Alkaali'en 8:27 - Fulfulde Bible

²⁷ Gedeyon waɗi ɗanciki limanjo bee kaŋŋeeri man, ɓili ki haa Ofra, wuro maako. Ton Isra'iila'en fuu laatini ɗanciki ki'i lawru, ɓe ndewi ndu, bana non ndu laatori tuuforgol ngam Gedeyon e yimɓe saare muuɗum.

Fulfulde DC Bible

²⁷ Gedeyon waɗi ɗanciki limanjo bee kaŋŋeeri man, ɓili ki haa Ofra, wuro maako. Ton Isra'iila'en fuu laatini ɗanciki ki'i lawru, ɓe ndewi ndu, bana non ndu laatori tuuforgol ngam Gedeyon e yimɓe saare muuɗum.

Alkaali'en 8:27 Iomraidhean Croise

Jabuura 106:35

Ammaa ɓe njillindiri bee maɓɓe, ɓe ekkiti al'aadaaji maɓɓe.

Jabuura 106:39

Ɓe coɓni ko'e maɓɓe bee kuuɗe maɓɓe, ɓe ɗakkotiri bee labbi, ɓe kuuwi kuuɗe kalluɗe.

Jabuura 73:27

Fakat, daayotooɓe ma kalkan, a nattinan yewɓe alkawal ma fuu.

Gurtaaki 23:33

Taa ɓe njooɗo nder lesdi mon ngam ɓe esta on on mbaɗa hakke dow am. To on ndewi ɗowanteeɓe maɓɓe, on nastan nder tuuforgol.”

Gurtaaki 32:4

O jaɓi kon haa juuɗe maɓɓe, o diidi misaalu bee binndirgol, o ɓolini kaŋŋeeri go, o waɗi gaggel fodde misaalu oo. Yimɓe mbi'i: “Yimɓe ummaatoore Isra'iila, kanjum woni ɗowanteeɗo mon, gurtinɗo on lesdi Misra.”

Gurtaaki 34:16

To on te'ani ɓiɓɓe mooɗon worɓe ɓiɓɓe maɓɓe rewɓe, rewɓe ɓe'e estan ɓiɓɓe mooɗon worɓe haa ɓe zammbo yam bee ɗakkotirgo bee labbi ɗi rewɓe ɓe'e ndewata.

Esaaya 8:20

Njaabe ɓe: “Aa'a! Sey goɗɗo nana seedamku e ekkitinol Allah!” To on mbi'ataa non, ɓe ngi'ataa baɓɓol.

Ezekiyel 7:20

Ɓe mantori kuuje maɓɓe marɗe saman, ɓe mbaɗi labbi e kuuɗe nyidduɗe bee maaje. Ngam maajum ngartiranmi ɗum fuu coɓɗum ngam maɓɓe.

Hose'a 2:2

Nden yimɓe Yahuuda e yimɓe Isra'iila fuu kawtan. Ɓe laaminan ardiiɗo gooto dow maɓɓe, ɓe ardanto lesdi maɓɓe, ngam nyalaade Yisre'el laatoto mawnde.

Hose'a 3:4

Ngam Isra'iila'en njooɗoto haa duura bilaa laamiiɗo, bilaa ardiiɗo, bilaa kirseteeɗi, bilaa daŋraŋge labbi, bilaa ɗanciki limanjo, bilaa labbi saare.

Tooktaaki Tawreeta 12:5

Jawmiraawo suɓan nokkuure woore caka le'i mon fuu ngam o tabitina innde maako ton. Haa nokkuure man tan njahoton sujidango mo.

Tooktaaki Tawreeta 7:16

Nattine ummaatooje ɗe Jawmiraawo, Allah mooɗon hokkata on fuu. Taa njurmine ɗe. Taa cujidane labbi maaje, ngam ɗum laatanto on tuuforgol.

Tooktaaki Tawreeta 7:25

Ngule suuraaji labbi maɓɓe. Taa cuune cardi e kaŋŋeeri ngonndi haa labbi man, taa kooce ndi. To naa non, on nastan nder tuuforgol, ngam ɗum nyidduɗum haa Jawmiraawo, Allah mooɗon.

Alkaali'en 17:5

Gorko bi'eteeɗo Mika oo, o woodi suudu ɗowanteeɗo. O waɗi ɗanciki limanjo non boo labbi goɗɗi, nden o hoo'i gooto nder ɓiɓɓe maako, o waɗi mo limanjo.

Alkaali'en 18:14

Worɓe njowo dillunooɓe ngam horugo lesdi Layis go, mbi'i banndiraaɓe muuɗum'en: “On anndi na? Lawru sehaandu e lawru cardi ɓolinaandi ɗon nder saare nde'e, non boo labbi goɗɗi e ɗanciki limanjo. Nume ko mbaɗoton!”

Alkaali'en 18:17

Horooɓe njowo go nasti, kooci lawru sehaandu e lawru cardi ɓolinaandi, non boo labbi goɗɗi e ɗanciki limanjo, saa'i limanjo ɗon ndarodi bee worɓe teemeɗɗe njoweego haa yolnde.

Alkaali'en 2:2

Mi umrunooɗo on, taa kaɓɓe alkawal bee yimɓe lesdi ndi, ngibbine kirsirɗe maɓɓe. Ammaa on ɗowtanaaki yam. Ɗume mbaɗɗon ɗo?

Alkaali'en 2:3

Ngam maajum mbi'mi: Mi riiwataa ɓe yeeso mooɗon. Ɓe ngonan kommbi mooɗon, labbi maɓɓe boo laatanto on tuuforgol.”

Alkaali'en 6:11

Malaa'ikaajo Jawmiraawo wari, jooɗi les lekki makki gonki haa Ofra, nder maral Yo'as, goɗɗo danygol Abi'ezer. Gedeyon, ɓiyiiko ɗon fiya alkamaari bee sirri nder ɓiɗɗirde inaboojam, ngam taa yimɓe Madiyan ngi'a mo.

Alkaali'en 6:24

Gedeyon mahani Jawmiraawo hirsirde ton, o inndi nde Jawmiraawo-dokkoowo-jam. Haa wargo hannde boo hirsirde nde ɗon haa Ofra, wuro danygol Abi'ezer.

Alkaali'en 8:26

Teddeeŋga kalagaaje kaŋŋeeri ɗe ɓe ndokki Gedeyon, waɗi baakin kaŋŋeeri kilo noogas. Ɓe ndokki mo boo kuuje pawne goɗɗe bana: Yeriiji e limce boɗeeje e suuraahoy jagnaakoy daaɗe geelooɗi maɓɓe.

Alkaali'en 8:28

Diga saa'i maajum Madiyan'en leestani Isra'iila'en, baawɗe maɓɓe timmi. Konu meetaay nder lesdi Isra'iila baakin duuɓi cappanɗe nayi yaake ngeendam Gedeyon.