Alkaali'en 17:10 - Fulfulde Bible

¹⁰ Mika wi'i mo: “Jooɗa haa am, laata limanjo saare am e laata carwotooɗo yam. Hitaande fuu mi hokkete ceede cardi sappo, a heɓan boo limce e nyaamdu he'anndu ma.”

Fulfulde DC Bible

¹⁰ Mika wi'i mo: “Jooɗa haa am, laata limanjo saare am e laata carwotooɗo yam. Hitaande fuu mi hokkete ceede cardi sappo, a heɓan boo limce e nyaamdu he'anndu ma.”

Alkaali'en 17:10 Iomraidhean Croise

Laataanooji 45:8

Naa onon neli yam haa ɗo, ɗum Allah neli yam. O waɗi yam bana baaba Firawna, mi jaagorɗo saare maako fuu, mi ngomna dow lesdi Misra fuu boo.

2 Laamiiɓe 13:14

Nde annabi Elisa nyawi nyawu ngu o maayrata, Yo'as laamiiɗo Isra'iila wari haa maako, o woyi yeeso maako, o wi'i: “Baaba am! Baaba am! An woni mootaaji pucci e wa'ooɓe pucci Isra'iila.”

2 Laamiiɓe 2:12

Elisa yi'i ɗum, o wooki: “Baaba am, baaba am, an woni mootaaji pucci e wa'ooɓe pucci Isra'iila!” Ɓaawo maajum o yi'aay mo. O naŋngi limce maako, o seeki ɗe geɓe ɗiɗi.

2 Laamiiɓe 6:21

Nde laamiiɗo Isra'iila yi'i ɓe, o ƴami Elisa: “Baaba am, mi mbaran ɓe na?”

Ayuba 29:16

Baabiraawo laatinoomi haa talaka'en, kiita yimɓe jananɓe, mi linyino ka.

Esaaya 22:21

Mi ɓornan mo limce ma, mi taadan mo taadorgol ma. Mi waɗan baawɗe ma haa juŋngo maako. O laatanto jooɗiiɓe nder Urusaliima e yimɓe Yahuuda baaba.

Ezekiyel 13:19

On ɗon coɓna senaare am yeeso ummaatoore am ngam keɓon tamndanɗe sa'iiruuri seɗɗa malla piccite tamseeje. Woodi yoŋkiiji, mi yiɗaa ɗi maaya, ammaa onon on ɗon mbara ɗi. Woodi yoŋkiiji goɗɗi boo, mi yiɗaa ɗi ngeeɗa, ammaa onon on ɗon kisna ɗi. On ɗon mbaɗa ɗum bee fewugo yimɓe ummaatoore am yiɗɓe nanugo pewe.

Matta 26:15

O wi'i ɓe: “Ɗume on ndokkatammi to mi hokki on Yeesu?” Ɓe limani mo ceede cardi cappanɗe tati.

Yuhanna 12:6

O wi'i ɗum naa ngam o enɗi talaka'en, ammaa ngam o gujjo. Kaŋko woni jogoowo booro ceede, o ɗon wujja ceede ɗe ɓe kalfini mo.

1 Timote 6:10

Ngam suuno ceede woni ɗaɗol halleende fuu. Woɗɓe cuunaama ɗe, haa ɓe celi laawol nuɗɗinki, ɓe ngaddani ko'e maɓɓe torraaji naawɗi ɗuuɗɗi.

1 Piyer 5:2

Ayne tokkere nde Allah halfini on, ayne nde bana no Allah yiɗi, naa bee doole ammaa bee anniya. Kuuwe, naa ngam heɓugo ceede meere, ammaa ngam on ngiɗi ɗum.

Alkaali'en 17:11

Lewiijo oo jaɓi jooɗaago haa saare Mika. O jogi mo bana ɓiyiiko.

Alkaali'en 17:9

Mika ƴami mo: “Toy iwɗaa?” O jaabi: “Mi Lewiijo jooɗiiɗo haa Baytilaama nder Yahuuda, mi ɗon ɗaɓɓita pellel jooɗaago.”

Alkaali'en 18:4

O jaabi ɓe: “Mika hooci yam haa mi huuwana mo kuugal limanku, o ɗon yoɓa yam ngeenaari.”

1 Samuyila 2:36

To goɗɗo saare ma lutti saa'i man, o yahan haa limanjo oo, o sujida yeeso maako haa o heɓa suleyre cardi malla tamseere, o wi'a: Accu mi walle huuwugo kuugal limanku haa mi heɓa ko mi ƴakka.”