2 Timote 2:21 - Fulfulde Bible

²¹ To goɗɗo laɓɓini hoore mum diga kuuje kalluɗe ɗe mbi'mi, nden kam o laatoto kuuwruɗum marɗum saman, cenaaɗo, nafanɗo jawmiiko, taaskitinaaɗo ngam kuuɗe booɗɗe fuu.

Fulfulde DC Bible

²¹ To goɗɗo laɓɓini hoore mum diga kuuje kalluɗe ɗe mbi'mi, nden kam o laatoto kuuwruɗum marɗum saman, cenaaɗo, nafanɗo jawmiiko, taaskitinaaɗo ngam kuuɗe booɗɗe fuu.

2 Timote 2:21 Iomraidhean Croise

Jabuura 119:9

Noy derkeejo senrata laabi mum? Bee jogaago wolde ma.

Esaaya 1:25

An Urusaliima, juŋngo am teddan dow maaɗa. Mi ɓolinte, mi laɓɓinte, mi wurtinan tuundi ma fuu.

Esaaya 52:11

Ndille, ndille, ngurte diga ton! Taa meeme coɓɗum! Ngurte e maagol. Laɓɓine ko'e mon, onon roondotooɓe kuuwruɗe Jawmiraawo.

Yeremiya 15:19

Ngam maajum Jawmiraawo jaabi yam: “To a lortake, mi jaɓete fahin, a laatoto suka am fahin. To a wolwi nafoojum, naa meereejum, nden kam a laatoto annabiijo am fahin. Yimɓe tokkoto ma, ammaa naa an tokkoto ɓe.

Malakiya 3:3

O jooɗoto bana ɓolinoowo e laɓɓinoowo cardi. O laɓɓinan ɓiɓɓe Lewi, o wo'inan ɓe bana kaŋŋeeri e cardi, haa ɓe lii'ano Jawmiraawo dokke pottanɗe.

Kuuɗe Nelaaɓe 9:15

Jawmiraawo wi'i mo: “Yah, ngam mi suɓi mo, mi laatini mo kuuwanoowo yam haa o waŋgina innde am haa ummaatooje e laamiiɓe e haa Isra'iila'en.

1 Korintu'en 5:7

Laɓɓine ko'e mooɗon diga ufnirɗum kiiɗɗum ɗu'um, haa laatooɗon kullu kesa bilaa ufnirɗum. Non laatiiɗon bee gooŋga boo, ngam Almasiihu, jawgel Paska meeɗen hirsaama.

2 Korintu'en 7:1

Soobiraaɓe am yiɗaaɓe, iinaaji Allah ɗi'i fuu laatanake en. Ngam maajum laɓɓinen ko'e meeɗen diga ko soɓnata ɓanndu e ruuhu fuu. Sey en laato senaaɓe timmuɓe nder kulol Allah.

2 Korintu'en 9:8

Allah waawan ɗuɗɗinango on mo'e fuu. On maran ko hiɓɓinta haaje mooɗon tum. Bana nii on keɓan huuwugo kuuɗe booɗɗe koo ɗeye,

Efesu'en 2:10

Ngam Allah bee hoore mum tagi en. O tagi en nder Yeesu Almasiihu haa en kuuwa kuuɗe booɗɗe. Kanje boo, Allah aarti taaskitini ɗe haa en kuuwa ɗe.

1 Timote 6:11

Ammaa an, goɗɗo Allah, doggu kuuje ɗe'e. Ɗaɓɓu adilaaku e kulol Allah e nuɗɗinki e yiide e dartaare e yaŋkinaare.

2 Timote 2:16

Seedu bee haalaaji baaɗɗi geddooji, ngam waɗooɓe ɗi ɗon ɓesdo daayaago kulol Allah.

2 Timote 2:20

Nder saare mawnde, woodi kuuwruɗe ɗe cardi malla kaŋŋeeri, ammaa naa kanje tan, woodi boo ɗe leɗɗe e ɗe loope. Goɗɗe ɗon ngam kuuɗe marɗe saman, goɗɗe boo ngam kuuɗe famɗa-samanje.

2 Timote 3:17

ngam haa goɗɗo Allah laato taaskiiɗo timmuɗo ngam kuuɗe booɗɗe koo ɗeye.

2 Timote 4:11

Luka feere mum ɗon wondi bee am. Hoo'u Markus, wardu bee maako, ngam kaŋko o nafatam nder njaggu Jawmiraawo.

Titus 3:1

Siftinor nuɗɗinɓe ɓe leestana ardiiɓe e marɓe baawɗe, ɓe nanana ɓe, ɓe taaskano kuugal booɗŋgal koo ngale.

Titus 3:14

Yimɓe meeɗen, kamɓe boo sey ɓe ekkito tiinaago huuwugo kuuɗe booɗɗe, ɓe mballa ɓe to haajeeji juhanake ɓe, ngam haa ngeendam maɓɓe waŋgina nafuuda.

Titus 3:8

Kanjum woni wolde hoolniinde. Mi yiɗi a tabitina kuuje ɗe'e, ngam haa nuɗɗinɓe Allah tiino huuwugo kuuɗe booɗɗe. Kanjum ɗum wooɗi, ɗum nafan yimɓe.

1 Piyer 1:22

Jonta nde on ceni ko'e mooɗon bee ɗowtanaago gooŋga, ngiɗe deerɗiraaɓe nder nuɗɗinki bilaa naafikaare. Ngam maajum ngiɗindire bee tiinaare e ɓerɗe laaɓɗe.

1 Piyer 1:7

Boneeji ɗi'i poondan nuɗɗinki mooɗon to ki gooŋgahi. Koo kaŋŋeeri wonnotoondi maa ɓe ɗon poonda ndi nder yiite, sakko nuɗɗinki mooɗon. Ki ɓuri kaŋŋeeri saman piw, sey ki foonde. Ɓaawo poondol man, on keɓan manooje e tedduŋgal e maŋngu, nyannde Yeesu Almasiihu waŋganta yimɓe fuu.

1 Yuhanna 3:3

Koo moy tammake ɗum, laɓɓinan hoore mum bana Yeesu Almasiihu o laaɓɗo.