2 Timote 1:9 - Fulfulde Bible

⁹ Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

Fulfulde DC Bible

⁹ Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

2 Timote 1:9 Iomraidhean Croise

Matta 1:21

O tammi danyugo ɓiɗɗo gorko, a inndan mo Yeesu, ngam kaŋko hisnata ummaatoore maako diga hakkeeji maare.”

Luka 10:21

Wakkati man Ruuhu hebbini Yeesu seyo, o wi'i: “Yaa Baabiraawo, Jawmu asama e lesdi, mi yetti ma ngam a waŋginani ɓikkoy pamaroy ko a suuɗi marɓe anndal e faamu. Ooho, yaa Baabiraawo, bana nii ɗum fottani ma.

Yuhanna 17:24

Yaa Baabiraawo, yimɓe ɓe a hokki yam, mi yiɗi ɓe ngonda bee am haa ngonanmi, ngam haa ɓe ngi'a tedduŋgal am ngal a hokki yam, ngam a yiɗi yam diga duniyaaru tagaakano tawon.

Yuhanna 17:9

Mi ɗon toro ma ngam maɓɓe. Mi torataako ngam duniyaaru, ammaa mi ɗon toro ma ngam yimɓe ɓe a hokki yam, ngam ɓe yimɓe maaɗa.

Yuhanna 6:37

Mo Baabiraawo hokki yam fuu, waran haa am. Koo moy wari haa am boo, mi wudintaa mo yaasi.

Kuuɗe Nelaaɓe 2:47

ɓe ɗon ngetta Allah. Yimɓe fuu ngerdi ɓe. Nyalaade fuu Jawmiraawo ɗon ɓesdana jama'aare maɓɓe hisnaaɓe.

Roma'en 11:14

Mi tammi bee maagal mi heɓata ummingo kaajal yimɓe lenyol am, haa mi hisna woɗɓe maɓɓe.

Roma'en 11:29

Ngam Allah hoosititta dokke muuɗum, faasitittaa ewnaandu muuɗum.

Roma'en 16:25

Tedduŋgal laatano Allah! Kaŋko o woodi baawɗe semmbiɗingo on fodde Linjiila ka ngaazinanmi. Linjiila ɗon anndina haala Yeesu Almasiihu, ka ɗon waŋgina gooŋga Allah sirriiha. Gooŋga man ɗonno suuɗi diga ɓooyma,

Roma'en 3:20

Walaa mo laatoto adiliijo yeeso Allah bee ɗowtanaago tawreeta. Neɗɗo woodi hakke, kanjum tan tawreeta anndinta en.

Roma'en 9:11

Cuɓol Allah ɗon dari dow anniya muuɗum tan. Ngam maajum o wi'i Rebekka: “Mawniraawo huuwanan minyiraawo.” Allah wi'i ɗum diga ɓe ciwaa danyeego, hiddeko ɓe mbaɗa booɗɗum malla kalluɗum. Cuɓol Allah daraaki dow kuuɗe maɓɓe, sey dow ewnaandu maako tan.

Roma'en 9:24

Enen boo en ɗon nder maɓɓe, o ewni en, naa nder Yahuudu'en tan, ammaa nder ummaatooje goɗɗe boo,

1 Korintu'en 1:18

Halkanɓe ɗon ndaara kubar maayde Almasiihu dow leggal gaafaaŋgal bana faataare. Ammaa ngam meeɗen enen hisanɓe kam, en anndi ɗum baawɗe Allah.

Efesu'en 1:11

Barka Almasiihu enen boo en keɓi geɗal kisndam meeɗen. Allah, baɗanɗo koo ɗume fuu fodde nufaye muuyo mum, suɓi en diga ɓooyma.

Efesu'en 1:9

O anndini en sirri muuyo maako, o waɗi anniya ka'a nder Almasiihu diga ɓooyma ngam ɗum fottani mo,

Efesu'en 2:5

koo nde en maayɓeno daliila aybeeji meeɗen, o yeeɗitini en hawtaade bee Almasiihu – bee mo'ere maako keɓruɗon kisndam.

Efesu'en 3:11

Allah waɗi ɗum fodde nufayeere nde o nufino diga ɓooyma, o timminira nde bee Almasiihu Yeesu, Jawmiraawo meeɗen.

Filippi'en 3:14

mi ɗon haɓda yottaago keerol daɗa-daɗa, haa mi heɓa keɓal ewnaandu ndu Allah ewnori yam nder Yeesu Almasiihu.

1 Tessaloniiki'en 4:7

Ngam Allah ewnaaki en haa en ngeeɗa nder daakaareeku, ammaa haa en ngeeɗa nder senaare.

1 Timote 1:1

Min Pol nelaaɗo Yeesu Almasiihu fodde umroore Allah, Kisnoowo men e Yeesu Almasiihu, laatiiɗo tammunde meeɗen,

2 Timote 1:1

Min Pol nelaaɗo Yeesu Almasiihu fodde muuyo Allah, ngam daliila iinawol ngeendam ngonɗam nder Yeesu Almasiihu.

Titus 1:2

bee tammunde ngeendam nduumiiɗam, mi ɗon winndane Titus, ɓiŋngel am nder nuɗɗinki kawtuki en: Allah Baabiraawo e Yeesu Almasiihu, Kisnoowo men ndokke mo'ere e salaaman. Diga zamanuuji ɓooymaaji Allah mo fewataa iini hokkugo en ngeendam ɗa'am. Nder saa'iire ta'aande boo, Allah Kisnoowo meeɗen waŋgini wolde muuɗum, halfini yam kuugal waazaago nde fodde umroore muuɗum.

Ibraniŋke'en 3:1

Ngam maajum onon deerɗiraaɓe am senaaɓe, ewnaaɓe Allah mo asama, ndaare Yeesu mo Allah neli haa o laato hooreejo liman'en mo en nuɗɗinta.

1 Piyer 1:20

Allah suɓi mo diga duniyaaru tagaaka tawon, o waŋgini mo haa mooɗon nder balɗe ragareeje ɗe'e.

1 Piyer 2:9

Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.

Wahayu Yuhanna 13:8

Jooɗiiɓe haa duniyaaru fuu cujidanan nga, waato koo moy mo innde muuɗum winndaaka nder deftere ngeendam diga fuɗɗam duniyaaru. Jawgel kirsaaŋgel go mari deftere nde'e.

Wahayu Yuhanna 17:8

Ndabbaawa nga a yi'i, nga ɗonno naane, ammaa jonta nga walaa. Nga tammi wurtaago ngaska lugguka, nga dillan haa halkere. Jooɗiiɓe haa duniyaaru ɓe inɗe muuɗum'en mbinndaaka nder deftere ngeendam diga fuɗɗam duniyaaru kayɗinan to ɓe ngi'i ndabbaawa nga ngam nga ɗonno naane, nga walaa jonta, nga waŋgan fahin.