Amos 2:4 - Fulfulde Bible

⁴ Ndaa nii Jawmiraawo wi'i: “Yimɓe Yahuuda mbaɗi aybe dow aybe, fakat mi hiitoto ɓe ngam ɓe njawi tawreeta am, ɓe ɗowtanaaki farillaaji am. Labbi maɓɓe majjini ɓe bee pewe maaji, ɗe kaakiraaɓe maɓɓe tokkino ɗum.

Fulfulde DC Bible

⁴ Ndaa nii Jawmiraawo wi'i: “Yimɓe Yahuuda mbaɗi aybe dow aybe, fakat mi hiitoto ɓe ngam ɓe njawi tawreeta am, ɓe ɗowtanaaki farillaaji am. Labbi maɓɓe majjini ɓe bee pewe maaji, ɗe kaakiraaɓe maɓɓe tokkino ɗum.

Amos 2:4 Iomraidhean Croise

2 Laamiiɓe 17:19

Ammaa yimɓe Yahuuda kamɓe boo, ɓe ɗowtanaay umrooje Allah Jawmiraawo maɓɓe, ɓe tokki al'aadaaji ɗi Isra'iila tokkuno.

2 Habaruuji Nyalaaɗe 25:14

Nde Amasiya jaali Edoomi'en, o hoori ɗowanteeɓe yimɓe Se'ir, o darni ɓe haa ɓe laato ɗowanteeɓe maako. O sujidani ɓe, o wulani ɓe uurle boo.

2 Habaruuji Nyalaaɗe 30:7

Taa laate bana baabiraaɓe mon e banndiraaɓe mon yewɓe umroore Jawmiraawo Allah kaakiraaɓe muuɗum'en. Kamɓe, Jawmiraawo acci ɓe ɓe kalka, bana ko ngi'oton.

Nehemiya 1:7

Min mbaɗi kalluɗum masin dow maaɗa, min ɗowtanaaki farillaaji e umrooje e kiitaaji ɗi umruɗa jaggiiɗo ma Muusa.

Nehemiya 9:26

Ammaa ɓe ndartani ma, ɓe tuurtani ma, ɓe ngudini tawreeta ma haa ɓaawo maɓɓe. Ɓe mbari annabi'en reentinɓe ɓe ngam lortingo ɓe haa maaɗa, ɓe mbolwi bolle kalluɗe masin dow maaɗa.

Esaaya 28:15

On mbi'i: “Min kaɓɓi alkawal bee waade, min alkotiri bee joonde maayɓe. To masiibo nattinoowo ɗon saalo, o heɓataa min, ngam min mbaɗi fewre hisrude amin, min mbiirnake nder fewjere.”

Esaaya 44:20

Ɗum faataare bana nyaamugo ndoondi. Faataare ɓernde maako majjini mo, o hisnataa yoŋki maako. O faamataa ko woni haa juŋngo maako, ɗum lawru meere.

Yeremiya 16:11

Nden yeccu ɓe: Jawmiraawo wi'i: Kaakiraaɓe mooɗon acci yam, tokki ɗowanteeɓe woɗɓe, njaggani ɓe, cujidani ɓe. Ammaa min, ɓe acci yam, ɓe ɗowtanaaki tawreeta am.

Yeremiya 16:12

Onon boo on mbaɗi kalluɗum ko ɓuri kaakiraaɓe mooɗon. Koo moy mooɗon ɗon waɗa ko ɓernde mum saatunde, hallunde yiɗi, on nanantaa yam.

Yeremiya 17:27

Ammaa sey on ɗowtano yam. Sey on cena nyannde siwtorde, taa on nastina doŋgle haa dammuɗe bernixol Urusaliima nder nyannde man. To naa non, mi huɓɓan yiite haa dammuɗe Urusaliima. Nge wulan cuuɗi maagol booɗɗi, nge nyifataako.”

Yeremiya 6:19

An lesdi, nan! Ndaa, mi ɗon yahra sarru dow ummaatoore nde'e, ɗum ngeenaari nufayeeje maɓɓe. Ngam ɓe kakkilanaay bolle am, ɓe njawi tawreeta am.

Yeremiya 8:2

Ɓe mbaŋginan ɗe les naaŋge e lewru e koode asama. Kanjum, ɓe ngiɗno ɗum masin, ɓe ndewi ɗum, ɓe tokki ɗum, ɓe ɗakkotiri bee maajum, ɓe cujidani ɗum. I'e maɓɓe meetataa mooɓteego koo uweego, ammaa ɗe laatoto bana koonal dow lesdi.

Yeremiya 8:9

Hikma'en mooɗon toskake, ɓe ɗon mbemmbo, ɓe naŋngaaɓe. Ɓe cali bolle am, hikma kaye ɓe mari jonta?

Yeremiya 9:14

Ngam maajum min Jawmiraawo honooɓe asama, Allah Isra'iila mbi'anmi: Mi nyaamnan yimɓe am kaaɗɗum, mi yarnan ɓe ndiyam mbaroojam.

