2 Timote 1:8 - Fulfulde Bible

⁸ Ngam maajum, taa semtu seedanaago Jawmiraawo men, taa semtu boo daliila am, min kaɓɓaaɗo ngam daliila maako. Ammaa munyan bone bana am ngam daliila Linjiila, bee baawɗe ɗe Allah hokki ma.

Fulfulde DC Bible

⁸ Ngam maajum, taa semtu seedanaago Jawmiraawo men, taa semtu boo daliila am, min kaɓɓaaɗo ngam daliila maako. Ammaa munyan bone bana am ngam daliila Linjiila, bee baawɗe ɗe Allah hokki ma.

2 Timote 1:8 Iomraidhean Croise

Jabuura 119:46

Mi wolwanan laamiiɓe seedamkuuji ma, mi semtataa.

Jabuura 19:7

Nge fuɗan haa keerol asama ngo'ol, nge taaroto haa yotto ngola, walaa ko suuɗata haa nguli maage.

Esaaya 51:7

Naneeɗam, onon annduɓe adilaaku, onon jogiiɓe tawreeta am nder ɓerɗe mon! Taa kule feloore yimɓe, taa ndiwtore daliila kuudi maɓɓe.

Esaaya 8:20

Njaabe ɓe: “Aa'a! Sey goɗɗo nana seedamku e ekkitinol Allah!” To on mbi'ataa non, ɓe ngi'ataa baɓɓol.

Markus 8:38

To goɗɗo semti yam e bolle am hannde caka yimɓe halluɓe, zammbotooɓe Allah ɓe'e, nden kam Ɓii-neɗɗo boo semtan mo to o wardi bee malaa'ika'en seniiɓe nder tedduŋgal Baabiraawo maako.”

Luka 9:26

To goɗɗo semti yam e bolle am, Ɓii-neɗɗo semtan mo yaake o warata nder tedduŋgal maako e nder ngal Baabiraawo maako e nder ngal malaa'ika'en seniiɓe.

Yuhanna 15:27

Onon boo on ceedanto yam, ngam on ngondi bee am diga fuɗɗam.

Yuhanna 19:35

Gi'ɗo seedi ɗum, seedamku maako gooŋga, kaŋko boo o anndi gooŋga o wolwi, ngam haa onon boo on nuɗɗina.

Kuuɗe Nelaaɓe 5:41

Nelaaɓe ummi caka dawrooɓe, ngurti, ndilli. Ɓe seyiiɓe masin ngam Allah heyni ɓe torreego ngam daliila innde Yeesu.

Roma'en 1:16

Mi semtaay waazingo Linjiila ngam ɗum baawɗe Allah: Ka waawi hisnugo nuɗɗinɓe ka fuu, aran Yahuudu'en, nden yimɓe ummaatooje goɗɗe boo.

Roma'en 16:25

Tedduŋgal laatano Allah! Kaŋko o woodi baawɗe semmbiɗingo on fodde Linjiila ka ngaazinanmi. Linjiila ɗon anndina haala Yeesu Almasiihu, ka ɗon waŋgina gooŋga Allah sirriiha. Gooŋga man ɗonno suuɗi diga ɓooyma,

Roma'en 8:36

Bana ko winnda: “Ngam daliila maaɗa, ɓe ɗon mbara min nyalawmaare fuu, ɓe ɗon ndaara min bana baali kirseteeɗi.”

Roma'en 9:33

bana ko winnda: “Haa Siyona mballinanmi hayre fergoore yimɓe, tapaare do'oore ɓe. Ammaa koo moy nuɗɗini mo, o semtintaake.”

1 Korintu'en 1:6

Bana nii Allah gooŋɗini ko min ceedani Yeesu Almasiihu caka mooɗon.

2 Korintu'en 6:7

bee waazu gooŋga e bee baawɗe Allah. Min njogi gooŋgaaku bana balmol amin ngam fiyugo konne'en e faddaago ko'e amin.

Efesu'en 3:1

Ngam man min Pol, kaɓɓaaɗo daliila Almasiihu Yeesu ngam mooɗon, onon yimɓe ummaatooje goɗɗe …

Efesu'en 3:13

Ngam maajum mi ɗon toro on, taa on tampa ngam daliila boneeji ɗi mi ɗon yara ngam mooɗon, kanji ngoni tedduŋgal mon.

Efesu'en 4:1

Mi ɗon wasa on, min, kaɓɓaaɗo ngam daliila Jawmiraawo: Ngeeɗe fodde ko fottanta ewnaandu ndu Allah ewnori on.

Efesu'en 4:17

Ndaa ko mbi'anmi, mi ɗon tiɗɗina on bee innde Jawmiraawo: Taa tokke yeeɗugo bana heefeerɓe ngeeɗirta. Kamɓe, numooji maɓɓe ɗon majjina ɓe.

Filippi'en 1:7

Ɗum pottuɗum mi ɗon numana on bana nii, ngam mi yiɗi on masin. On fuu on kawti bee am nder kuugal ngal Allah mo'ani yam saa'i mi kaɓɓaaɗo nder fursina, saa'i mi seedani Linjiila yeeso kiita e mi tabitini ka.

