Alkaali'en 21:4 - Fulfulde Bible

⁴ Jaŋngo maajum ɓe ndawi cub, ɓe mahi hirsirde ton, ɓe lii'i guleteeɗi e kirseteeɗi ngam kawtal maɓɓe bee Allah.

Fulfulde DC Bible

⁴ Jaŋngo maajum ɓe ndawi cub, ɓe mahi hirsirde ton, ɓe lii'i guleteeɗi e kirseteeɗi ngam kawtal maɓɓe bee Allah.

Alkaali'en 21:4 Iomraidhean Croise

2 Samuyila 24:18

Nyalaade maajum Gada wari haa Daawuda, wi'i mo: “Yah, darnan Jawmiraawo hirsirde haa laarre Arawna Yebusiijo.”

2 Samuyila 24:25

Nden o mahani Jawmiraawo hirsirde haa nokkuure man, o lii'i guleteeɗi e kirseteeɗi ngam kawtal yimɓe bee Allah. Jawmiraawo woonani lesdi man, masiibo sotti, acci Isra'iila.

1 Laamiiɓe 8:64

Nyalaade maajum laamiiɗo seni nokkuure caka babal yeeso haykaliiru Jawmiraawo, ngam ton o lii'i guleteeɗi e dokke nyaamdu e ɓellere kirsaaɗi ngam kawtal yimɓe bee Allah, ammaa hirsirde njamndi mboɗeeri famɗi, waawaay jogaago guleteeɗi e dokke nyaamdu e ɓellere kirsaaɗi ngam kawtal yimɓe.

Hose'a 5:15

Mi dillan, mi loro haa nokkuure am, sey to ɓe tuubi, ɓe ɗakkotiri bee am, sey to ɓe torake yam bee tiinaare ngam ɓillaare maɓɓe.”

Tooktaaki Tawreeta 12:5

Jawmiraawo suɓan nokkuure woore caka le'i mon fuu ngam o tabitina innde maako ton. Haa nokkuure man tan njahoton sujidango mo.

Ibraniŋke'en 13:10

En ngoodi hirsirde nde liman'en huuwooɓe nder laymaaru Yahuudu'en keɓataa nyaamugo kirseteeɗi haa maare.

Alkaali'en 20:26

Nden Isra'iila'en fuu njehi haa Baytila. Ɓe njooɗi ton yeeso Jawmiraawo, ɓe mboyi, ɓe cuumi haa kiikiiɗe waɗi. Ɓe lii'ani Jawmiraawo guleteeɗi e kirseteeɗi ngam kawtal maɓɓe bee Allah.

Alkaali'en 21:3

Ɓe mbi'i: “Yaa Jawmiraawo, Allah Isra'iila, ngam ɗume naawɗum ɗu'um waɗi? Ngam ɗume lenyol gootol nder le'i ɓadake majjugo?”

Alkaali'en 6:24

Gedeyon mahani Jawmiraawo hirsirde ton, o inndi nde Jawmiraawo-dokkoowo-jam. Haa wargo hannde boo hirsirde nde ɗon haa Ofra, wuro danygol Abi'ezer.

Alkaali'en 6:26

Nden mahan Allah Jawmiraawo ma hirsirde kaa'e mo'inaande woonde dow towndiire nde'e. Ɓaawo man hoo'u ngaari kalhaldi, wulanam ndi nguleteendi dow leɗɗe suura Asera ɗe pe'ata.”

1 Samuyila 7:17

Nden o lorti haa Rama haa saare maako woni. Ton boo o mahani Jawmiraawo hirsirde, o huuwi kuugal alkaaliijo Isra'iila.