Amos 2:15 - Fulfulde Bible

¹⁵ Piɗoowo kuri darataako, jaawɗotooɗo daɗataa bee kosɗe mum, ba'iiɗo puccu hisnataa yoŋki mum.

Fulfulde DC Bible

¹⁵ Piɗoowo kuri darataako, jaawɗotooɗo daɗataa bee kosɗe mum, ba'iiɗo puccu hisnataa yoŋki mum.

Amos 2:15 Iomraidhean Croise

Gaazoowo 9:11

Mi yi'i huunde feere fahin haa duniyaaru: Naa yaawɗotooɓe aartata foroy, naa honooɓe semmbiɗɓe njaalata foroy, naa hikma'en keɓata nguure foroy, naa marɓe faamu ndiskata foroy, naa goni'en keɓata daraja foroy, ngam naa neɗɗo suɓanta hoore mum wakkatiire woonde malla hallunde.

Esaaya 31:3

Ngam Misra'en ɓe yimɓe, ɓe laataaki Allah. Pucci maɓɓe ɗum pucci tan, naa ruuhu. To Jawmiraawo forti juŋngo mum, balloowo fergoto, ballaaɗo do'oto, hawtaade maɓɓe ɓe kalkidan.

Yeremiya 51:56

Ɓe ngari nattingo Baabila. Semmbiɗɓe maagol kaɓɓaama, lagaaje maagol ngewi. Ngam Jawmiraawo woni Allah mo waatoto. O warjoto fakat.

Ezekiyel 39:3

Nden mi yewan lagaawal ma nder juŋngo ma nano, mi soldinan kuri ma boo diga juŋngo ma nyaamo.

Amos 9:1

Mi yi'i Jawmiraawo ɗon dari kommbi hirsirde. O umri: “Fiy dow ko'e daŋraŋge, haa caɓɓaaje maaje fuu dimmbo! Sampitit ɗe dow ko'e yimɓe fuu! To goɗɗo lutti, mi mbaran mo bee kaafahi, walaa mo daɗata, walaa mo hisata sam!

Haggay 2:22

mi yibbinan leese laamuuji, mi halkan baawɗe laamuuji ummaatooje, mi do'an mootaaji pucci e wa'iiɓe ɗi. Wa'iiɓe pucci mbarmbartiran bee kaafahi, ɓe ndo'oto bee pucci maɓɓe.

Zekariya 10:5

Yimɓe Yahuuda nanndan bee honooɓe semmbiɗɓe, ɓe ndamman konne'en maɓɓe bana loope dow laawol. Non ɓe kaɓrata, ngam min Jawmiraawo mi ɗon wondi bee maɓɓe. Konne'en maɓɓe wa'iiɓe pucci, keewan semteende.