Alkaali'en 5:4 - Fulfulde Bible

⁴ Yaa Jawmiraawo, nde ngurtiiɗaa Se'ir, nde ngarɗa diga gese Edoom, lesdi dimmbi, duule toɓni ndiyam maaje, diga asama iyeende ɗuuɗnde toɓi.

Fulfulde DC Bible

⁴ Yaa Jawmiraawo, nde ngurtiiɗaa Se'ir, nde ngarɗa diga gese Edoom, lesdi dimmbi, duule toɓni ndiyam maaje, diga asama iyeende ɗuuɗnde toɓi.

Alkaali'en 5:4 Iomraidhean Croise

Laataanooji 32:4

Yaakubu neli nelaaɓe yeeso muuɗum haa deerɗum Isuwa haa lesdi Se'ir nder kawye lesdi Edoom.

2 Samuyila 22:8

Nden lesdi dimmbi, diwni. Caɓɓaaje asama ndiwni, ndimmbi ngam tikkere maako.

Ayuba 9:6

O dimmbinan duniyaaru haa pellel mum, o diwninan caɓɓaaje maaru.

Jabuura 68:9

lesdi dimmbi, asamanji toɓni iyeele ngam garki ma, yaa Allah Isra'iila, baŋguɗo dow hooseere Sina.

Jabuura 77:17

Ndiyamji ngi'i ma, yaa Allah, ɗi kultori, ndiyamji lugguɗi ndiwni.

Jabuura 77:18

Duule ndufi iyeele, mbaɗi pelmaali, cakkini ma'e.

Esaaya 63:19

Diga ɓooyma min laati bana yimɓe ɓe a laamanaaki ɓe, bana min laataaki ewnaaɓe bee innde maaɗa. To a seekino asamanji, to a jippakeno, kooseeje ndiwnanno yeeso maaɗa!

Mika 1:4

Kooseeje ɗon ɓolwa les paalanɗe maako, waadiiji ɗon ceeka bana taari nder yiite, bana ndiyam ilanɗam haa diirtorde.

Tooktaaki Tawreeta 33:2

O wi'i: “Jawmiraawo wari diga hooseere Sina bana naaŋge, fuɗi haa Se'ir ngam maɓɓe, o yaynani ɓe diga hooseere Paran. Malaa'ika'en ujine sappo ngardi bee maako. Tawreeta ngam maɓɓe ɗon bana jamre yiite haa juŋngo maako nyaamo.

Ibraniŋke'en 12:26

Ɓooyma sawtu maako dimmbini lesdi, ammaa jonta o wi'i: “Nde woore fahin mi dimmbinan naa lesdi tan, ammaa asama boo.”