Filippi'en 3:10

Ngam ko ngiɗmi, ɗum anndugo Almasiihu e baawɗe Allah mo ummitini mo diga maayde e kawtal bee maako nder torraaji maako, mi laato nannduɗo bee maako nder maayde maako,

Filippi'en 4:13

Mi waawi waɗugo ɗu'um fuu, ngam Almasiihu ɗon semmbiɗinammi.

Kolossi'en 1:11

nde Allah ɗon semmbiɗina on bee semmbe mum fuu fodde baawɗe mum tedduɗe, haa on tiina e on munyana koo ɗume fuu bee seyo,

Kolossi'en 1:24

Jonta mi ɗon seyoro boneeji am ngam mooɗon. Mi ɗon cikina nder ɓanndu am ko ŋakki haa boneeji ɗi Almasiihu yari ngam ɓanndu muuɗum, waato jama'aare nuɗɗinɓe.

1 Tessaloniiki'en 3:4

Yaake min ɗonno ngondi bee mooɗon, min mbi'no on torraaji ukkanto en. On anndi non ɗum laati jonta boo.

1 Timote 2:6

O hokki hoore maako ngam coottaari yimɓe fuu. Bana nii o gooŋɗiniri anniya Allah nder saa'iire nde Allah ta'ino ɗum.

2 Timote 1:10

Jonta mo'ere man waŋgi bee garki Yeesu Almasiihu, Kisnoowo men. Kaŋko o nattini baawɗe waade, o waŋgini ngeendam e duumaare bee Linjiila.

2 Timote 1:12

Ngam daliila man, mi ɗon yara boneeji ɗi'i. Ammaa ɗi cemtintaa yam, ngam mi anndi mo nuɗɗinmi. Mi ɗon hooli mo o baawɗo aynugo ko o halfini yam, haa to nyalaade kiita wari.

2 Timote 1:16

Jawmiraawo hinno saare Onesiforus, ngam o suusɗini yam nde ɗuuɗɗum. O semtiraay yam, koo nde mi kaɓɓaaɗo nder fursina.

2 Timote 2:3

Munyan bone bana am, bana soojeejo Yeesu Almasiihu koolaaɗo.

2 Timote 2:8

Siftor Yeesu Almasiihu, ummitiiɗo diga maayde, mo danygol Daawuda, fodde Linjiila ka ngaazinanmi.

2 Timote 2:9

Ngam daliila Linjiila ka'a mi ɗon munyana bone, koo jonta boo mi kaɓɓaaɗo bee callallu bana kalluɗo. Ammaa wolde Allah kam haɓɓaaka.

2 Timote 4:17

Ammaa Jawmiraawo wondi bee am, semmbiɗini yam, ngam haa mi timmitina kuugal waazu am, ummaatooje fuu nana ngu. Kaŋko o hisni yam hunnduko mbarooga.

2 Timote 4:5

Ammaa an, laata a de'a-hakkiiloojo nder koo ɗume fuu. Munyan boneeji. Huuw kuugal gaazoowo Linjiila, hiɓɓin njaggu ma booɗɗum.

1 Piyer 1:5

On ɗon nuɗɗini mo. Ngam maajum o ɗon ayna on bee baawɗe maako. Nder balɗe ragareeje, o waŋginanan on kisndam ɗam o taaskani on.

1 Yuhanna 4:14

Minin, min ngi'i, min ɗon ceedo Baabiraawo neli Ɓiɗɗo muuɗum haa duniyaaru, o laati kisnoowo maaru.

Yahuuda 1:24

Tedduŋgal e maŋngu e laamu e baawɗe laatano Allah gooto, kisnoowo en bee Yeesu Almasiihu Jawmiraawo meeɗen, baawɗo aynugo on ngam taa on ndo'o, haa on mbaŋga on seyiiɓe, laaɓɓe yeeso tedduŋgal maako, diga zamanuuji ciwaa, non boo jonta e haa foroy. Aamiina!

Wahayu Yuhanna 1:2

Yuhanna seedi ko o yi'i fuu, ɗum wolde Allah e seedamku Yeesu Almasiihu.

Wahayu Yuhanna 1:9

Min Yuhanna, deerɗiraawo mooɗon, kawtuɗo bee mooɗon nder torra e laamu Allah e tiiɗal nder Yeesu, mi ɗonno haa duunde wi'eteende Patmos ngam daliila wolde Allah e seedamku Yeesu.

Wahayu Yuhanna 12:11

Deerɗiraaɓe meeɗen njaali mo bee ƴiiƴam jawgel e bee wolde gooŋga nde ɓe ceedi. Ɓe paalaay yoŋkiiji maɓɓe, ɓe kasdi maayugo.

Wahayu Yuhanna 19:10

Mi hofi yeeso maako haa mi sujidana mo, ammaa o wi'i yam: “Taa waɗ ɗum! Min mi maccuɗo Allah bana maaɗa e bana deerɗiraaɓe ma heɓɓe seedamku Yeesu. Sujidan Allah!” Ngam seedamku ngu Yeesu seedi, ɗum Ruuhu baɗanɗo annabaaku.