Amos 7:4 - Fulfulde Bible

⁴ Ndaa ko Jawmiraawo Allah yi'ni yam: O ewni yiite ngam o hiitoro bee maage. Nge nyaami ilamji gonɗi nder luggeeŋga lesdi. Nge nyaami gese boo.

Fulfulde DC Bible

⁴ Ndaa ko Jawmiraawo Allah yi'ni yam: O ewni yiite ngam o hiitoro bee maage. Nge nyaami ilamji gonɗi nder luggeeŋga lesdi. Nge nyaami gese boo.

Amos 7:4 Iomraidhean Croise

Esaaya 27:4

Mi acci tikkango ka. To mi tawi gi'e e giŋngille, mi honan ɗe, mi wulan ɗe fuu.

Yeremiya 4:4

Njuulne ko'e mooɗon ngam Jawmiraawo, itte saadooniiku ɓerɗe mooɗon, onon yimɓe Yahuuda e jooɗiiɓe haa Urusaliima, ngam taa tikkere am ummo bana yiite, taa nde wula ngam kuuɗe mooɗon kalluɗe, walaa baawanɗo nyifugo nge.”

Ezekiyel 21:3

Yeccu nde: Nan wolde Allah Jawmiraawo! Ndaa ko o wi'i: Mi jamnan yiite nder maaɗa, nge nyaama leɗɗe joorɗe e kecce fuu. Walaa ko nyifata ɗemɗe maage. Nge wulan geese yimɓe fuu, diga fombina haa woyla.

Yo'el 1:19

Yaa Jawmiraawo, mi ɗon toro ma, ngam yiite nyaami durduɗe nder ladde, ɗemŋgal yiite wuli leɗɗe ladde fuu.

Farillaaji Lewi'en 10:2

Law Jawmiraawo jippini yiite, nge mbari ɓe ton yeeso Jawmiraawo.

Amos 1:4

Ngam maajum nelanmi yiite nder saare Hazayel, nge nyaama cuuɗi Benhadat cemmbiɗɗi.

Amos 1:7

Ngam maajum nelanmi yiite dow mahi taariiɗi Gaaza, nge nyaama cuuɗi maagol cemmbiɗɗi.

Amos 2:5

Ngam maajum nelanmi yiite nder lesdi Yahuuda, nge nyaama cuuɗi Urusaliima cemmbiɗɗi.”

Amos 4:11

“Mi halki woɗɓe mooɗon bana mi halkiri Sodoma e Gomorra. On laati bana leggel jamnaaŋgel ngel goɗɗo wurtini diga yiite. Bee non fuu, on lortaaki haa am.” Non Jawmiraawo wi'i.

Amos 5:6

Ngaylite heedi Jawmiraawo, nden kam on ngeeɗan! To naa non o halkan lenyol Yusufu bee yiite, o wulan Baytila, walaa nyifanɗo nge!

Amos 7:1

Ndaa ko Allah Jawmiraawo yi'ni yam: O waɗi baɓɓatti ɗuuɗɗi, saa'i haako ɗon wilita, ngam ɓe aarti ɓe mba'ani ko laamiiɗo.

Amos 7:7

Ndaa ko Jawmiraawo yi'ni yam: O ɗon dari dow mahol darnuŋgol. Njamndi poondirdi ɗon haa juŋngo maako.

Mika 1:4

Kooseeje ɗon ɓolwa les paalanɗe maako, waadiiji ɗon ceeka bana taari nder yiite, bana ndiyam ilanɗam haa diirtorde.

Nahum 1:6

Moy dartoto yeeso ɓernuki maako? Moy waawata dartanaago tikkere maako saatunde? Ɓernuki maako ɗon waanjo bana yiite, tapaaje ceeki yeeso maako.

Limle 16:35

Yiite iwi haa Jawmiraawo, nyaami worɓe teemeɗɗe ɗiɗo e cappanɗe njowo, lii'nooɓe uurle go.

Tooktaaki Tawreeta 32:22

Tikkere am wulan bana yiite, nyaaman koo ɗume fuu haa lesdi. Nde wulan haa yotto joonde maayɓe, nde nyaaman koo caɓɓaaje kooseeje boo.

Ibraniŋke'en 1:7

Ndaa ko Allah wi'i dow malaa'ika'en: “Allah ɗon laatina malaa'ika'en muuɗum keni, jaggiiɓe muuɗum boo ɗemɗe yiite.”

Wahayu Yuhanna 4:1

Ɓaawo man mi yi'i dammugal maɓɓitaaŋgal haa asama. Sawtu bana luwal ngal mi aarti nanugo wi'i yam: “Wa'a haa ɗo, mi hollete ko tammi laataago ɓaawoɗon bee doole!”