Alkaali'en 7:4 - Fulfulde Bible

⁴ Jawmiraawo wi'i Gedeyon: “Koo jonta boo yimɓe ɗuuɗi. Yahru ɓe haa ndiyam, haa mi suɓtane ɓe ton. Mo mbi'anmaami: Oo yahdata bee ma, kaŋko o yahdan bee maaɗa. Ammaa mo mbi'anmaami: Oo yahdataa bee ma, kaŋko o yahataa bee maaɗa.”

Fulfulde DC Bible

⁴ Jawmiraawo wi'i Gedeyon: “Koo jonta boo yimɓe ɗuuɗi. Yahru ɓe haa ndiyam, haa mi suɓtane ɓe ton. Mo mbi'anmaami: Oo yahdata bee ma, kaŋko o yahdan bee maaɗa. Ammaa mo mbi'anmaami: Oo yahdataa bee ma, kaŋko o yahataa bee maaɗa.”

Alkaali'en 7:4 Iomraidhean Croise

Laataanooji 22:1

Ɓaawo kuuje ɗe'e, Allah foondi Ibrahiima, wi'i mo: “Ibrahiima!” O jaabi: “Na'am.”

Ayuba 23:10

Alhaali boo, o anndi laawol ngol mi tokkoto, koo to o foondi yam, o tawatam mi laaɓɗo saray bana kaŋŋeeri.

Jabuura 33:16

Walaa laamiiɗo mo hisata bee jama'aare konu ɗuuɗnde, walaa konoowo cuusɗo mo hisata bee ɗuuɗeeŋga semmbe mum.

Jabuura 66:10

Ngam yaa Allah, a linyi min, a laɓɓini min bana goɗɗo laɓɓinirta cardi nder yiite.

Jabuura 7:9

Yaa Jawmiraawo, hiitu ummaatooje ɗe'e. Gooŋɗinam, yaa Jawmiraawo, ngam mi adiliijo, mi walaa aybe!

Alkaali'en 7:5

Gedeyon yahri ɓe haa ndiyam. Jawmiraawo wi'i mo: “Koo moy tahi ndiyam bee ɗemŋgal bana rawaandu tahrata, darnu mo wakeere nde'e. Koo moy tuggi koppi mum ngam yarugo ndiyam, darnu mo wakeere ndeya.”

1 Samuyila 14:6

Kadi, Yonatan wi'i suka mum go: “War, en njah haa aynooɓe saadooni'en ɓe'e to. Teema Jawmiraawo wallan en. Walaa ko haɗata mo hokkugo en jaalorgal, koo en ɗuuɗaay boo.”

1 Samuyila 16:7

Ammaa Jawmiraawo wi'i mo: “Taa hakkilan darnde maako juutnde, mi suɓaay mo. Min kam mi laarataa bana yimɓe ndaardata. Neɗɗo laaran ko gite mum ngi'ata, ammaa min mi laaran ko woni nder ɓernde goɗɗo.”