Ezekiyel 13:22

On tampini ɓerɗe adili'en bee pewe, koo nde min mi naawnaay ɓe. Bana non on cemmbiɗiniri juuɗe halluɓe, ngam taa ɓe acca laabi maɓɓe kalluɗi, ɓe kisna yoŋkiiji maɓɓe.

Ezekiyel 20:13

Ammaa yimɓe Isra'iila tuurtani yam nder ladde. Ɓe ɗowtanaaki farillaaji am, ɓe luuti kiitaaji am geeɗinanɗi tokkiiɗo ɗi fuu. Ɓe coɓni boo nyalɗe ciwtorɗe am nde ɗuuɗɗum. Mi taaskino rufugo tikkere am saatunde fuu dow maɓɓe nder ladde ngam nattingo ɓe.

Ezekiyel 20:16

Ngam ɓe njawi farillaaji am, ɓe luuti kiitaaji am, ɓe coɓni nyalɗe ciwtorɗe ɗe ndarnumi boo. Ɓerɗe maɓɓe ɗakkotiri bee labbi maɓɓe.

Ezekiyel 20:18

Mi yecci ɓiɓɓe maɓɓe nder ladde: Taa tokke umrooje baabiraaɓe mon, taa tokke al'aada maɓɓe, taa coɓne ko'e mon bee labbi maɓɓe.

Ezekiyel 20:24

ngam ɓe ɗowtanaaki farillaaji am, ɓe luuti kiitaaji am, ɓe coɓni nyalɗe ciwtorɗe, ɓe tokki labbi kaakiraaɓe maɓɓe.

Ezekiyel 20:30

Ngam maajum yeccu yimɓe Isra'iila ni'i: Ndaa nii Allah Jawmiraawo wi'i: Onon on coɓni ko'e mooɗon bee tokkaago ko kaakiraaɓe mooɗon mbaɗno, on mbaɗi daakaareeku bee kuuɗe nyidduɗe ɗe ɓe kuuwno.

Ezekiyel 22:28

Annabi'en cuddi hakkeeji ɗi'i fuu bana ranwinooɓe cuuɗi. Ɓe ɗon ngi'a wahayuuji meere, ɓe ɗon pewa bee waɗugo hatti. Ɓe ɗon mbi'a: Ndaa nii Allah Jawmiraawo wi'i. Ammaa min Jawmiraawo mi wolwanaay ɓe.

Ezekiyel 22:8

A yawi nokkuuje am ceniiɗe, a soɓni nyalɗe ciwtorɗe ɗe ndarnumi boo.

Hose'a 12:2

Efrayim ɗon wuura bee henndu, ɗon taasna henndu fuunaaŋge, ɗon ɗuɗɗina pewe e toonyaare nde weeti fuu. O ɗon haɓɓa alkawal bee Assuura, o ɗon nelda nebbam haa Misra.

Hose'a 12:3

Jawmiraawo woodi daliila wullaago Yahuuda. O hiitoto Yaakubu ngam laabi mum, o warjoto mo fodde kuuɗe maako.

Hose'a 6:11

An Yahuuda, ngam maaɗa boo, codol taaskaama, to mi wartiri joonde yimɓe ummaatoore am bana naane.”

Amos 1:3

Ndaa nii Jawmiraawo wi'i: “Yimɓe Damas mbaɗi aybe dow aybe, fakat mi hiitoto ɓe ngam ɓe mbonni lesdi Gile'at bee corɓirɗum njamndi.

Amos 3:2

“Sey onon tan cuɓmi caka ummaatooje duniyaaru fuu. Ngam maajum kiitotoomi on ngam aybeeji mooɗon fuu.”

Mika 6:12

Riskuɓe berniwol keewi toonyaare, jooɗiiɓe nder maagol ɗon mbolwa pewe, ɗemɗe maɓɓe ɗon pewjo.

Habakuk 2:18

Ɗume suura nafata haa cehoowo seha ka? Ɗume suura njamndi ɓolinaandi ngam ekkitingo fewre nafata? Ngam ɗume goɗɗo waɗata hoolaare mum haa labbi ɗi mbolwataa nde nii kaŋko waɗi ɗi bee juuɗe maako?

Roma'en 1:25

Ɓe ngayliti gooŋga Allah bee fewre, ɓe cujidani e ɓe ndewi tagle, ɓe acci tagɗo mo haandi yetteego haa foroy. Aamiina!

1 Tessaloniiki'en 4:8

Ngam man, to goɗɗo salake umrooje ɗe'e, naa neɗɗo o sali, ammaa Allah, dokkuɗo on Ruuhu mum Ceniiɗo.

1 Piyer 1:18

On coottaama diga yahdu hallundu ndu on ndoni haa kaakiraaɓe mooɗon. On anndi on coottiraaka bee kuuje ɗe saman maaje ustoto bana kaŋŋeeri malla cardi,

Alkaali'en 10:6

Fahin Isra'iila'en mbaɗi ko fottanaay Jawmiraawo. Ɓe ndewi Ba'alji e Asteraaji, non boo ɗowanteeɓe Siriya'en e Sidoni'en e Mo'abi'en e Ammooni'en e Filisti'en. Ɓe ngudini Jawmiraawo, ɓe cujidanaay mo.