Amos 4:10 - Fulfulde Bible

¹⁰ “Mi neli nyawu kalluŋgu ndaaɓoowu caka mooɗon, bana ɓooyma haa Misra. Mi mbardi suka'en mooɗon bee kaafahi, mi dahi pucci mon. Mi ummini kacceeŋga caŋngeeje mon haa nga nasta kine mon. Bee non fuu, on lortaaki haa am.” Non Jawmiraawo wi'i.

Fulfulde DC Bible

¹⁰ “Mi neli nyawu kalluŋgu ndaaɓoowu caka mooɗon, bana ɓooyma haa Misra. Mi mbardi suka'en mooɗon bee kaafahi, mi dahi pucci mon. Mi ummini kacceeŋga caŋngeeje mon haa nga nasta kine mon. Bee non fuu, on lortaaki haa am.” Non Jawmiraawo wi'i.

Amos 4:10 Iomraidhean Croise

2 Laamiiɓe 10:32

Nder zamanu maajum, Jawmiraawo fuɗɗi ustugo maral Isra'iila. O hokki laawol haa Hazayel laamiiɗo Siriya'en, o jaali Isra'iila'en koo toy nder lesdi Isra'iila,

2 Laamiiɓe 13:3

Jawmiraawo tikkani Isra'iila. O hokki ɓe haa juŋngo Hazayel laamiiɗo Siriya'en, kadiboo o hokki ɓe haa juŋngo Benhadat ɓii Hazayel, wakkati fuu.

2 Laamiiɓe 13:7

Sey wa'iiɓe pucci cappanɗe njowo e mootaaji pucci sappo e yahooɓe bee kosɗe ujine sappo tan luttani Yo'ahas. Ngam laamiiɗo Siriya'en halki ɗuuɗɓe maɓɓe, o yaaɓi ɓe bana yaaɓugo collaaje bee kosɗe.

2 Laamiiɓe 8:12

Hazayel ƴami: “Ngam ɗume mboyata, jaagorɗo am?” Elisa jaabi: “Ngam mi anndi halleende nde a tammi waɗugo Isra'iila'en. A wulan berniiji maɓɓe cemmbiɗɗi. A mbaran sukaaɓe maɓɓe bee kaafahi. A dirɓan ɓikkoy maɓɓe pamaroy, a seekan rewɓe maɓɓe reedu'en.”

Gurtaaki 10:27

Ammaa Jawmiraawo saatini hoore Firawna fahin, o yiɗaa accugo ɓe haa ɓe ndilla.

Gurtaaki 10:3

Muusa e Haruna njehi haa Firawna, mbi'i mo: “Ndaa nii Jawmiraawo, Allah Ibraniŋke'en wi'i: Haa ndeye a tokkoto salaago leesnugo hoore ma yeeso am? Accu ummaatoore am yaha haa nde jaggano yam!

Gurtaaki 14:4

Mi saatinan hoore Firawna haa o taasna ɓe. Mi waŋginan tedduŋgal am haa Firawna e haa honooɓe maako fuu. Bana nii Misra'en anndan min woni Jawmiraawo!” Isra'iila'en mbaɗi non.

Gurtaaki 15:26

O wi'i ɓe: “Min woni Jawmiraawo, Allah mooɗon. Fakat to on ɗowtanake yam bee waɗugo ko fottani yam, to on nani umrooje am e on ɗowtanake farillaaji am fuu, nden kam mi ukkantaa on nyawuji ɗi mi ukkani Misra'en. Ngam min woni Jawmiraawo, kurgoowo on.”

Gurtaaki 8:19

Mi hisnan ummaatoore am boneeji ɗi mi tammi ukkango ma. Alaama ka'a laatoto jaŋngo.”

Gurtaaki 9:12

Ammaa Jawmiraawo saatini hoore Firawna, o nananaay ɓe, bana Jawmiraawo wi'no Muusa.

Gurtaaki 9:17

Bee man fuu a ɗon tokko mawnitaago dow ummaatoore am, a yooftaay nde.

Esaaya 34:3

Ɓe ngudinan mbaraaɓe maɓɓe, nyawmanɗe maɓɓe kaccan, kooseeje ɓolwan ngam ƴiiƴam maɓɓe.

Esaaya 50:11

Ammaa onon huɓɓuɓe yiite, taaskiiɓe bee kuri giiteleeji fuu, naste nder yiite mon e kuri giiteleeji mon ɗi kuɓɓuɗon. Juŋngo Jawmiraawo waɗani on ɗum, on mbaaloto haa nokkuure bone.

Esaaya 9:12

Ammaa yimɓe ummaatoore lortaaki haa piyɗo ɓe, ɓe ngartanaay Jawmiraawo honooɓe asama.

Esaaya 9:13

Ngam man nder nyalaade woore, Jawmiraawo ta'an nder Isra'iila hoore e wicco, lisal dibinoohi e kewal.

Esaaya 9:17

Halleende wulan bana yiite wulanŋge gi'e e giŋngille, nge jamnan laynde sukkunde, haa nge ummina cuurɗe bana daŋraŋgal.

Yeremiya 11:22

Ngam maajum Jawmiraawo honooɓe asama wi'i: Mi hiitoto ɓe. Suka'en maɓɓe maayran bee kaafahi, ɓiɓɓe maɓɓe worɓe e rewɓe maayran bee weelo.

