Alkaali'en 2:12 - Fulfulde Bible

¹² Ɓe ngudini Jawmiraawo, Allah mo baabiraaɓe maɓɓe, gurtinɗo ɓe lesdi Misra. Ɓe tokki ɗowanteeɓe jananɓe ɓe ummaatooje taariiɗe ɓe, ɓe ndewi ɓe. Bana nii ɓe tikkiniri Jawmiraawo.

Fulfulde DC Bible

¹² Ɓe ngudini Jawmiraawo, Allah mo baabiraaɓe maɓɓe, gurtinɗo ɓe lesdi Misra. Ɓe tokki ɗowanteeɓe jananɓe ɓe ummaatooje taariiɗe ɓe, ɓe ndewi ɓe. Bana nii ɓe tikkiniri Jawmiraawo.

Alkaali'en 2:12 Iomraidhean Croise

Jabuura 106:36

Ɓe ndewi labbi, kanjum laatani ɓe tuuforgol.

Jabuura 78:58

Ɓe ɓernini mo bee nokkuuje maɓɓe towɗe, ɓe ummini kaajal maako bee labbi maɓɓe.

Gurtaaki 13:14

To ɓiɓɓe mooɗon nder garanɗum ƴami on: Ngam ɗume mbaɗoton ɗum? On njaaba ɓe: Bee juŋngo semmbiɗŋgo Jawmiraawo wurtiniri en njeyaaŋgu haa Misra haa en ngonno nder maccuŋgaaku.

Gurtaaki 13:16

Ɗum laatano on bana alaama haa juuɗe mon e ciftinorɗum haa tiiɗe mon. Ngam Jawmiraawo wurtini en Misra bee juŋngo mum semmbiɗŋgo.”

Gurtaaki 13:3

Muusa wi'i yimɓe ummaatoore: “Ciftore nyalaade nde ngurtiiɗon njeyaaŋgu haa Misra, Jawmiraawo wurtini on bee juŋngo semmbiɗŋgo. To on ɗon mbaɗa juulde nde'e, taa on nyaama tamseeje ufnaaɗe.

Gurtaaki 13:9

Ɗum laatano on bana alaama ciftinorɗum haa juuɗe malla haa tiiɗe mooɗon. Ngam haa on ciftora farilla Jawmiraawo, on ngooyna ka, ngam kaŋko wurtini on lesdi Misra bee juŋngo mum semmbiɗŋgo.

Gurtaaki 20:5

Taa sujidan suuraaji ɗi'i, taa rewu ɗi! Ngam min Jawmiraawo Allah ma, mi yiɗaa a tokko ɗowanteeɗo feere sam. Mi hiitoto aybe wanyɓe yam haa ɓiɓɓe maɓɓe, koo haa taaniraaɓe maɓɓe e jaatiraaɓe maɓɓe boo.

Yeremiya 16:11

Nden yeccu ɓe: Jawmiraawo wi'i: Kaakiraaɓe mooɗon acci yam, tokki ɗowanteeɓe woɗɓe, njaggani ɓe, cujidani ɓe. Ammaa min, ɓe acci yam, ɓe ɗowtanaaki tawreeta am.

Tooktaaki Tawreeta 13:5

Tokke Jawmiraawo, Allah mooɗon, kule mo kaŋko tan! Kakkilane umrooje maako, nane ko o wi'ata on, njaggane mo, ɗakkotire bee maako!

Tooktaaki Tawreeta 29:18

Taa goɗɗo, nanɗo bolle hunayeere ɗe'e sarga hoore mum bee numugo nder ɓernde mum: Mi heɓan salaaman, koo to mi saatini hoore am, to mi waɗi ko ɓernde am yiɗi, nden o nastina woɗɓe nder dewki labbi.

Tooktaaki Tawreeta 29:25

Ɓe njehi ɓe njaggani ɗowanteeɓe woɗɓe, ɓe cujidani ɓe. Naane ɓe anndaano ɗowanteeɓe man, Jawmiraawo boo haɗi ɓe sujidango ɓe.

Tooktaaki Tawreeta 32:15

Yimɓe maako laati riskuɓe, tuurtooɓe, ɓe fayɓe, marɓe ɓellere. Ɓe acci Allah tagɗo ɓe, ɓe njawi tapaare hisnoore ɓe.

Tooktaaki Tawreeta 33:17

Tedduŋgal laatano Yusufu mo mari semmbe bana ngaari afri, luwe mum boo bana mbana. Bee maaje o hawan ummaatooje haa yotto keeri duniyaaru. Luwe maako, ɗum yimɓe Efrayim ujineeje e yimɓe Manassa ɗuuɗɓe.”

Tooktaaki Tawreeta 4:25

Koo to on nduuri nder lesdi, to on keɓi ɓikkoy e taaniraaɓe boo, taa mbaɗe hakke bee waɗango ko'e mon suuraaji labbi bee jaati koo ɗume. Ɗum kalluɗum haa Jawmiraawo, Allah mooɗon, ɗum tikkinan mo.

Tooktaaki Tawreeta 5:9

Taa sujidan ɗi, taa teddin ɗi, ngam min Jawmiraawo, Allah maaɗa, mi yiɗaa a tokko ɗowanteeɗo feere sam. Mi hiitoto aybe wanyɓe yam haa ɓiɓɓe maɓɓe, koo haa taaniraaɓe maɓɓe e jaatiraaɓe maɓɓe boo.

Tooktaaki Tawreeta 6:12

nden kam, ndeente! Taa on ngejjita Jawmiraawo mo wurtini on njeyaaŋgu nder lesdi Misra.

Alkaali'en 10:11

Jawmiraawo jaabi ɓe: “Yaake Misra'en e Amoori'en e Ammooni'en e Filisti'en e Sidoni'en e Amaleki'en e Ma'oni'en ɓilli on, on tori yam ballal. Kadi mi hisnaay on juuɗe maɓɓe na?

Alkaali'en 5:8

Ummaatoore suɓi ɗowanteeɓe feere, nden law konne'en ndari haa dammugal. Ammaa walaa koo gooto jogi wawarde malla labbo nder worɓe ujine cappanɗe nayo nder Isra'iila'en

Alkaali'en 8:33

Ɓaawo maayde Gedeyon, Isra'iila'en puɗɗiti rewugo Ba'alji. Ɓe laatini Ba'al-Berit ɗowanteeɗo maɓɓe.