Amos 2:11 - Fulfulde Bible

¹¹ Mi ummini annabi'en caka ɓiɓɓe mooɗon, Naziri'en boo caka suka'en mooɗon. Naa non naa, Isra'iila'en?” Non Jawmiraawo wi'i.

Fulfulde DC Bible

¹¹ Mi ummini annabi'en caka ɓiɓɓe mooɗon, Naziri'en boo caka suka'en mooɗon. Naa non naa, Isra'iila'en?” Non Jawmiraawo wi'i.

Amos 2:11 Iomraidhean Croise

1 Laamiiɓe 17:1

Eliya goɗɗo iwɗo diga Tisbe nder Gile'at wi'i Akab: “Bana Jawmiraawo Allah Isra'iila mo mi jagganto o geeto, mi ɗon wi'e: Fakat nder duuɓi garanɗi ɗi'i iyeende toɓataa, koo saawawre waɗataa, sonaa to mi tori mo.”

1 Laamiiɓe 18:4

Naane, nde Izabel nattinino annabi'en Jawmiraawo, saa'i maajum Obadiya nyukkinino annabi'en teemerre, cappanɗe njowo cappanɗe njowo nder lowol, o wuurni ɓe bee nyaamdu e ndiyam.

1 Laamiiɓe 19:16

Nden moytu Yeehu ɓii Nimsi ngam haa o laato laamiiɗo Isra'iila. Moytu boo Elisa ɓii Safat iwɗo Abel-Mehola ngam haa o laato annabiijo haa pellel maaɗa.

1 Laamiiɓe 20:13

Nden annabiijo feere wari haa Akab, laamiiɗo Isra'iila. O wi'i mo: “Ndaa nii Jawmiraawo wi'i: A yi'i mooɓre honooɓe ɗuuɗnde nde'e na? Mi hokkete nde hannde, ngam haa a faama min woni Jawmiraawo.”

1 Laamiiɓe 20:35

Goɗɗo caka pukara'en annabi'en wi'i gooto nder huuwdiɗɗiraaɓe muuɗum, fodde wolde nde Jawmiraawo wolwani mo: “Fiyam!” Ammaa oya sali fiyugo mo.

1 Laamiiɓe 20:41

Law o fiisti leppol haa gite maako. Laamiiɗo Isra'iila annditi o annabiijo.

1 Laamiiɓe 22:8

Laamiiɗo Isra'iila jaabi mo: “Lutti gooto. Ammaa mi wanyi mo, ngam o waɗantaa yam annabaaku hayru sey sarru. Ɗum Mikaya ɓii Yimla.” Yusafat wi'i: “Taa wolwu bana non.”

2 Laamiiɓe 17:13

Jawmiraawo reentinino Isra'iila e Yahuuda bee kunnduɗe annabi'en e yi'ooɓe fuu, o wi'no ɓe: “Tuube, acce laabi mooɗon, ɗowtane umrooje am e farillaaji am fodde tawreeta ka umrumi kaakiraaɓe mooɗon fuu, ka neldumi on bee annabi'en, jaggiiɓe am.”

2 Laamiiɓe 6:1

Nyannde feere, pukara'en annabi'en mbi'i jaagorɗo muuɗum'en Elisa: “Ndaa, nokkuure nde en njooɗi ɓilli.

2 Habaruuji Nyalaaɗe 36:15

Nde ɗuuɗɗum Jawmiraawo Allah kaakiraaɓe maɓɓe nelani ɓe nelaaɓe mum, ngam o yurmini yimɓe maako e jooɗorde maako.

Yeremiya 11:21

Ndaa ko Jawmiraawo wi'i dow yimɓe Anatot ɗaɓɓuɓe mbarugo yam. Ɓe mbi'i ɓe mbaratam, to mi tokkake waɗugo annabaaku bee innde Jawmiraawo!

Yeremiya 2:31

Onon yidere nde'e, kakkilane wolde Jawmiraawo! Kadi mi laatanake Isra'iila ladde malla lesdi nyiɓre ɓaleere na? Koni ummaatoore am ɗon wi'a: Min njahan haa min ngiɗi fuu, min lortataako haa maaɗa?

Yeremiya 2:5

Ndaa nii Jawmiraawo wi'i: “Aybewol ngole kaakiraaɓe mon tawi haa am haa ɓe ndaayti yam? Ɓe tokki meereejum, bana non ɓe laati kamɓe boo meere'en.

Yeremiya 26:11

Nden liman'en e annabi'en mbi'i ardiiɓe e ummaatoore fuu: “Gorko oo he'i kiita mbareego, ngam o waɗi annabaaku dow berniwol ngo'ol, onon fuu on nani bee noppi mooɗon!”

Yeremiya 7:25

Diga kaakiraaɓe mooɗon ngurti Misra haa wargo hannde, mi tokki nelugo nde weeti fuu annabi'en sukaaɓe am fuu haa maɓɓe.

Gimi Boyki 4:7

Senaaɓe men coɓaayno, ɓe laaɓɓe tal bana mallimallooje, ɓe ɓuri kosam ranwugo, ɓe semmbiɗɓe, ɓe yamɓe, ɓe wooɗɓe bana kaa'e safira.

Mika 2:6

Yimɓe ɗon mbaɗa haraka, ɗon mbi'ammi: “Accu wolwugo ɗuuɗɗum bana nii! Taa goɗɗo wi'a toskaare nde'e heɓan en fahin!”

Kuuɗe Nelaaɓe 4:18

Nden ɓe ewni ɓe fahin. Ɓe kaɗi ɓe, ɓe mbi'i taa ɓe meeta wolwango e ekkitingo yimɓe bee innde Yeesu sam.

Kuuɗe Nelaaɓe 5:28

wi'i: “Min kaɗi on, taa on ngaazina ummaatoore bee innde gorko oo sam, ammaa ndaa ko on mbaɗi! On caŋkiti waazu mon haa Urusaliima fuu. On ngiɗi yowango min aybe mbareeki maako!”

Kuuɗe Nelaaɓe 7:51

Onon saata-ko'e'en, on nanataa haala Allah sam! On cali nanango Ruuhu Ceniiɗo bana kaakiraaɓe mon!

Tooktaaki Tawreeta 18:18

Mi umminanan ɓe annabiijo bana maaɗa iwanɗo caka deerɗiraaɓe maɓɓe. Mi waɗan bolle am nder hunnduko maako, o wolwanan ɓe ko mi umri mo fuu.

1 Samuyila 19:20

o neli nelaaɓe ngam haa ɓe naŋnga mo. Wakkati ɓe njotti ton, jama'aare annabi'en ɗon waɗa annabaaku. Samuyila, ardiiɗo maɓɓe boo ɗon dari kommbi maɓɓe. Nde yimɓe Sawulu ngi'i ɗum, Ruuhu Allah wari dow maɓɓe, ɓe puɗɗi waɗugo annabaaku.

1 Samuyila 3:20

Koo moy nder lesdi Isra'iila, diga Dan haa yotti Biirsaba faami Jawmiraawo waɗi Samuyila annabiijo mum.