2 Timote 2:10 - Fulfulde Bible

¹⁰ Ngam man mi ɗon munyana koo ɗume fuu daliila suɓaaɓe Allah, ngam haa kamɓe boo ɓe keɓa kisndam ngonɗam nder Yeesu Almasiihu e tedduŋgal duumiiŋgal.

Fulfulde DC Bible

¹⁰ Ngam man mi ɗon munyana koo ɗume fuu daliila suɓaaɓe Allah, ngam haa kamɓe boo ɓe keɓa kisndam ngonɗam nder Yeesu Almasiihu e tedduŋgal duumiiŋgal.

2 Timote 2:10 Iomraidhean Croise

Balndi 8:35

Ngam keɓɗo yam heɓi ngeendam, o heɓi boo yerduye Jawmiraawo.

Matta 24:22

To Allah ustaayno limgal nyalɗe man, walaa koo gooto hisanno. Ammaa o usti ɗe ngam daliila suɓaaɓe maako.

Matta 24:24

Ngam fewooɓe wi'anɓe ɓe almasiihu'en malla ɓe annabi'en mbaŋgan, ɓe mbaɗan alaamaaji e kaayeefiiji mawɗi ngam majjingo koo suɓaaɓe Allah, to ɗum heɓoto.

Matta 24:31

O nelan malaa'ika'en maako, ɓe puufan luwal maŋngal, ɓe mooɓtan suɓaaɓe maako wonɓe haa alkibilaaji duniyaaru nayi fuu diga keerol asama ngo'ol haa ngola.”

Luka 18:7

Kadi, Allah waɗanta suɓaaɓe muuɗum wookananɓe mo jemma e naaŋge kiita gooŋgɗuka bee law na?

Luka 22:57

Ammaa Piyer yeddi ɗum, wi'i: “Kay debbo, mi anndaa mo sam.”

Yuhanna 11:52

naa ngam ummaatoore maajum tan, ammaa ngam o hawta ɓiɓɓe Allah saŋkitiiɓe fuu boo.

Yuhanna 17:24

Yaa Baabiraawo, yimɓe ɓe a hokki yam, mi yiɗi ɓe ngonda bee am haa ngonanmi, ngam haa ɓe ngi'a tedduŋgal am ngal a hokki yam, ngam a yiɗi yam diga duniyaaru tagaakano tawon.

Yuhanna 17:9

Mi ɗon toro ma ngam maɓɓe. Mi torataako ngam duniyaaru, ammaa mi ɗon toro ma ngam yimɓe ɓe a hokki yam, ngam ɓe yimɓe maaɗa.

Roma'en 2:7

Tiiɗɓe waɗgo ko fotti, ɗaɓɓitanɓe tedduŋgal e daraja e duumaare, o hokkan ɓe ngeendam nduumiiɗam.

Roma'en 9:23

Haa woɗɓe boo, o muuyi waŋginango ɓe ɗuuɗeeŋga tedduŋgal maako, o enɗi ɓe, o taaskitini ɓe diga ɓooyma ngam haa ɓe keɓa tedduŋgal maako.

1 Korintu'en 1:21

Ngam nde nii duniyaaru bee hikma mum anndaa Allah ngam ndu annditaay hikma maako, Allah ɗon seyori hisnugo nuɗɗinɓe bee waazingo ko hikma'en duniyaaru mbi'ata faataare.

1 Korintu'en 9:22

To mi ɗon wondi bee tampuɓe nder nuɗɗinki, mi yeeɗan bana min boo mi tampuɗo, ngam haa mi heɓana Almasiihu tampuɓe man nder nuɗɗinki. Waato mi laatanto koo ɓeye fuu bana ɓe mba'i, haa mi hisna woɗɓe maɓɓe koo noy fuu.

2 Korintu'en 1:6

To min ɗon njara bone, ɗum laatoto ngam haa on nde'ita, on kisa. To Allah de'itini min boo, ɗum laatoto ngam on cemmbiɗa, on munyana irin boneeji ɗi min njarata.

2 Korintu'en 12:15

Ngam am kam, bee seyo ndokkanmi ngam mooɗon ko marmi fuu, koo hoore am boo. Kadi on pamɗitinan yiɗugo yam ngam mi ɓuri yiɗugo on na?

2 Korintu'en 4:15

Ko heɓata min fuu, ɗum ɗon ngam nafugo on, haa mo'ere Allah yotto yimɓe ɗuuɗɓe, limgal mooɗon ɓesdo yeeso yeeso, ngam haa yettoore Allah e tedduŋgal mum ɗuuɗa.

2 Korintu'en 4:17

Fakat, ɓillaaje amin jontaaje, ɗe koyɗe ɗe nduurataa boo. Ɗe ɗon taaskano min tedduŋgal duumiiŋgal kaayeefiiwal, tedduŋgal nga'al mawni ɓuri ɓillaaje amin piw.

Efesu'en 3:13

Ngam maajum mi ɗon toro on, taa on tampa ngam daliila boneeji ɗi mi ɗon yara ngam mooɗon, kanji ngoni tedduŋgal mon.

Kolossi'en 1:24

Jonta mi ɗon seyoro boneeji am ngam mooɗon. Mi ɗon cikina nder ɓanndu am ko ŋakki haa boneeji ɗi Almasiihu yari ngam ɓanndu muuɗum, waato jama'aare nuɗɗinɓe.

Kolossi'en 1:27

Ngam o waɗi anniya waŋgingo jeynitaare tedduŋgal sirri man haa yimɓe ummaatooje goɗɗe. Sirri man, ɗum Almasiihu gonɗo nder mooɗon, kaŋko hokki on tammunde heɓugo tedduŋgal haa Allah.

1 Tessaloniiki'en 5:9

Ngam Allah hoddiranaay en tikkere muuɗum, ammaa ngam haa en keɓra kisndam bee Jawmiraawo meeɗen Yeesu Almasiihu.

2 Tessaloniiki'en 2:14

Allah ewni on bee Linjiila ka min ngaazi on, haa on keɓa geɗal mooɗon haa tedduŋgal Jawmiraawo meeɗen Yeesu Almasiihu.

2 Timote 1:1

Min Pol nelaaɗo Yeesu Almasiihu fodde muuyo Allah, ngam daliila iinawol ngeendam ngonɗam nder Yeesu Almasiihu.

2 Timote 2:1

An kam, ɓiŋngel am, semmbiɗiɗ nder mo'ere nde keɓɗen haa Yeesu Almasiihu.

2 Timote 2:3

Munyan bone bana am, bana soojeejo Yeesu Almasiihu koolaaɗo.

Titus 1:1

Min Pol, maccuɗo Allah, nelaaɗo Yeesu Almasiihu, ngam waddugo suɓaaɓe Allah haa ɓe annda gooŋga, ɓe ngeeɗa nder kulol Allah,

1 Piyer 2:10

Naane on laataaki yimɓe ummaatoore Allah, ammaa jonta on laatake yimɓe ummaatoore maako. Naane on anndaa enɗam Allah, ammaa jonta on keɓi enɗam maako.

1 Piyer 5:10

Ammaa to on njari bone wakkati seɗɗa, marɗo mo'ere fuu, waato Allah bee hoore muuɗum laatinan on on timmuɓe, tabitɓe, semmbiɗɓe ɓe ndimmbataako. Kaŋko ewni on nder Yeesu Almasiihu haa keɓon tedduŋgal maako duumiiŋgal.