Alkaali'en 2:4 - Fulfulde Bible

⁴ Nde malaa'ikaajo Jawmiraawo wolwi bolle ɗe'e, Isra'iila'en mboyi bee sawtu.

Fulfulde DC Bible

⁴ Nde malaa'ikaajo Jawmiraawo wolwi bolle ɗe'e, Isra'iila'en mboyi bee sawtu.

Alkaali'en 2:4 Iomraidhean Croise

Esira 10:1

Saa'i Esira ɗon toro Allah, ɗon waŋgina hakkeeji Isra'iila, ɗon woya, ɗon tuggi koppi yeeso haykaliiru Allah, jama'aare Isra'iila ɗuuɗnde mooɓi haa maako, worɓe e rewɓe e ɓikkoy, ɓe fuu ɓe ɗon mboya masin.

Balndi 17:10

Felugo kakkilɗo nde woore nafan mo, ɓuri fiyugo paataaɗo nde teemerre.

Yeremiya 31:9

Ɓe ngardan bee bojji, ɓe toroto yam saa'i mi ɗon ɗowa ɓe. Mi yahran ɓe haa maaje ndiyam, dow laawol booɗŋgol ngam taa ɓe pergo. Ngam mi laatani Isra'iila bana baaba, Efrayim boo woni afo am.”

Yo'el 2:12

Jawmiraawo wi'i: “Koo jonta boo, lorte haa am bee ɓernde woore, bee suumaye e bojji e gonɗi!

Zekariya 12:10

Ammaa dow saare Daawuda e jooɗiiɓe nder Urusaliima mbaannjanmi ruuhu mbooɗeeŋga e do'a. Ɓe tijjoto yam ngam daliila am, min mo ɓe njuwi. Ɓe mboyatam bana no ɓe mboyrata ɓiɗɗo bajjo. Ɓe mboyatam masin, bana goɗɗo woyrata to afo mum maayi.

Luka 6:21

Barka laatano on, onon dolɓe jonta, ngam on tammi haarugo. Barka laatano on, onon woyanɓe jonta, ngam on tammi jalugo.

Luka 7:38

O dari ɓaawo Yeesu heedi kosɗe muuɗum. O ɗon woya, haa o soofni kosɗe Yeesu bee gonɗi maako, nden o woosti ɗum bee gaasa hoore maako, o hebbi ɗe, o rufani ɗe uurdi.

2 Korintu'en 7:10

Ngam metteeŋga fodde muuyo Allah ɗon waɗa tuubu, tuubu ngu'u boo waɗan kisndam. Walaa haaje mimsitaago irin metteeŋga nga'a. Ammaa metteeŋga fodde ɗabiya duniyaaru yahran haa maayde.

Yaakuba 4:9

Cune, ngooke, mboye. Jaleeɗe mooɗon laato bojji, seyo mooɗon laato suno.

Alkaali'en 2:3

Ngam maajum mbi'mi: Mi riiwataa ɓe yeeso mooɗon. Ɓe ngonan kommbi mooɗon, labbi maɓɓe boo laatanto on tuuforgol.”

Alkaali'en 2:5

Ɓe inndi nokkuure man Bokim. Ton ɓe lii'ani Jawmiraawo kirsaaɗi.

1 Samuyila 11:4

Nelaaɓe ngari haa Gibiya, wuro Sawulu. Ɓe ngecci yimɓe haala man fuu. Yimɓe mboyi bee sawtu.

1 Samuyila 7:6

Ɓe mooɓti haa Mispa. Ɓe nyeɗi ndiyam, ɓe ndufi ɗam yeeso Jawmiraawo, ɓe cuumi nyalaade man, ɓe mbi'i: “Min mbaɗi hakke dow Jawmiraawo.” Ton haa Mispa, Samuyila wonno alkaaliijo maɓɓe.