Amos 4:13 - Fulfulde Bible

¹³ Ndaa, kaŋko o waɗi kooseeje, o tagi henndu. O ɗon anndina neɗɗo ko o annini. O ɗon wartira jayŋgol fajiri nyiɓre. O ɗon yaaɓa dow towɗe duniyaaru. Innde maako Jawmiraawo, Allah honooɓe asama.

Fulfulde DC Bible

¹³ Ndaa, kaŋko o waɗi kooseeje, o tagi henndu. O ɗon anndina neɗɗo ko o annini. O ɗon wartira jayŋgol fajiri nyiɓre. O ɗon yaaɓa dow towɗe duniyaaru. Innde maako Jawmiraawo, Allah honooɓe asama.

Amos 4:13 Iomraidhean Croise

Ayuba 9:7

O haɗan koo naaŋge boo yaynugo, o nyiɓɓinan koode haa asama.

Jabuura 135:7

O waddan duule diga keerol duniyaaru, o sakkinan ma'e, ngam toɓnugo iyeele, o wurtinan henndu diga cigorɗi maako.

Jabuura 139:2

Koo mi ɗon jooɗi, koo mi ɗon dari, a anndi ɗum, a anndi numooji am diga daayiiɗum.

Jabuura 147:18

To o umri, ndiyamji ɗi peewol saatini ɓolwan. To o neldi henndu, ɗi ilan fahin.

Jabuura 65:6

A jaaboto tornde amin, yaa Allah, Kisnoowo min bee kuuɗe kaayeefiije. Jooɗiiɓe haa keeri duniyaaru e beeli ɓurɗi daayaago fuu, kooloto ma.

Gurtaaki 10:22

Muusa ɓaŋgti juŋngo muuɗum heedi asama, nyiɓre nyiɓɓunde laati nder lesdi Misra fuu nyalɗe tati.

Gurtaaki 14:20

Nde dari hakkunde saŋngeere Misra'en e saŋngeere Isra'iila. Ruulde nde'e ɗon nyiɓɓi wakeere woore, wakeere woɗnde boo ɗon yayna jemma. Jemmaare fuu Misra'en e Isra'iila'en ɓadindiraay.

Esaaya 40:12

Moy foondi ndiyamji nder newre mum? Moy heerori asamanji bee hapakaare? Moy foondi mbulwuldi duniyaaru fuu bee etirgal? Moy foondi kooseeje dow awnorɗum e towndiije bee taasaaje?

Esaaya 45:7

Mi waɗi annoora, mi tagi nyiɓre boo. Mi waɗi hayru, mi tagi sarru boo. Min Jawmiraawo waɗata kuuje ɗe'e fuu.

Esaaya 47:4

Non coottoowo amin wi'i. Innde maako Jawmiraawo honooɓe asama, Ceniiɗo Isra'iila.

Esaaya 48:2

On ɗon ewno ko'e mon bee innde berniwol ceniiŋgol, on ɗon tuugo dow Allah Isra'iila mo innde mum Jawmiraawo honooɓe asama.

Esaaya 5:30

Nyalaade man ɓe koolan dow Isra'iila bana mbeela hoolata. To goɗɗo laari haa lesdi, sey nyiɓre e mettamɓeram, duule cuddi jayŋgol.

Yeremiya 10:13

To o telɓi, ndiyamji nder asama ɗon mooɓo, o ɗon wa'ina duule e keeri duniyaaru, o ɗon sakkina ma'e haa iyeende toɓa, o ɗon wurtina henndu nder cigorɗi maako.

Yeremiya 10:16

Ammaa Allah laatiiɗo geɗal Yaakubu laataaki bana non. Kaŋko woni tagɗo kuuje fuu, o suɓi Isra'iila'en ɓe laato yimɓe maral maako. Innde maako Jawmiraawo honooɓe asama.

Yeremiya 13:16

Teddine Jawmiraawo, Allah mooɗon hiddeko o waɗa nyiɓre, hiddeko kosɗe mooɗon pergo dow kooseeje ngam nyiɓɓuki. On ɗon ndeeni jayŋgol, ammaa o laatinan ngol nyiɓre, nyiɓre ɓaleere kurum.

Yeremiya 46:18

Mi geeto. Jawmiraawo honooɓe asama woni innde am. Fakat bana mi geeto, bana hooseere Taboora caka kooseeje goɗɗe, bana hooseere Karmel kommbi mbeela, bana non semmbe garanɗo dow mooɗon.

Yeremiya 51:16

To o umri, ndiyamji ɗon mooɓo nder asama, o ɗon wa'ina duule haa keeri duniyaaru, o ɗon sakkina ma'e haa iyeende toɓa, o ɗon wurtina henndu nder cigorɗi maako.

