2 Timote 1:7 - Fulfulde Bible

⁷ Ngam naa ruuhu kulol Allah hokki en, ammaa Ruuhu semmbe e yiide e naŋgtaare.

Fulfulde DC Bible

⁷ Ngam naa ruuhu kulol Allah hokki en, ammaa Ruuhu semmbe e yiide e naŋgtaare.

2 Timote 1:7 Iomraidhean Croise

Jabuura 119:80

Sey mi ɗowtano farillaaji ma bee ɓernde laaɓnde, ngam taa mi tosko.

Balndi 2:7

Kaŋko o ɗon walla gooŋga'en, o ɗon ayna huuwanɓe bee laaɓeeŋga ɓernde.

Balndi 8:14

Min mari sawari e baawal, hakkiilo e semmbe ɗon ngondi bee am.

Esaaya 11:2

Ruuhu Jawmiraawo ɗon dow maako, ruuhu hikma e hakkiilo, ruuhu sawari e cuusal, ruuhu anndal e kulol Jawmiraawo.

Mika 3:8

Ammaa min, Ruuhu Jawmiraawo hebbini yam baawɗe e gooŋgaaku e cuusal, haa mi anndina yimɓe Yaakubu tuurtol muuɗum'en, mi anndina Isra'iila'en hakke muuɗum'en.

Zekariya 4:6

Malaa'ikaajo wi'i yam: “Ndaa wolde Jawmiraawo ngam Zorobaabila: A hiɓɓintaa kaliifaaku maaɗa bee cuusal malla bee semmbe maaɗa, ammaa sey bee Ruuhu am tan! Non Jawmiraawo honooɓe asama wi'i.

Luka 10:19

Ndaa, mi hokki on baawɗe dammugo boɗɗe e jahe e jaalaago baawɗe konneejo fuu. Koo ɗume naawnataa on.

Luka 15:17

Nden o fuɗɗi numtugo joonde maako, o wi'i: Huuwanooɓe baaba am ngoodi nyaamdu ɗuuɗndu, nden nii mi ɗon maaya bee dolo haa ɗo!

Luka 24:49

Ndaa, mi neldanan on mo Baabiraawo am iini. Njooɗe nder berniwol haa to on keɓi baawɗe iwɗe diga dow.”

Luka 8:35

Yimɓe ngurti haa ɓe ndaara ko waɗi. Ɓe ngari haa Yeesu, ɓe tawi gorko mo ruuhuuji coɓɗi ngurtuno e mum go, ɗon jooɗi kommbi maako, o ɗon ɓorni, o ɗon bee hakkiilo. Ɓe kultori.

Yuhanna 14:27

Mi ɗon accana on salaaman, mi ɗon hokka on salaaman am. Ko mi hokkata on, ɗum nanndaay bee ko duniyaaru hokkata. Taa ɓerɗe mooɗon caklo, taa kultore!

Kuuɗe Nelaaɓe 1:8

ammaa to Ruuhu Ceniiɗo jippake dow mooɗon, on keɓan baawɗe, nden on laatoto seedantooɓe yam haa Urusaliima, haa lesdi Yahudiya fuu bee Samariya e haa keerol duniyaaru fuu.”

Kuuɗe Nelaaɓe 10:38

On anndi habaru Yeesu mo Nasaratu, no Allah moytiri mo Ruuhu Ceniiɗo, no o hokkiri mo baawɗe. O yehi koo toy, o huuwi kuuɗe booɗɗe, o yamɗitini torraaɓe Iblisa fuu, ngam Allah ɗon wondi bee maako.

Kuuɗe Nelaaɓe 20:24

Ammaa mi laaraay yoŋki am bana huunde marnde saman, ko ngiɗmi kam, mi timmitina daɗa-daɗa am e kuugal ngal Jawmiraawo Yeesu halfini yam, waato seedaago Linjiila ka mo'ere Allah.

Kuuɗe Nelaaɓe 21:13

Ammaa Pol jaabi: “Koni on mboyata? On ngiɗi sunugo yam na? Min kam, naa haɓɓeego haa Urusaliima tan, ammaa mi ɗon taaskani maayugo maa, ngam daliila Jawmiraawo Yeesu.”

Kuuɗe Nelaaɓe 26:11

Mi ukkani ɓe torraaji ɗuuɗɗi nder cuuɗi dewal maɓɓe, haa mi doola ɓe wolwugo kalluka dow Allah. Mi ɓernani ɓe masin haa mi taasni ɓe nder gure jananne, mi toonyi ɓe ton.”

Kuuɗe Nelaaɓe 26:25

Pol jaabi: “Naa mi ginnaaɗo, barkaama! Ɗum gooŋga mbi'anmi, ɗum faamoto boo.

Kuuɗe Nelaaɓe 6:8

Etiyen, kebbinaaɗo mo'ere e baawɗe Allah, waɗi kaayeefiiji e alaamaaji mawɗi caka yimɓe.

Kuuɗe Nelaaɓe 9:22

Ammaa Sol ɓesdi waazugo bee dartaare. Yahuudu'en jooɗiiɓe haa Damas mbaawaay waabaago mo ngam o tinndini ɓe bee laaɓɗum Yeesu woni Almasiihu.

Roma'en 5:5

Bee tammunde man en mbustataake sam, ngam Allah hokki en Ruuhu mum, mo hebbini ɓerɗe meeɗen bee yiide mum.

Roma'en 8:15

Ngam Ruuhu Ceniiɗo mo on keɓi nastinaay on nder maccuŋgaaku haa on kula fahin. Aa'a! Ruuhu man laatini en ɓiɓɓe Allah, duŋani en ewnaago Allah: “Baaba!”

1 Korintu'en 2:4

Wolde am e waazu am laataaki bee baawal bolle fodde hikma yimɓe, ammaa ɗum baŋginki Ruuhu Allah e baawɗe mum,

Galaatiya'en 5:22

Ammaa ko Ruuhu Allah rimata ɗum yiide e seyo e salaaman e munyal e enɗam e mbooɗeeŋga e hoolaare

Kolossi'en 1:8

Kaŋko wolwani min haala yiide nde Ruuhu hokki on.

Ibraniŋke'en 2:15

o rimɗina laatiiɓe maccuɓe balɗe muuɗum'en fuu ngam daliila kulol maayde.

1 Piyer 1:22

Jonta nde on ceni ko'e mooɗon bee ɗowtanaago gooŋga, ngiɗe deerɗiraaɓe nder nuɗɗinki bilaa naafikaare. Ngam maajum ngiɗindire bee tiinaare e ɓerɗe laaɓɗe.

1 Yuhanna 4:18

Marɗo yiide hulataa, ngam yiide timmunde ittan kulol. Ngam kulol ɗon hawti bee yaŋgada. Kulanɗo wonaay nder yiide timmunde.