2 Timote 2:9 - Fulfulde Bible

⁹ Ngam daliila Linjiila ka'a mi ɗon munyana bone, koo jonta boo mi kaɓɓaaɗo bee callallu bana kalluɗo. Ammaa wolde Allah kam haɓɓaaka.

Fulfulde DC Bible

⁹ Ngam daliila Linjiila ka'a mi ɗon munyana bone, koo jonta boo mi kaɓɓaaɗo bee callallu bana kalluɗo. Ammaa wolde Allah kam haɓɓaaka.

2 Timote 2:9 Iomraidhean Croise

Luka 23:32

Ɓe njahri worɓe halluɓe ɗiɗo, ngam haa ɓe mbarda ɓe bee Yeesu.

Kuuɗe Nelaaɓe 21:33

Nden ardiiɗo dow sooje'en ujineere go ɓaditi Pol, naŋngi mo, umri ɓe kaɓɓa mo bee callalluuji ɗiɗi. Nden o ƴami: “Ɗum moye? Ɗume o waɗi?”

Kuuɗe Nelaaɓe 28:31

O waazi haala laamu Allah, o ekkitini yimɓe haala Yeesu Almasiihu, Jawmiraawo, o wolwi bee dartaare, walaa mo haɗi mo.

Kuuɗe Nelaaɓe 9:16

Min bee hoore am mi hollan mo no o tammi torreego daliila innde am.”

Efesu'en 3:1

Ngam man min Pol, kaɓɓaaɗo daliila Almasiihu Yeesu ngam mooɗon, onon yimɓe ummaatooje goɗɗe …

Filippi'en 1:17

Ammaa ɓeya ɗon ngaazina kubar Almasiihu bee numooji kaajuɗi, anniyaaji maɓɓe laaɓaay. Ɓe ɗon ɗaɓɓa tullingo torraaji am nder fursina.

Filippi'en 1:7

Ɗum pottuɗum mi ɗon numana on bana nii, ngam mi yiɗi on masin. On fuu on kawti bee am nder kuugal ngal Allah mo'ani yam saa'i mi kaɓɓaaɗo nder fursina, saa'i mi seedani Linjiila yeeso kiita e mi tabitini ka.

Kolossi'en 4:18

Koofŋgol ngo'ol min Pol winndi ngol bee juŋngo am. Taa ngejjite mi kaɓɓaaɗo bee callallu! Mo'ere Allah wonda bee mooɗon.

Kolossi'en 4:3

Toraneeɗam min boo, ngam haa Allah maɓɓitanammi laawol waazugo wolde muuɗum, haa mi waŋgina sirri Almasiihu. Ngam daliila sirri man mi ɗon haa fursina.

1 Tessaloniiki'en 1:8

Naa ngam wolde Jawmiraawo saŋkiti diga mooɗon, yehi haa wonɓe nder Makedoniya e Akaya tan, ammaa koo toy fuu yimɓe nani no on nuɗɗiniri Allah. Walaa haaje min mbolwa haala man.

2 Tessaloniiki'en 3:1

Ko luttani min wi'ugo on, deerɗiraaɓe: Torane min, ngam haa wolde Jawmiraawo saŋkito law, nde teddine koo toy fuu bana nde teddinirte haa mooɗon.

2 Timote 1:12

Ngam daliila man, mi ɗon yara boneeji ɗi'i. Ammaa ɗi cemtintaa yam, ngam mi anndi mo nuɗɗinmi. Mi ɗon hooli mo o baawɗo aynugo ko o halfini yam, haa to nyalaade kiita wari.

2 Timote 1:16

Jawmiraawo hinno saare Onesiforus, ngam o suusɗini yam nde ɗuuɗɗum. O semtiraay yam, koo nde mi kaɓɓaaɗo nder fursina.

2 Timote 1:8

Ngam maajum, taa semtu seedanaago Jawmiraawo men, taa semtu boo daliila am, min kaɓɓaaɗo ngam daliila maako. Ammaa munyan bone bana am ngam daliila Linjiila, bee baawɗe ɗe Allah hokki ma.

2 Timote 2:3

Munyan bone bana am, bana soojeejo Yeesu Almasiihu koolaaɗo.

2 Timote 4:17

Ammaa Jawmiraawo wondi bee am, semmbiɗini yam, ngam haa mi timmitina kuugal waazu am, ummaatooje fuu nana ngu. Kaŋko o hisni yam hunnduko mbarooga.

1 Piyer 2:12

Sey joonde mooɗon caka heefeerɓe wooɗa ngam koo to ɓe ngulli on bee wi'go on halluɓe, ɓe ndaara kuuɗe mooɗon booɗɗe, nden ɓe teddina Allah nyannde loraaki maako.

1 Piyer 2:14

Ɗowtane ngomna'en, ngam ɓe nelaaɓe laamiiɗo haa ɓe kiito halluɓe, ɓe teddina wooɗɓe.

1 Piyer 3:16

Ammaa njaabe ƴamɓe on bee yaŋkinaare e ne'aare e numo ɓernde laaɓŋgo. Nden ɓe cemtan ngam ɓe ngulli on bilaa daliila, ɓe mbolwi kalluka dow joonde mooɗon woonde nder kawtal bee Almasiihu.

1 Piyer 4:15

Taa gooto mooɗon yara bone ngam o laati mbaroowo hoore malla gujjo malla ngam o waɗi kalluɗum malla karammbaaniijo.