Alkaali'en 11:10 - Fulfulde Bible

¹⁰ Ndotti'en Gile'at mbi'i Yefta: “Jawmiraawo woni ceedoowo hakkunde meeɗen, min mbaɗan ko a wi'i min.”

Fulfulde DC Bible

¹⁰ Ndotti'en Gile'at mbi'i Yefta: “Jawmiraawo woni ceedoowo hakkunde meeɗen, min mbaɗan ko a wi'i min.”

Alkaali'en 11:10 Iomraidhean Croise

Laataanooji 16:5

Saray wi'i Abraama: “Kuudi ɗi ɓe kuuɗatammi loro dow maaɗa! Min hokki ma korɗo am, jonta nde o yi'i o reeduujo, mi laati jawaaɗo haa gite maako. Jawmiraawo hiito hakkunde am e maaɗa!”

Laataanooji 21:23

Jonta ɗo, hunoranam bee Allah, a zammbataako yam, koo ɓiyam, koo taaniraawo am. Bana mi waɗirani ma mbooɗeeŋga, non an boo waɗanam, min e lesdi ndi ngonɗa nder maari jonta.”

Laataanooji 31:50

To a toskini ɓiɓɓe am rewɓe, to a ɓaŋgi rewɓe woɗɓe dow maɓɓe, koo to walaa neɗɗo wondi bee meeɗen, anndu Allah woni ceedoowo hakkunde am bee maaɗa.”

Laataanooji 31:53

Allah mo Ibrahiima e Nahor, hiito hakkunde meeɗen.” Nden Yaakubu hunori bee Allah mo baaba maako Isiyaaku ɗowtani ɗum bee kulol.

Gurtaaki 20:7

Taa ewnu innde Jawmiraawo Allah maaɗa meere. Ngam fakat Jawmiraawo hiitoto koo moy ewniiɗo innde mum meere.

Yeremiya 29:23

Kanjum woni kiita maɓɓe, ngam ɓe kuuwi cemtiniiɗum nder Isra'iila, ɓe mbaɗi njeenu bee rewɓe heeddiɗɗiraaɓe maɓɓe, ɓe mbolwi pewe bee innde am, asee boo walaa ko umrumi ɓe. Min mi anndi, mi ceedoowo dow maɓɓe. Non Jawmiraawo wi'i.”

Yeremiya 42:5

Ɓe mbi'i Yeremiya: “Jawmiraawo laato ceedoowo gooŋɗuɗo koolniiɗo dow amin, to min ɗowtanaaki umrooje fuu ɗe Jawmiraawo Allah maaɗa umrete ngam amin.

Mika 1:2

Nane, onon ummaatooje fuu! Heɗita, an lesdi e ko hebbini ma! Allah Jawmiraawo wulloto on diga haykaliiru muuɗum seniindu!

Zekariya 5:4

Jawmiraawo honooɓe asama wi'i: Mi neldi naaloore nde'e ngam haa nde nasta suudu gujjo e suudu kunotooɗo dow fewre bee innde am. Nde jooɗoto ton, haa nde halkida kuuje fuu, koo piile e kaa'e fuu.”

Malakiya 3:5

Jawmiraawo honooɓe asama wi'i: “Mi waranan on ngam kiita. Mi yaawɗoto laataago ceedoowo dow waɗooɓe hiila e jeenooɓe e seedooɓe fewre, dow waɗanɓe huuwooɓe muuɗum'en rikici bee ngeenaari, dow toonyooɓe rewɓe yurumɓe e atiime'en, dow waɗanɓe aybe heedi jananɓe e dow yimɓe ɓe kulataa yam.”

Roma'en 1:9

Foroy mi ɗon toro ngam mooɗon: Allah woni ceedoowo yam! Kaŋko mi huuwanta bee ɓernde woore bee waazingo Linjiila Ɓiɗɗo maako.

2 Korintu'en 11:31

Allah, Baabiraawo Jawmiraawo Yeesu meeɗen anndi mi fewataa. Yettoore laatano mo haa foroy!

Tooktaaki Tawreeta 1:16

Saa'i man mi umri hiitooɓe on. Mi wi'i ɓe: Nane haala jokkirli hakkunde banndiraaɓe mon. Mbaɗane ɓe kiita ngooŋɗuka, hakkunde goɗɗo bee deerɗum malla bee jananno gonduɗo bee muuɗum.

Alkaali'en 11:9

Yefta jaabi ɓe: “To on koori yam ngam haɓugo bee Ammooni'en, to Jawmiraawo hokki yam ɓe, nden kam mi laatoto hooreejo mon.”

1 Samuyila 12:5

Samuyila wi'i ɓe: “Jawmiraawo e laamiiɗo mo o suɓi laati seedooɓe, on tawaay aybewol koo ngole haa am.” Ɓe fuu ɓe mbi'i: “Nonnon nii!”

1 Samuyila 24:12

Baaba am, laar gawargal limce ma haa juŋngo am. Koyɗum mi mbaranno ma, ammaa mi ta'i gawargal limce ma tan. Faamu mi tuurtanaay ma, mi ɗaɓɓataa waɗugo ma halleende. Mi waɗaay ma aybe, ammaa an a ɗon looho yam haa mbara mi.