Alkaali'en 2:17 - Fulfulde Bible

¹⁷ Ammaa Isra'iila'en ɗowtanaaki alkaali'en muuɗum'en, ɓe ɗakkotiri bee ɗowanteeɓe woɗɓe, ɓe cujidani ɓe. Bana nii law ɓe ngayliti, ɓe acci laawol ngol baabiraaɓe maɓɓe ɗowtaniiɓe umrooje Jawmiraawo tokki, ɓe tokkaaki kuuɗe maɓɓe.

Fulfulde DC Bible

¹⁷ Ammaa Isra'iila'en ɗowtanaaki alkaali'en muuɗum'en, ɓe ɗakkotiri bee ɗowanteeɓe woɗɓe, ɓe cujidani ɓe. Bana nii law ɓe ngayliti, ɓe acci laawol ngol baabiraaɓe maɓɓe ɗowtaniiɓe umrooje Jawmiraawo tokki, ɓe tokkaaki kuuɗe maɓɓe.

Alkaali'en 2:17 Iomraidhean Croise

Jabuura 106:39

Ɓe coɓni ko'e maɓɓe bee kuuɗe maɓɓe, ɓe ɗakkotiri bee labbi, ɓe kuuwi kuuɗe kalluɗe.

Jabuura 106:43

Nde ɗuuɗɗum Jawmiraawo hisni ɓe, ammaa ɓe tokki tuurtango mo, ɓe tullitini waɗugo aybeeji.

Jabuura 73:27

Fakat, daayotooɓe ma kalkan, a nattinan yewɓe alkawal ma fuu.

Gurtaaki 32:8

Law ɓe celi laawol ngol umrumi ɓe. Ɓe mbaɗani ko'e maɓɓe gaggel ɓolinaaŋgel. Ɓe cujidani ngel, ɓe lii'ani ngel kirseteeɗi, ɓe mbi'i: Ummaatoore Isra'iila'en, kanjum woni ɗowanteeɗo mon, gurtinɗo on lesdi Misra.”

Yeremiya 3:6

Nder zamanu laamiiɗo Yusiya, Jawmiraawo wolwani yam: “A yi'i ko Isra'iila, gudinɗo nuɗɗinki waɗi na? O yehi dow kooseeje towɗe fuu e les leɗɗe kecce fuu, o waɗi daakaareeku ton.

Yeremiya 6:16

Ndaa nii Jawmiraawo wi'i: “Ndare haa laabi, ndaare laabi ɓooymaaji, ƴame laawol ngole wooɗi, nden tokke ngol, haa on keɓa de'ere ngam yoŋkiiji mooɗon. Ammaa on njaabi: Min tokkataako ngol!

Hose'a 2:2

Nden yimɓe Yahuuda e yimɓe Isra'iila fuu kawtan. Ɓe laaminan ardiiɗo gooto dow maɓɓe, ɓe ardanto lesdi maɓɓe, ngam nyalaade Yisre'el laatoto mawnde.

Farillaaji Lewi'en 17:7

Taa Isra'iila'en tokko zammboraago Jawmiraawo bee hirsugo dabbaaji muuɗum'en haa ladde ngam labbi nannduɗi bee be'i ɗi ɓe ndewata. Ɗum laatano ɓe farilla nduumiika haa gide maɓɓe fuu.

Amos 2:4

Ndaa nii Jawmiraawo wi'i: “Yimɓe Yahuuda mbaɗi aybe dow aybe, fakat mi hiitoto ɓe ngam ɓe njawi tawreeta am, ɓe ɗowtanaaki farillaaji am. Labbi maɓɓe majjini ɓe bee pewe maaji, ɗe kaakiraaɓe maɓɓe tokkino ɗum.

Galaatiya'en 1:6

On kayɗini yam ngam law on ngayliti, on acci Allah mo ewni on bee mo'ere Almasiihu haa on tokko Linjiila ngoɗka.

Tooktaaki Tawreeta 31:16

Nden Jawmiraawo wi'i Muusa: “A maayan bana kaakiraaɓe ma. Ɓaawo maayde ma, ummaatoore nde'e tuurtan, nde ɗakkotiran bee ɗowanteeɓe jananɓe nder lesdi ndi nde nastata, nde wudintam, nde yewan alkawal ngal kaɓɓumi bee maare.

Tooktaaki Tawreeta 31:18

Saa'i man mi wiirnan ɓe yeeso am, ngam halleende nde ɓe mbaɗi, ɓe ngayliti haa ɗowanteeɓe woɗɓe.

Tooktaaki Tawreeta 9:12

Nden Jawmiraawo wi'i yam: Umma jippa hooseere nde'e law, ngam ummaatoore ma nde ngurtinɗa lesdi Misra wonnake, law nde seli laawol ngol umrumi nde. Nde waɗani hoore maare lawru ɓolinaandu.

Tooktaaki Tawreeta 9:16

Mi yi'i on mbaɗi hakke dow Jawmiraawo, Allah mooɗon, on mbaɗani ko'e mon lawru gaggel ɓolinaaŋgel, law on celi laawol ngol Jawmiraawo umri on.

Yosuwa 24:24

Yimɓe ummaatoore mbi'i Yosuwa: “Jawmiraawo Allah meeɗen min njagganto, min ɗowtanan boo wolde maako.”

Yosuwa 24:31

Nder nyalɗe ngeendam Yosuwa fuu, Isra'iila'en njaggani Jawmiraawo. Koo ɓaawo maayde Yosuwa boo ɓe tokki jagganaago Jawmiraawo nder nyalɗe ɗe ndotti'en yiiɓe kuuɗe ɗe Allah huuwani Isra'iila fuu.

Alkaali'en 2:7

Yaake Yosuwa geetono, ɓe kuuwani Jawmiraawo. Koo ɓaawo maayde maako boo ɓe tokki huuwango mo yaake ndotti'en Isra'iila ɗon ngeeɗi. Kamɓe ɓe ngi'no kuuɗe Jawmiraawo mawɗe ɗe o huuwani Isra'iila.

Alkaali'en 8:33

Ɓaawo maayde Gedeyon, Isra'iila'en puɗɗiti rewugo Ba'alji. Ɓe laatini Ba'al-Berit ɗowanteeɗo maɓɓe.

1 Samuyila 12:12

Ammaa nde ngi'ɗon Nahas, laamiiɗo Ammooni'en ɗon wara ngam haɓugo bee mooɗon, on mbi'i yam: Sey min keɓa laamiiɗo. On ngejjiti Allah Jawmiraawo mon woni laamiiɗo mon.

1 Samuyila 12:17

Naa jonta ɗum wakkati codol alkamaari na? Bee non fuu mi toroto Jawmiraawo, kaŋko boo o neldan diggaali e iyeende. To ɗum waɗi, on anndan no kaɓɓotiral mooɗon ɗaɓɓugo laamiiɗo halliri yeeso Jawmiraawo.”

1 Samuyila 12:19

Ɓe mbi'i Samuyila: “Useni, torana min Allah Jawmiraawo ma, ngam taa min maaya. Fakat min marɓe hakke, dow maajum fuu min ɓesdi halleende bee ɗaɓɓugo laamiiɗo.”