Asta 1:4 - Fulfulde Bible

⁴ Nyalɗe teemerre e cappanɗe joweetati (180) o holli ɓe risku laamu maako pantuŋgu e tedduŋgal maŋngu maako kaayeefiiwal.

Fulfulde DC Bible

⁴ Nyalɗe teemerre e cappanɗe joweetati (180) o holli ɓe risku laamu maako pantuŋgu e tedduŋgal maŋngu maako kaayeefiiwal.

Asta 1:4 Iomraidhean Croise

1 Habaruuji Nyalaaɗe 29:25

Jawmiraawo mawnini Suleymaanu yeeso Isra'iila masin, o hokki mo daraja laamiiɗo ko ɓuri laamiiɓe Isra'iila aartuɓe mo.

Asta 1:3

o waɗi nyaamduuji ngam mawɓe maako e saraaki'en maako fuu. Honooɓe iwɓe Persiya e Mediya e tedda-asli'en e ardiiɓe lesɗe maako ngari yeeso maako. O waɗi ɗum nder nduuɓu laamu maako tataɓu.

Asta 1:5

Nde wakkati man saali, o waɗi nyaamduuji feere ngam yimɓe nder laamorde Suuza fuu, mawɓe e leesɓe. Ɗum waɗi nyalɗe joweeɗiɗi haa daldal jarne laamorde.

Ayuba 40:10

Bee ɓaŋgaare e tedduŋgal a jaagnoro, non bee maŋngu e daraja a ɓornorto.

Jabuura 145:5

Mi numtan tedduŋgal ma e daraja ma e maŋngu ma e haala kaayeefiiji ma.

Jabuura 21:5

O tori ma ngeendam, a hokki mo ɗam. A juttini balɗe maako haa abada abadin.

Jabuura 45:3

A ɓuri ɓiɓɓe Aadama fuu wooɗugo, barkaama. A wela-ɗemŋgaljo, Ngam man Allah barkiɗini ma haa foroy.

Jabuura 93:1

Jawmiraawo woni laamiiɗo. O ɗon ɓorni maŋngu. Jawmiraawo ɓornake ngu, ɗon moji baawɗe. Duniyaaru tabiti, dimmbataako.

Esaaya 39:2

Hezekiya seyori ɗum. O holli nelaaɓe sigordu ndesaaje maako, cardi e kaŋŋeeri e uurle e nebbam caɗɗam, non boo suudu balmi e ko woni nder ndesaaje maako fuu. Walaa ko o suuɗani ɓe nder saare maako e nder maral maako.

Ezekiyel 28:5

Bee anndal ma ɗuuɗŋgal e filu ma a ɗuɗɗiniri maral ma. Ngam daliila risku ma, ɓernde ma mawniti.

Daniyel 4:30

Law ɗum laati. Yimɓe ndiiwi laamiiɗo Nabukodonosor caka muuɗum'en, o nyaami huɗo bana na'i, saawawre soofni ɓanndu maako, haa gaasa hoore maako juuti bana liiliiji dutal, peɗeeli maako boo bana peɗeeli colli.

Daniyel 5:18

Allah Ɓaŋiiɗo hokki baaba ma Nabukodonosor laamu e maŋngu e tedduŋgal e daraja.

Matta 4:8

Fahin Iblisa yahri mo dow hooseere townde masin, o sappini mo laamuuji duniyaaru e tedduŋgal maaji fuu,

Matta 6:13

Aynu min ngam taa min nasta jarribeeki, ammaa hisnu min diga Kalluɗo. [Ngam an mari laamu e baawɗe e tedduŋgal, haa foroy. Aamiina!]

Roma'en 9:23

Haa woɗɓe boo, o muuyi waŋginango ɓe ɗuuɗeeŋga tedduŋgal maako, o enɗi ɓe, o taaskitini ɓe diga ɓooyma ngam haa ɓe keɓa tedduŋgal maako.

Efesu'en 1:18

Allah yaynana hakkilooji mon bee jayŋgol mum, haa on paama no tammunde iwnde diga ewnaandu maako wa'i, non boo jeynitaare tedduŋgal ndonŋgu ngu o sigani senaaɓe maako.

Kolossi'en 1:27

Ngam o waɗi anniya waŋgingo jeynitaare tedduŋgal sirri man haa yimɓe ummaatooje goɗɗe. Sirri man, ɗum Almasiihu gonɗo nder mooɗon, kaŋko hokki on tammunde heɓugo tedduŋgal haa Allah.

Wahayu Yuhanna 4:11

“Yaa Jawmiraawo Allah amin, a he'i jaɓugo tedduŋgal e daraja e baawɗe! Ngam an tagi kuuje fuu, bee muuyo maaɗa ɗe tagra e ɗe keɓri joonde.”