Alkaali'en 3:11 - Fulfulde Bible

¹¹ Ɓaawoɗon konu waɗaay nder lesdi duuɓi cappanɗe nayi. Nden Otniyel ɓii Kenas maayi.

Fulfulde DC Bible

¹¹ Ɓaawoɗon konu waɗaay nder lesdi duuɓi cappanɗe nayi. Nden Otniyel ɓii Kenas maayi.

Alkaali'en 3:11 Iomraidhean Croise

1 Habaruuji Nyalaaɗe 4:13

Ɓiɓɓe Kenas ngoni: Otniyel e Seraya. Ɓiɓɓe Otniyel boo: Hatat e Me'onotay.

Nehemiya 9:28

Ammaa nde ɓe keɓi siwtaare, ɓe puɗɗiti waɗugo halleende yeeso ma. Ngam maajum a wudini ɓe haa juuɗe konne'en maɓɓe haa ɓe laamani ɓe. Fahin ɓe ngookani ma, an boo a nani ɓe haa asama, a hisni ɓe nde ɗuuɗɗum ngam daliila enɗam ma ɗuuɗɗam.

Asta 9:22

Ngam nder nyalɗe ɗe'e Yahuudu'en keɓi siwtaare, konne'en muuɗum'en ɓillaay ɓe fahin. Nder lewru man boo suno maɓɓe laati seyo, bojji maɓɓe laati juulde. Mardokay umri ɓe ɓe laatina nyalɗe ɗe'e nyalɗe juulɗe nyaamduuji e seyo, ngam neldindirgo nyaamduuji e neldango talaka'en dokke.

Yosuwa 11:23

Yosuwa hooci lesdi fuu, bana Jawmiraawo umruno Muusa. Yosuwa marni ndi Isra'iila'en, senndi ndi fodde le'i maɓɓe. Konu timmi, lesdi heɓi de'ere.

Yosuwa 15:17

Otniyel ɓii Kenas deerɗu Kaaleb jaali ngol. Ngam maajum Kaaleb te'ni mo Aksa.

Alkaali'en 3:10

Ruuhu Jawmiraawo ɗon dow Otniyel, o laati alkaaliijo Isra'iila. O wurti ngam haɓugo, Jawmiraawo hokki mo jaalorgal dow Kusan-Risatayim, laamiiɗo lesdi Siriya.

Alkaali'en 3:12

Fahin Isra'iila'en mbaɗi ko fottanaay Jawmiraawo. Ngam maajum o semmbiɗini Egilon, laamiiɗo Mo'ab, dow maɓɓe.

Alkaali'en 3:30

Bana nii Mo'abi'en leesniri ko'e muuɗum'en les Isra'iila'en. Ɓaawoɗon konu waɗaay nder lesdi, baakin duuɓi cappanɗe joweetati.

Alkaali'en 3:9

Nden Isra'iila'en tori Jawmiraawo ballal. Jawmiraawo suɓani ɓe goɗɗo kisnoowo ɓe: Otniyel ɓii Kenas, minyiraawo Kaaleb hisni ɓe.

Alkaali'en 5:31

Jawmiraawo, sey konne'en ma fuu kalka, ammaa yiɗɓe ma njayna bana naaŋge fuɗirta. Nden konu timmi nder lesdi baakin duuɓi cappanɗe nayi.

Alkaali'en 8:28

Diga saa'i maajum Madiyan'en leestani Isra'iila'en, baawɗe maɓɓe timmi. Konu meetaay nder lesdi Isra'iila baakin duuɓi cappanɗe nayi yaake ngeendam Gedeyon.