Yeremiya 51:19

Ammaa Allah laatiiɗo geɗal Yaakubu laataaki bana non. Kaŋko woni tagɗo kuuje fuu, o suɓi Isra'iila'en ɓe laato yimɓe maral maako. Innde maako Jawmiraawo honooɓe asama.

Daniyel 2:28

Ammaa woodi Allah mo asama, kaŋko waŋginta sirriiji. O holli ma, yaa laamiiɗo Nabukodonosor, ko laatoto yeeso ɗo. Koyɗol ngol koyɗuɗa e wahayuuji ɗi ngi'ɗa dow be'itte ma, ndaa ɗum:

Daniyel 2:30

O waŋginani yam sirri man, naa ngam mi ɓurdi yimɓe woɗɓe fuu hikma, ammaa ngam mi fassitirane, barkaama, haa a faama numooji ɓernde ma.

Hose'a 12:6

Kaŋko woni Jawmiraawo Allah honooɓe asama, bee innde nde yimɓe ewnorto mo.

Yo'el 2:2

Ɗum nyalaade nyiɓre nyiɓɓunde, nde nyalaade duule naarginanɗe. Ummaatoore mawnde semmbiɗnde ɗon sudda kooseeje bana jayŋgol fajiri. Irin ummaatoore nde'e meeɗaay laataago sam, irin maare meetataa laataago haa duuɓi ɓuranɗi daayaago boo.

Amos 3:13

Allah Jawmiraawo, honooɓe asama wi'i: “Nane, mbaɗe seedamku dow yimɓe Yaakubu ni'i:

Amos 5:27

Ngam maajum ndahanmi on haa gaɗa Damas.” Non Jawmiraawo wi'i. Innde maako Allah honooɓe asama.

Amos 5:8

O waɗi koode ɗaccuki e dulooje. O ɗon wayla nyiɓre nyiɓɓunde haa laato fajiri, o ɗon wayla nyalawma haa laato jemma. O ɗon umra ndiyamji mbeela, haa o waanja ɗi dow lesdi. Innde maako Jawmiraawo.

Amos 6:8

Jawmiraawo Allah hunori bee hoore muuɗum: Ndaa ko Jawmiraawo Allah honooɓe asama wi'i: “Mi ɗon wanya mawnitaare yimɓe Yaakubu, mi ɗon wanya cuuɗi maɓɓe cemmbiɗɗi. Ngam man njoofanmi berniwol e ko woni nder maagol fuu haa konne'en mum.”

Amos 8:9

Jawmiraawo wi'i: “Nyalaade man mi mutinan naaŋge haa caka nyalawma, mi waɗan nyiɓre dow lesdi saa'i jayŋgol nyalawma.

Amos 9:6

O nyiɓi jooɗorde maako haa asama, daŋraŋge maare ɗon tabiti dow lesdi. O ɗon ewno ndiyamji mbeela, haa o waanja ɗi dow lesdi. Innde maako Jawmiraawo.

Mika 1:3

Ndaa, Jawmiraawo ɗon wurto nokkuure muuɗum, ɗon jippo, ɗon yaaɓa dow towndiije duniyaaru.

Habakuk 3:19

Jawmiraawo Baawɗo woni semmbe am, o laatini kosɗe am bana ɗe lelji, o ɗon waancinammi dow nokkuuje towɗe. Ngam kaliifaajo gimi, bee moolooji.

Zekariya 12:1

Ɗo woni koŋngol Jawmiraawo dow Isra'iila. Jawmiraawo mo we'iti asamanji, mo saɓɓi lesdi, mo tagi ruuhu nder neɗɗo, wi'i:

Matta 9:4

Yeesu anndi numooji maɓɓe, o wi'i: “Koni numoton numooji kalluɗi?

Yuhanna 2:25

O walaa haaje goɗɗo anndina mo haala yimɓe, ngam o anndi ko woni nder ɓerɗe maɓɓe.

Yuhanna 3:8

Henndu ɗon wifa haa ndu muuyi fuu, a ɗon nana sonyo maaru, ammaa a heɓtataa toy ndu iwi malla toy ndu yahata. Bana non ɗum laatanto danyaaɗo diga Ruuhu.”

Tooktaaki Tawreeta 32:13

O wa'ini ɓe dow lesdi towndiije, ɓe nyaami ko fuɗi haa ladde. O nyaamni ɓe njumri caka tapaaje e jaytunje maɓɓe mawni caka kaa'e caatuɗe.

Tooktaaki Tawreeta 33:29

Barka laatanto on, onon Isra'iila'en! Walaa ummaatoore bana nde mooɗon nde Jawmiraawo hisni! Jawmiraawo bee hoore mum woni wawarde mon e kaafahi mon. O ɗon ayna on, o ɗon hokka on jaalorgal. Konne'en mon ɗaɓɓan enɗam mon bee naafikaare, ammaa onon on ndamman ɓe!