Amos 4:7 - Fulfulde Bible

⁷ Min mi salani on iyeende, saa'i nde lutti lebbi tati haa ƴaamnde waɗa. Mi toɓni iyeende dow wuro wooto, ammaa dow wuro wooɗŋgo mi toɓnaay iyeende. Ngesa ngoota soofi bee maare, ammaa ngesa ngoɗka heɓaay nde, ka yoori.

Fulfulde DC Bible

⁷ Min mi salani on iyeende, saa'i nde lutti lebbi tati haa ƴaamnde waɗa. Mi toɓni iyeende dow wuro wooto, ammaa dow wuro wooɗŋgo mi toɓnaay iyeende. Ngesa ngoota soofi bee maare, ammaa ngesa ngoɗka heɓaay nde, ka yoori.

Amos 4:7 Iomraidhean Croise

Gurtaaki 10:22

Muusa ɓaŋgti juŋngo muuɗum heedi asama, nyiɓre nyiɓɓunde laati nder lesdi Misra fuu nyalɗe tati.

Gurtaaki 10:23

Ɓe mbaawaay yi'yi'tirgo, walaa gurtiiɗo suudu mum nyalɗe tati. Ammaa Isra'iila'en fuu ngoodi jayŋgol nder joole muuɗum'en.

Gurtaaki 8:22

Muusa jaabi: “Fottaay min mbaɗa bana non, ngam ko min lii'anto Jawmiraawo Allah amin, ɗum karamɗum haa Misra'en. To min ɗonno kirsa yeeso Misra'en ko woni karamɗum haa maɓɓe, ɓe piɗataano min bee kaa'e na?

Gurtaaki 9:26

Sey nder lesdi Goosan ndi Isra'iila'en ngoni, mallimallooje ngalaa.

Gurtaaki 9:4

Ammaa Jawmiraawo senndan hakkunde dabbaaji Isra'iila'en e dabbaaji Misra'en. Nder ko yimɓe Isra'iila mari fuu, walaa ko waatata.

Esaaya 5:6

Mi wilan ka fuu, ka meetataa salteego malla remeego. Giŋngille e gi'e puɗan nder maaka, mi haɗan koo duule boo toɓnugo iyeende dow maaka.

Yeremiya 14:22

Walaa lawru haa ummaatooje waawata toɓnugo iyeende, asama boo waawataa toɓnugo waabiliire. Tammunde hayru amin ɗon haa maaɗa, yaa Jawmiraawo Allah amin, ngam an waɗata kuuje ɗe'e fuu!”

Yeremiya 14:3

Mawɓe maɓɓe ɗon nela maccuɓe muuɗum'en nyeɗoygo ndiyam. Ɓe njaha haa gaawi, ammaa ndiyam woodaa. Ɓe ngarta bee bulki cooki, ɓe ɗon cakli, ɓe ɗon cudda ko'e maɓɓe ngam mettamɓeram e toskaare.

Yeremiya 14:4

Lesdi waɗi ɓoli ngam iyeende woodaa. Ngam maajum remooɓe boo caklake, ɗon cudda ko'e muuɗum'en.

Yeremiya 3:3

Ngam maajum kaɗmi iyeende, a heɓaay iyeende ragareere. A debbo daakaareejo yoora-giteejo, a sali semtugo.

Yo'el 2:23

Onon boo, yimɓe Siyona, mbelmbelte, ceyore Jawmiraawo, Allah mooɗon, ngam mi mo'ani on iyeende arannde, mi toɓnani on iyeele, iyeende arannde e ragareere fuu bana naane.

Zekariya 14:17

To asŋgol koo ngole nder duniyaaru waraay sujidango Laamiiɗo haa Urusaliima, Jawmiraawo honooɓe asama, iyeende toɓataa nder lesdi maagol.

Yuhanna 4:35

Naa on ɗon mbi'a lutti lebbi nayi haa wakkati codol waɗa? Ammaa mi ɗon wi'a on, ɓaŋgte gite mon, ndaare gese, ƴaamnde ɓenndi, deydey sodugo.

1 Korintu'en 4:7

Moy ɓurnu ma dow woɗɓe? Naa Allah hokki ma ko marɗa fuu na? To ɗum dokkal keɓɗa kam, koni jurortoɗa bana a heɓaayno ngal?

Tooktaaki Tawreeta 11:17

To on mbaɗi irin ɗu'um, tikkere Jawmiraawo saatan dow mooɗon. O haɗan asama toɓnugo iyeende. Lesdi yooran, walaa ko fuɗata. Onon boo on maayan law nder lesdi mboondi ndi Jawmiraawo hokkata on.

Yaakuba 5:17

Eliya o goɗɗo bana meeɗen. O tori Allah bee tiinaare ngam taa iyeende toɓa. Duuɓi tati bee reeta nde toɓaay.

Wahayu Yuhanna 11:6

Ɓe ngoodi baawɗe maɓɓugo asama ngam taa iyeende toɓa yaake ɓe ɗon mbaɗa annabaaku. Ɓe ngoodi baawɗe waylititgo ndiyamji laato ƴiiƴam. Nde ɓe ngiɗi fuu, ɓe ngoodi baawɗe ukkango duniyaaru masiibooji koo ɗiye fuu.