Alkaali'en 15:11 - Fulfulde Bible

¹¹ Worɓe Yahuuda ujine tato (3.000) njehi haa lowol tapaare haa Etaam, mbi'i Samson: “A anndaa Filisti'en ɗon laamano en na? Koni mbaɗɗa min ɗum?” O jaabi ɓe: “Mi waɗi ɓe bana ɓe mbaɗi yam.”

Fulfulde DC Bible

¹¹ Worɓe Yahuuda ujine tato (3.000) njehi haa lowol tapaare haa Etaam, mbi'i Samson: “A anndaa Filisti'en ɗon laamano en na? Koni mbaɗɗa min ɗum?” O jaabi ɓe: “Mi waɗi ɓe bana ɓe mbaɗi yam.”

Alkaali'en 15:11 Iomraidhean Croise

1 Habaruuji Nyalaaɗe 4:3

Ndaa danygol baaba Etam: Yisre'el e Yisma e Yidbas. Innde deerɗiraawo maɓɓe debbo boo, Hacalelponi.

Farillaaji Lewi'en 26:25

Mi ukkan kaafahi dow mooɗon, mi waatoto on ngam on piisti alkawal bee am. To on ɗaɓɓiti hisrude nder berniiji mon, mi nyawnan on nyawu kalluŋgu ndaaɓoowu, mi hokkan on haa juuɗe konne'en mon.

Tooktaaki Tawreeta 28:13

To on kakkilani umrooje Jawmiraawo, Allah mooɗon ɗe umranmi on hannde, to on ɗowtanake ɗe, Jawmiraawo laatinan on hoore ummaatooje, naa wicco maaje. On ɓesdoto yeeso yeeso, on leestataa sam.

Tooktaaki Tawreeta 28:43

Jananɓe jooɗotooɓe nder lesdi mon ɓesdoto yeeso yeeso, ammaa onon on tokkoto leestugo.

Alkaali'en 13:1

Fahin Isra'iila'en mbaɗi ko fottanaay Jawmiraawo. Ngam maajum o hokki ɓe haa juuɗe Filisti'en duuɓi cappanɗe nayi.

Alkaali'en 14:4

Saaro'en Samson anndaa nii ɗum Jawmiraawo waɗi yelo ngo nder ɓiɗɗo maɓɓe haa o heɓa dabare haɓugo bee Filisti'en. Ngam saa'i maajum Filisti'en ɗon laamano Isra'iila'en.

Alkaali'en 15:10

Yimɓe lenyol Yahuuda ƴami ɓe: “Koni njippuɗon honugo min?” Ɓe njaabi: “Min njippi ngam haɓɓugo Samson, haa min mbaɗa mo bana o waɗi min.”

Alkaali'en 15:12

Ɓe mbi'i mo: “Min ngari ngam haa min kaɓɓe, min ndokke haa juuɗe Filisti'en.” Samson wi'i ɓe: “Kunaneeɗam onon on mbarataa yam!”