanooɓe laamiiɗo fuu tuggi koppi, cujidani Hamman fodde umroore laamiiɗo. Ammaa Mardokay tuggaay koppi mum, sujidaay boo.

Daniyel 5:16

Mi nani an a waawan fassitirgo e fiistugo haalaaji caɗɗi. To a waawi jaŋngugo binndol e fassitirgo ngol, mi ɓornete limce boɗeeje ɗigguɗe, a heɓan koɗel kaŋŋeeri haa daande ma, a laatoto tataɓo nder laamu boo.”

Daniyel 5:29

Belsaccar umri ɓornugo Daniyel bee limce boɗeeje ɗigguɗe e koɗel kaŋŋeeri haa daande mum. Nden o neli wooynugo: “Daniyel laati tataɓo nder laamu.”

Daniyel 6:3

Nden o suɓi ardiiɓe tato, Daniyel woni gooto maɓɓe. Lawan'en ɗon kuuwa les ardaaŋgal maɓɓe, ngam taa laamiiɗo waɗa asar.

Roma'en 10:1

Deerɗiraaɓe am, bee ɓernde am fuu ngiɗmi yimɓe lenyol am kisa. Mi ɗon toro Allah boo ngam maɓɓe.

Roma'en 14:18

Koo moy huuwani Almasiihu bana maccuɗo, heɓi yerduye haa Allah e yimɓe fuu.

1 Samuyila 18:16

Ammaa koo moy nder Isra'iila e nder Yahuuda yiɗi Daawuda ngam o ardiiɗo booɗɗo.

1 Samuyila 23:17

o wi'i mo: “Taa hul! Juŋngo baaba am heɓataa naawnugo ma. An a laatoto laamiiɗo Isra'iila, min boo mi ɗiɗaɓo maaɗa. Kanjum, baaba am anndi ɗum booɗɗum.”