Yeremiya 15:3

Mi ta'ani ɓe masiibooji nayi: Kaafahi ngam mbarugo ɓe, dawaaɗi ngam seekugo ɓe, colli e dabbaaji ngam nyaamugo ɓe e ngam nattingo ɓe.

Yeremiya 16:4

Ɓe maayran nyawuji kalluɗi, walaa boyanɗo ɓe koo uwanɗo ɓe. Ɓe mbaaloto haa lesdi bana koonal. Ɓe kalkan bee kaafahi malla bee weelo, ɓalli maɓɓe laatoto nyaamdu colli e kuuje ladde.”

Yeremiya 18:21

Ngam maajum yooftu ɓikkoy maɓɓe haa koy maaya bee weelo, koy mbare bee kaafahi! Rewɓe maɓɓe, sooynu ɓe ɓikkoy e worɓe! Waade nattina worɓe maɓɓe, suka'en mbare bee kaafahi nder haɓre!

Yeremiya 48:15

Kalkoowo lesdi Mo'ab wa'i dow berniiji maari, suka'en maari wooɗɓe njippi ngam mbareego.” Non Laamiiɗo mo innde mum Jawmiraawo honooɓe asama wi'i.

Yeremiya 49:26

Nyalaade man, suka'en njanan nder babe maagol, honooɓe maagol fuu kalkan.” Non Jawmiraawo honooɓe asama wi'i.

Yeremiya 5:3

Yaa Jawmiraawo, naa gite maaɗa ɗon kuuciti dow gooŋga na? A ɓocci ɓe, ammaa ɗum naawaay ɓe. A ɓadake nattingo ɓe, ammaa ɓe njaɓaay elto. Ɓe caatini ko'e maɓɓe ko ɓuri hayre, ɓe cali tuubugo.

Yeremiya 6:11

Min boo mi heewi tikkere Jawmiraawo, mi somi naŋgtuɗo nde.” O umri yam: “Ruf nde dow ɓikkoy haa laabi, non dow mooɓe suka'en boo. Nde naŋngan worɓe e rewɓe, ndotti'en e ɗuuɗa-duuɓi'en fuu.

Yeremiya 9:22

Ndaa nii Jawmiraawo wi'i: “Hikmaajo, taa mantoro hikma mum. Cemmbiɗɗo, taa mantoro semmbe mum. Diskuɗo boo, taa mantoro risku mum!

Hose'a 11:5

Isra'iila'en lorataako haa lesdi Misra, jonta Assuura laamanto ɓe, ngam ɓe cali lortaago haa am.

Yo'el 2:20

Konne'en iwɓe woyla, mi daaynan ɓe e mooɗon, mi riiwan ɓe haa lesdi njoorndi perewndi. Mooɓre maɓɓe aartunde ndiiwanmi haa mbeela fuunaaŋge, mooɓre maɓɓe sakkitiinde boo haa mbeela hiirnaaŋge. Kacceeŋga nyolki maɓɓe eeŋgan dow, ngam min Jawmiraawo mi huuwi kuuɗe mawɗe.

Farillaaji Lewi'en 26:16

nden kam mi hiitoto on. Mi ukkanan on kultoreeŋgol, mi nyawnan on nyawuji ciiɓanɗi on e jonte, haa gite mon tampa, tum semmbe mon ustan. On aawan gese mon, ammaa on naftortaa ɗe, ngam konne'en mon njaɓtan ƴaamle mon.

Farillaaji Lewi'en 26:25

Mi ukkan kaafahi dow mooɗon, mi waatoto on ngam on piisti alkawal bee am. To on ɗaɓɓiti hisrude nder berniiji mon, mi nyawnan on nyawu kalluŋgu ndaaɓoowu, mi hokkan on haa juuɗe konne'en mon.

Amos 4:6

Jawmiraawo wi'i: “Min ukkani on weelo nder gure mon fuu, on keɓaay ko on nyaama nder nokkuuje mon fuu. Bee non fuu, on lortaaki haa am.

Amos 8:3

Nyalaade ɗon wara haa gimi nder laamorde laato bojji. Nyawmanɗe ɗuuɗan, yimɓe ngudinan ɗe koo toy, jeende mawnde laatoto!” Non Jawmiraawo Allah wi'i.

Haggay 2:17

Mi nattini nafuuda kuuɗe juuɗe mon fuu, mi yoorni alkamaaje mon, mi wonni kuuje mon bee nyawuji e mallimallooje, ammaa on lortaaki haa am, non Jawmiraawo wi'i:

Tooktaaki Tawreeta 28:21

Jawmiraawo ukkan nyawu kalluŋgu ndaaɓoowu dow mooɗon, haa to walaa koo gooto mon lutti nder lesdi ndi nastoton marugo ɗum.

Tooktaaki Tawreeta 28:22

Jawmiraawo ukkanan on nyawuji ciiɓanɗi on e jonte e ɓuule e nguli, o yoornan e nyolnan alkamaari mon boo. Masiibooji ɗi'i fuu tokkoto on, haa to on maayi.

Tooktaaki Tawreeta 28:60

O ukkanan on nyawuji Misra ɗi kuloton fuu, ɗi takko on.

Tooktaaki Tawreeta 7:15

Jawmiraawo daaynanan on nyawuji fuu. Nyawuji kalluɗi ɗi annduɗon haa Misra, o ukkantaa on koo ngootu maaji. Ammaa o ukkan ɗi fuu dow konne'en mon fuu.