Alkaali'en 2:19 - Fulfulde Bible

¹⁹ Ammaa yaake alkaaliijo man maayi, ɓe puɗɗita waɗugo kalluɗum ko ɓuri baabiraaɓe maɓɓe. Ɓe tokki ɗowanteeɓe jananɓe, ɓe cujidani ɓe, ɓe ndewi ɓe. Ɓe accaay kuuɗe maɓɓe kalluɗe e tuurtol maɓɓe.

Fulfulde DC Bible

¹⁹ Ammaa yaake alkaaliijo man maayi, ɓe puɗɗita waɗugo kalluɗum ko ɓuri baabiraaɓe maɓɓe. Ɓe tokki ɗowanteeɓe jananɓe, ɓe cujidani ɓe, ɓe ndewi ɓe. Ɓe accaay kuuɗe maɓɓe kalluɗe e tuurtol maɓɓe.

Alkaali'en 2:19 Iomraidhean Croise

Laataanooji 6:11

Lesdi wonni haa yeeso Allah, ndi heewi toonyaare.

Nehemiya 9:28

Ammaa nde ɓe keɓi siwtaare, ɓe puɗɗiti waɗugo halleende yeeso ma. Ngam maajum a wudini ɓe haa juuɗe konne'en maɓɓe haa ɓe laamani ɓe. Fahin ɓe ngookani ma, an boo a nani ɓe haa asama, a hisni ɓe nde ɗuuɗɗum ngam daliila enɗam ma ɗuuɗɗam.

Jabuura 78:8

Taa ɓe laato bana kaakiraaɓe maɓɓe yidere tuurtooɓe, luutooɓe Allah. Kamɓe, ɓerɗe maɓɓe tabitaay, ngam ɓe tokkaaki Allah bee gooŋga.

Gurtaaki 32:7

Jawmiraawo wi'i Muusa: “Umma, jippa hooseere! Ngam yimɓe ma ɓe ngurtinɗa lesdi Misra, ɓe mbonniti.

Yeremiya 16:12

Onon boo on mbaɗi kalluɗum ko ɓuri kaakiraaɓe mooɗon. Koo moy mooɗon ɗon waɗa ko ɓernde mum saatunde, hallunde yiɗi, on nanantaa yam.

Yeremiya 23:17

Ɓe ɗon mbi'a yawotooɓe yam: Jawmiraawo wi'i jam wondan bee mooɗon. Ɓe ɗon mbi'a saata-ko'e'en boo: Sarru ukkantaako on.”

Yeremiya 3:17

Saa'i man ɓe ewnoto Urusaliima Leeso laamu Jawmiraawo. Ummaatooje fuu mooɓoto ton ngam teddingo innde Jawmiraawo haa Urusaliima. Ɓe meetataa tokkaago numooji ɓerɗe maɓɓe kalluɗe.

Ezekiyel 20:30

Ngam maajum yeccu yimɓe Isra'iila ni'i: Ndaa nii Allah Jawmiraawo wi'i: Onon on coɓni ko'e mooɗon bee tokkaago ko kaakiraaɓe mooɗon mbaɗno, on mbaɗi daakaareeku bee kuuɗe nyidduɗe ɗe ɓe kuuwno.

Matta 23:32

Nden kam kebbitine ko kaakiraaɓe mooɗon puɗɗuno!

Tooktaaki Tawreeta 31:29

Ngam mi anndi, ɓaawo maayde am onon fuu on mbonnoto, on accan tokkaago laawol ngol mi umri on. Saa'iire waran nde sarru ukkanto on, ngam on mbaɗan kalluɗum yeeso Jawmiraawo, on tikkinan mo bee kuuɗe mon.”

Yosuwa 24:31

Nder nyalɗe ngeendam Yosuwa fuu, Isra'iila'en njaggani Jawmiraawo. Koo ɓaawo maayde Yosuwa boo ɓe tokki jagganaago Jawmiraawo nder nyalɗe ɗe ndotti'en yiiɓe kuuɗe ɗe Allah huuwani Isra'iila fuu.

Alkaali'en 10:13

Ammaa on ngudini yam, on ndewi ɗowanteeɓe woɗɓe. Ngam maajum mi hisnataa on fahin.

Alkaali'en 2:18

Nde Jawmiraawo suɓani ɓe alkaali fuu, o ɗon wondi bee alkaali man, o ɗon hisna Isra'iila'en diga baawɗe konne'en muuɗum'en yaake alkaaliijo oo o geeto. Ngam Jawmiraawo yurmini ɓe ngam uumaali maɓɓe daliila ɓillanɓe e torranɓe ɓe.

Alkaali'en 2:20

Nden Jawmiraawo tikkani Isra'iila'en, wi'i: “Yimɓe ummaatoore nde'e piisti alkawal ngal kaɓɓumi bee baabiraaɓe maɓɓe haa ɓe ɗowtano ngal, ɓe ɗowtanaaki yam.

Alkaali'en 2:7

Yaake Yosuwa geetono, ɓe kuuwani Jawmiraawo. Koo ɓaawo maayde maako boo ɓe tokki huuwango mo yaake ndotti'en Isra'iila ɗon ngeeɗi. Kamɓe ɓe ngi'no kuuɗe Jawmiraawo mawɗe ɗe o huuwani Isra'iila.

Alkaali'en 4:1

Ɓaawo maayde Ehuudi, Isra'iila'en tokki waɗugo ko fottanaay Jawmiraawo.

Alkaali'en 8:33

Ɓaawo maayde Gedeyon, Isra'iila'en puɗɗiti rewugo Ba'alji. Ɓe laatini Ba'al-Berit ɗowanteeɗo maɓɓe.

1 Samuyila 15:23

Luutugo umroore maako halli bana kaaramaaku, tuurtango mo boo halli bana rewugo labbi. An a wudini umroore Jawmiraawo, ngam maajum o wudini ma, o ɓorti ma laamu.”