Amos 6:10 - Fulfulde Bible

¹⁰ Banndiraawo uwanɗo waran ngam o wurtina maayɓe e suudu. O ƴaman nyukkiiɗo nder suudu: “Goɗɗo ɗon wondi bee maaɗa na?” Kaŋko o jaaboto: “Aa'a, woodaa.” O wi'an: “Jeeɗa! Taa ewna innde Jawmiraawo!”

Fulfulde DC Bible

¹⁰ Banndiraawo uwanɗo waran ngam o wurtina maayɓe e suudu. O ƴaman nyukkiiɗo nder suudu: “Goɗɗo ɗon wondi bee maaɗa na?” Kaŋko o jaaboto: “Aa'a, woodaa.” O wi'an: “Jeeɗa! Taa ewna innde Jawmiraawo!”

Amos 6:10 Iomraidhean Croise

2 Laamiiɓe 23:16

Nde Yusiya wayliti, o yi'i genaale gonɗe dow hooseere. O neli yimɓe ngam wurtingo i'e nder maaje, o wuli ɗe dow hirsirde ngam soɓnugo nde. Ɗum laati fodde wolde Jawmiraawo nde goɗɗo Allah wolwuno naane go.

2 Laamiiɓe 6:33

Diga o ɗon wolwa bee maɓɓe tawon, nelaaɗo wari haa maako, wi'i: “Sarru ngu'u iwi haa Jawmiraawo, tammunde ndeye luttani yam haa Jawmiraawo?”

Yeremiya 16:6

Mawɓe e leesɓe nder lesdi ndi'i maayan, ammaa walaa mo uwata ɓe, walaa mo woyata ɓe. Walaa mo ƴarata ɓanndu mum malla mo laɓata hoore mum ngam maɓɓe.

Yeremiya 44:26

Ammaa nane wolde Jawmiraawo jonta, onon Yahuudu'en wonɓe haa Misra. O wi'i: Mi hunori bee innde am mawnde: Walaa Yahuuduujo meetata hunoraago bee innde am nder lesdi Misra fuu, o wi'a: Fakat bana Jawmiraawo Allah o geeto!

Yeremiya 9:21

Ɓalli maayɓe mbaaloto haa ngesa bana koonal, bana ƴommbe ɓaawo codoowo, walaa mooɓtanɗo ɗe. Kanjum Jawmiraawo anndini yam.”

Ezekiyel 20:39

Allah Jawmiraawo wi'i: “Onon yimɓe Isra'iila, njehe, ndewe labbi mon kadi! Ammaa ɓaawo maajum, fakat on ɗowtanto yam, on meetataa soɓnugo innde am seniinde bee dokke mon e labbi mon.”

Ezekiyel 24:21

Yeccu yimɓe Isra'iila ndaa nii Allah Jawmiraawo wi'i: On ɗon maŋgtoro semmbe suudu am, on ngiɗi laarugo ndu, on ngiɗi ndu masin boo. Ammaa mi tammi soɓnugo ndu. Ɓiɓɓe mon worɓe e rewɓe, luttuɓe nder Urusaliima, konne'en mbaran ɓe bee kaafahi.

Amos 5:13

Ngam maajum kakkilɗo ɗon jeeɗo saa'iire nde'e, ngam nde halli.

Amos 8:3

Nyalaade ɗon wara haa gimi nder laamorde laato bojji. Nyawmanɗe ɗuuɗan, yimɓe ngudinan ɗe koo toy, jeende mawnde laatoto!” Non Jawmiraawo Allah wi'i.

Limle 17:12

Haruna waɗi bana no Muusa wi'i mo. O doggi haa caka mooɓtorde. Nde o yi'i masiibo fuɗɗi caka yimɓe, o waɗi uurle dow ƴulɓe yiite ngam o heɓana jama'aare yaafuye.

1 Samuyila 31:12

Worɓe maɓɓe semmbiɗɓe fuu ummi, njehi jemmaare man fuu. Ɓe ɓilti ɓanndu Sawulu e ɓalli ɓiɓɓe mum haa mahol Baytisaanu, ɓe njahri ɗi haa Yaabes, ɓe nguli ɗi ton.