Alkaali'en 1:2 - Fulfulde Bible

² Jawmiraawo jaabi: “Lenyol Yahuuda aarta yahugo. Mi hokki ngol lesdi man.”

Fulfulde DC Bible

² Jawmiraawo jaabi: “Lenyol Yahuuda aarta yahugo. Mi hokki ngol lesdi man.”

Alkaali'en 1:2 Iomraidhean Croise

Limle 2:3

Caŋnginanɓe haa fuunaaŋge ngonan les tuutawal yeɓre Yahuuda, fodde mooɓe konu muuɗum'en bana ni'i: Nahasunu ɓii Amminadabu ɗowa lenyol Yahuuda.

Limle 7:12

Ngam maajum ardiiɓe ngaddi dokke muuɗum'en bee tokkindirki bana ni'i: Nyannde arannde, Nahasunu ɓii Amminadabu mo lenyol Yahuuda, nyannde ɗiɗawre, Nataneyel ɓii Cu'ar mo lenyol Issakar, nyannde tataɓre, Eliyabu ɓii Helon mo lenyol Zabulon, nyannde nayaɓre, Elicuru ɓii Sedewur mo lenyol Ruben, nyannde jowaɓre, Selumiyel ɓii Curisadday mo lenyol Simeyon, nyannde joweego'oore, Eliyasaf ɓii De'uwel mo lenyol Gada, nyannde joweeɗiɗawre, Eliisama ɓii Ammihudu mo lenyol Efrayim, nyannde joweetataɓre, Gamaliyel ɓii Pedacuru mo lenyol Manassa, nyannde joweenayaɓre, Abidan ɓii Gidi'oni mo lenyol Benyamin, nyannde sappoore, Ahi'ezer ɓii Ammisadday mo lenyol Dan, nyannde sappo e go'oore, Pagiyel ɓii Okran mo lenyol Aser, nyannde sappo e ɗiɗawre, Ahiira ɓii Enan mo lenyol Neftali. Dokke koo moy maɓɓe poti kal-kal: Taasawo cardi ngo kilo e reeta, taasayel cardi ngel reeta e reetita kilo, fodde etirgal suudu seniindu. Ɗe keewi kuroori ɗiggundi jiiɓaandi bee nebbam ngam dokkal nyaamdu. Non boo taasayel kaŋŋeeri ngel yeɓre sappoore nder kilo gootel, keewŋgel uurle. Non boo ngaari kalhaldi, njawdiri mbaalu, jawgel ngel nduuɓu, ɗi guleteeɗi, fahin njawdiri mbeewa kirseteendi ngam ittuki hakke, fahin ga'i ɗiɗi e jawɗi baali jowi e jawɗi be'i jowi e njawkoy njowoy koy nduuɓu, ɗi kirseteeɗi ngam kawtal yimɓe bee Allah.

Ibraniŋke'en 7:14

Koo moy fuu anndi Jawmiraawo meeɗen danyaama nder lenyol Yahuuda. Muusa meeɗaay wolwugo haala lenyol ngo'ol sam, nde o wolwi haala liman'en.

Yosuwa 2:24

Nden ɓe mbi'i mo: “Fakat, Jawmiraawo hokki en lesdi maajum fuu haa juuɗe meeɗen. Yimɓe ton fuu ɗon kula en haa ɓerɗe maɓɓe ta'i.”

Wahayu Yuhanna 5:5

Nden gooto caka ndotti'en go wi'i yam: “Taa woy. Ndaa mbarooga nder lenyol Yahuuda, iwɗo diga asŋgol Daawuda. Kaŋko o jaaliiɗo, o foti takkitugo takkanɗe joweeɗiɗi ɗe'e e maɓɓititgo deftere man.”

Alkaali'en 1:3

Yimɓe Yahuuda mbi'i yimɓe Simeyon banndiraaɓe muuɗum'en: “En njahda haa geɗal lesdi ngal laatani min, en kaɓa bee Kanaani'en. Nden minin boo min njahdan bee mooɗon haa geɗal mon.” Nden yimɓe lenyol Simeyon kawti bee lenyol Yahuuda.

Alkaali'en 20:18

Isra'iila'en njehi haa Baytila. Haa ton ɓe ƴami Allah: “Lenyol ngole aartata haɓugo bee yimɓe Benyamin?” Jawmiraawo jaabi: “Lenyol Yahuuda aartata.”

Alkaali'en 20:28

Pinehas ɓii Eli'azaaru, taaniraawo Haruna, wonno limanjo. Isra'iila'en ƴami Jawmiraawo: “Min njahan fahin haa min kaɓa bee banndiraaɓe amin yimɓe Benyamin na? Malla min acca?” Jawmiraawo jaabi: “Njehe, jaŋngo mi hokkan on jaalorgal dow maɓɓe.”