Amos 1:4 - Fulfulde Bible

⁴ Ngam maajum nelanmi yiite nder saare Hazayel, nge nyaama cuuɗi Benhadat cemmbiɗɗi.

Fulfulde DC Bible

⁴ Ngam maajum nelanmi yiite nder saare Hazayel, nge nyaama cuuɗi Benhadat cemmbiɗɗi.

Amos 1:4 Iomraidhean Croise

1 Laamiiɓe 19:15

Jawmiraawo wi'i mo: “Yah, lora dow laawol ma haa ladde Damas. To a yottake ton, moytu Hazayel bee nebbam ngam haa o laato laamiiɗo Siriya'en.

2 Laamiiɓe 13:25

Nden Yo'as ɓii Yo'ahas jaɓti berniiji diga juŋngo Benhadat ɓii Hazayel. Kaŋko o jaɓtino ɗi bee haɓre diga juŋngo Yo'ahas baaba maako. Yo'as jaali mo nde tati, o wartiri berniiji nder maral Isra'iila.

2 Laamiiɓe 13:3

Jawmiraawo tikkani Isra'iila. O hokki ɓe haa juŋngo Hazayel laamiiɗo Siriya'en, kadiboo o hokki ɓe haa juŋngo Benhadat ɓii Hazayel, wakkati fuu.

2 Laamiiɓe 6:24

Ɓaawoɗon Benhadat laamiiɗo Siriya'en, mooɓti jama'aare konu muuɗum fuu. O wari, o hippi Samariya.

2 Habaruuji Nyalaaɗe 16:2

Ngam man Asa hoo'i cardi e kaŋŋeeri haa ndesaaje haykaliiru Jawmiraawo e ndesaaje saare laamu. O neldi ɗum Benhadat, laamiiɗo Siriya haa Damas, o wi'i mo:

Yeremiya 17:27

Ammaa sey on ɗowtano yam. Sey on cena nyannde siwtorde, taa on nastina doŋgle haa dammuɗe bernixol Urusaliima nder nyannde man. To naa non, mi huɓɓan yiite haa dammuɗe Urusaliima. Nge wulan cuuɗi maagol booɗɗi, nge nyifataako.”

Yeremiya 49:27

“Mi huɓɓan yiite dow mahi Damas, nge nyaama laamorde Benhadat.”

Ezekiyel 30:8

To mi jamni yiite nder Misra, to wallooɓe ndi fuu kalki, saa'i man ɓe paaman min woni Jawmiraawo.

Ezekiyel 39:6

Mi neldan yiite nder lesdi Magog, non boo haa duuɗe, haa yimɓe ɗon njooɗi nder jam. Ɓe paaman min woni Jawmiraawo.

Hose'a 8:14

Isra'iila yejjiti tagɗo ɗum, nyiɓi cuuɗi laamorɗe. Yahuuda boo ɗuɗɗini berniiji cemmbiɗɗi. Mi nelan yiite nder berniiji maɓɓe, nge nyaaman laamorɗe maɓɓe.”

Amos 1:10

Ngam maajum nelanmi yiite dow mahi taariiɗi Tirus, nge nyaama cuuɗi maagol cemmbiɗɗi.”

Amos 1:12

Ngam maajum nelanmi yiite nder berniwol Teman, nge nyaama cuuɗi Bosra cemmbiɗɗi.”

Amos 1:14

Ngam maajum kuɓɓanmi yiite haa mahi taariiɗi Rabba, nge nyaama cuuɗi maagol cemmbiɗɗi, bee hoolo konu nder nyannde haɓre, caka naargewol nder nyannde duluuru.

Amos 1:7

Ngam maajum nelanmi yiite dow mahi taariiɗi Gaaza, nge nyaama cuuɗi maagol cemmbiɗɗi.

Amos 2:2

Ngam maajum nelanmi yiite nder lesdi Mo'ab, nge nyaama cuuɗi Keriyot cemmbiɗɗi. Mo'ab waatan caka hoolo konu e dukoore e hoolo luwe.

Amos 2:5

Ngam maajum nelanmi yiite nder lesdi Yahuuda, nge nyaama cuuɗi Urusaliima cemmbiɗɗi.”

Alkaali'en 9:57

Allah lortini boo halleende nde ardiiɓe Sikem mbaɗi dow ko'e muuɗum'en. Bana nii naaloore Yotam ɓii Yerub-Ba'al gooŋɗiri.