Amos 1:9 - Fulfulde Bible

⁹ Ndaa nii Jawmiraawo wi'i: “Yimɓe Tirus mbaɗi aybe dow aybe, fakat mi hiitoto ɓe ngam ɓe ndokki naŋngaaɓe fuu haa juuɗe Edoomi'en, ɓe ciftoraay alkawal deerɗiraagu.

Fulfulde DC Bible

⁹ Ndaa nii Jawmiraawo wi'i: “Yimɓe Tirus mbaɗi aybe dow aybe, fakat mi hiitoto ɓe ngam ɓe ndokki naŋngaaɓe fuu haa juuɗe Edoomi'en, ɓe ciftoraay alkawal deerɗiraagu.

Amos 1:9 Iomraidhean Croise

2 Samuyila 5:11

Hiram, laamiiɗo Tirus neli nelaaɓe haa Daawuda. O neldi boo leɗɗe cemmbiɗɗe boo, bee sehooɓe e mahooɓe. Ɓe mahani mo laamorde.

Jabuura 83:7

Yimɓe Edoom e Isma'iilu'en, yimɓe Mo'ab e Hagari'en,

Yeremiya 25:22

laamiiɓe Tirus e Sidon fuu, laamiiɓe lesɗe gaɗa Mbeela

Yeremiya 47:4

Saa'i waɗi ngam halkugo Filistiya fuu, ngam ta'ugo ballal wallanɓe Tirus e Sidon fuu. Min Jawmiraawo mi halkan Filisti'en iwɓe duunde Kaftor.

Ezekiyel 27:1

Ndaa Jawmiraawo wolwani yam, wi'i:

Ezekiyel 27:27

Riskuuji ma e kuuje ma fuu, laanyooɓe ma e hoore'en ma, wo'itinooɓe ceekli ma e filooɓe ma, honooɓe ma wonɓe nder ma fuu e jama'aare koommbowal woɗnde nder ma fuu, ɗum fuu ɗum yolloto nder ndiyam lugguɗam nyalaade koommbowal ma fusata.

Ezekiyel 28:1

Ndaa Jawmiraawo wolwani yam, wi'i:

Ezekiyel 28:18

Bee aybeeji ma ɗuuɗɗi e filu ma kalluŋgu a soɓniri nokkuuje ma cenaaɗe. Ngam maajum kuɓɓumi yiite nder maaɗa, nge wuli ma. Mi wartiri ma ndoondi yeeso laarɓe ma fuu.

Amos 1:11

Ndaa nii Jawmiraawo wi'i: “Yimɓe Edoom mbaɗi aybe dow aybe, fakat mi hiitoto ɓe ngam ɓe taasni banndiraaɓe maɓɓe bee kaafahi, ɓe ngalaa enɗam sam. Tikkere maɓɓe timmataa, ɓernuki maɓɓe ɗon duura haa foroy.

Amos 1:6

Ndaa nii Jawmiraawo wi'i: “Yimɓe Gaaza mbaɗi aybe dow aybe, fakat mi hiitoto ɓe ngam ɓe ndahi naŋngaaɓe fuu, ɓe ndokki ɓe haa juuɗe Edoomi'en.

Obadiya 1:11

Nyalaade nde yimɓe iwɓe lesdi feere nasti dammuɗe Urusaliima, nde ɓe mbaɗi kur'u ngam senndugo ngol, nde jananɓe adi jawdi Yaakubu, nyalaade man on ndari daayiiɗum, on laati halluɓe bana ɓeya.

Zekariya 9:1

Ɗo woni koŋngol Jawmiraawo. Jawmiraawo wolwi dow lesdi Hadarak, berniwol Damas boo woni jipporde wolde man. Jawmiraawo mari gure Siriya bana o mardiri le'i Isra'iila fuu.

Matta 11:21

“Bone laatano ma, an Korajin! Bone laatano ma, an Baytisayda! Ngam kaayeefiiji baɗaaɗi nder mooɗon, to ɗi mbaɗaano nder Tirus e Sidon kam, yimɓe maaji tuubanno law, ɓornotono buhuuje, ndufanno ndoondi dow ko'e muuɗum'en.

Matta 11:22

Ngam maajum mi ɗon anndina on: Nyalaade darŋgal, kiita Tirus e Sidon hoyan dow kiita mooɗon.

Luka 10:13

“Bone laatano ma, an Korajin. Bone laatano ma, an Baytisayda. Ngam kaayeefiiji baɗaaɗi nder mooɗon, to ɗi mbaɗaano nder Tirus e Sidon kam, ɓooyma yimɓe ton njooɗotono nder ndoondi, ɓe ɓornotono buhuuje e ɓe ndufanno ndoondi dow ko'e maɓɓe.

Luka 10:14

Ngam maajum nyalaade darŋgal, kiita Tirus e Sidon hoyan dow kiita mooɗon.