Alkaali'en 2:1 - Fulfulde Bible

¹ Malaa'ikaajo Jawmiraawo wari diga Gilgal, yehi haa Bokim. O wi'i Isra'iila'en: “Mi wurtini on lesdi Misra e mi yahri on haa lesdi ndi mi iinani baabiraaɓe mon. Mi wi'i: Mi fiistataa alkawal am bee mooɗon haa foroy.

Fulfulde DC Bible

¹ Malaa'ikaajo Jawmiraawo wari diga Gilgal, yehi haa Bokim. O wi'i Isra'iila'en: “Mi wurtini on lesdi Misra e mi yahri on haa lesdi ndi mi iinani baabiraaɓe mon. Mi wi'i: Mi fiistataa alkawal am bee mooɗon haa foroy.

Alkaali'en 2:1 Iomraidhean Croise

Laataanooji 12:7

Jawmiraawo waŋgani Abraama, wi'i mo: “Mi hokkan danygol maaɗa lesdi ndi'i.” Ton Abraama mahani Jawmiraawo mo waŋgani mo hirsirde.

Laataanooji 16:13

Hajara ƴami hoore mum: Mi giiɗo mo yi'i yam na? Kanjum o ewni Jawmiraawo bolwanɗo mo: “An woni Allah gi'anɗo!”

Laataanooji 48:16

malaa'ikaajo kisnuɗo yam sarru fuu, barkiɗina derke'en ɓe'e. Daliila maɓɓe innde am tabito bana innde maama am Ibrahiima e baaba am Isiyaaku. Ɓe ɗuuɗa masin haa lesdi.”

Jabuura 89:3

Mi anndi mbooɗeeŋga ma tabitan haa foroy, gooŋgaaku ma tabiti haa asama.

Jabuura 89:34

Ammaa mi accataa woonango Daawuda, mi ittantaa mo gooŋgaaku am.

Gurtaaki 14:14

Jawmiraawo haɓanan on, onon on cirwo!”

Gurtaaki 14:19

Malaa'ikaajo Allah ardiiɗo Isra'iila'en yehi dari ɓaawo saŋngeere maɓɓe. Ruulde nanndunde bee daŋraŋgal boo ummi diga yeeso maɓɓe, dari ɓaawo maɓɓe.

Gurtaaki 20:2

“Min woni Jawmiraawo Allah maaɗa, gurtinɗo ma njeyaaŋgu haa lesdi Misra.

Gurtaaki 23:20

“Ndaa, mi ɗon nela malaa'ikaajo haa yeeso mooɗon o ayna on dow laawol, o ɗowa on haa nokkuure nde mi taaskitinani on.

Gurtaaki 33:14

Jawmiraawo wi'i mo: “Mi yahdan bee ma, mi hokkete siwtaare.”

Esaaya 63:9

diga ɓillaaje maɓɓe fuu. Naa nelaaɗo hisni ɓe, naa malaa'ikaajo boo, ammaa kaŋko bee hoore maako. Ngam daliila yiide e enɗam maako o hisni ɓe. O efti ɓe, o roondi ɓe nyalɗe ɓooymaaje fuu.

Yeremiya 14:21

Ammaa ngam daliila innde maaɗa, taa wudin min, taa yawnu Urusaliima, jooɗorde tedduŋgal maaɗa. Siftor alkawal maaɗa bee amin, taa fiistu ngal!

Farillaaji Lewi'en 26:42

Saa'i man mi siftoran alkawal am bee Yaakubu e Isiyaaku e Ibrahiima, mi siftoran lesdi boo.

Farillaaji Lewi'en 26:44

Ammaa koo to ɓe ɗon nder lesɗe konne'en maɓɓe, mi wudintaa ɓe, mi wanyataa ɓe. Mi nattintaa ɓe, mi fiistataa alkawal am bee maɓɓe, ngam min woni Jawmiraawo Allah maɓɓe.

Zekariya 11:10

Mi hoo'i sawru am: Mbooɗeeŋga go, mi yewi ndu. Bana non piistumi alkawal ngal Jawmiraawo haɓɓuno bee ummaatooje fuu.

Malakiya 3:1

Jawmiraawo honooɓe asama wi'i: “Ndaa, mi ɗon nela nelaaɗo am, haa o mo'ina laawol yeeso am. Jawmiraawo mo ɗaɓɓoton, nastan nder haykaliiru mum bee juhuki. Nelaaɗo mo alkawal mo ngerduɗon, ndaa o ɗon wara.” Non Jawmiraawo honooɓe asama wi'i.

Limle 14:34

On kori lesdi ndi'i nyalɗe cappanɗe nayi. On ndoondoto kiita aybeeji mon duuɓi cappanɗe nayi, waato nduuɓu ngootu ngam nyalaade woore. Nden on anndan ko waɗata to mi waylitake, mi acci on.

Tooktaaki Tawreeta 1:8

Ndaare, mi jo'ini lesdi ndi'i yeeso mooɗon. Njehe kooce mare ndi, ɗum lesdi ndi min, Jawmiraawo, mi huni mi hokkan kaakiraaɓe mooɗon Ibrahiima e Isiyaaku e Yaakubu e danygol maɓɓe ɓaawo maɓɓe!”

Tooktaaki Tawreeta 4:34

Malla ɗowanteeɗo moye foondi jaɓtugo ummaatoore mum diga juŋngo ummaatoore feere, bee masiibooji e alaamaaji e kaayeefiiji, bee konu e juŋngo semmbiɗŋgo e kuuje mawɗe kulniiɗe? Onon on ngi'i no Jawmiraawo, Allah mooɗon waarani on ɗum fuu haa Misra.

Tooktaaki Tawreeta 7:9

Anndite, Jawmiraawo, Allah mooɗon woni Allah, o koolniiɗo feere maako, o ɗon jogi alkawal maako bee adilaaku ngam yiɗɓe mo e ɗowtantooɓe umrooje maako haa yotto gide ujineere.

Yosuwa 3:10

Nden on anndan Allah geeto ɗon caka mooɗon e fakat o riiwan Kanaani'en e Heti'en e Hewi'en e Perezzi'en e Girgasi'en e Amoori'en e Yebusi'en yeeso mooɗon.

Alkaali'en 11:24

Naa an mari lesdi koo ndiye ndi Kemos ɗowanteeɗo ma marni ma na? Bana non, minin boo min maran lesdi koo ndiye ndi Jawmiraawo Allah amin riiwi yimɓe maari yeeso amin, min nyaami ndi.

Alkaali'en 13:2

Saa'i man woodi goɗɗo lenyol Dan, iwɗo Cor'a mo innde mum Manooha. Debbo maako dimaro, o meeɗaay danyugo.

Alkaali'en 13:3

Malaa'ikaajo Jawmiraawo waŋgani debbo oo, wi'i mo: “Mi anndi a meeɗaay danyugo ɓiŋngel ngam a dimaro. Ammaa jonta a reedan, a danyan ɓiɗɗo gorko.

Alkaali'en 2:5

Ɓe inndi nokkuure man Bokim. Ton ɓe lii'ani Jawmiraawo kirsaaɗi.

Alkaali'en 6:8

o neldi ɓe annabiijo mo wi'i ɓe: Ndaa ko Jawmiraawo Allah Isra'iila wi'i: “Mi wurtini on lesdi Misra, haa on ngonno maccuɓe.