2 Timote 1:18 - Fulfulde Bible

¹⁸ Jawmiraawo hokka mo hinnuye mum nder nyalaade kiita. Haa Efesus o huuwani yam kuuɗe ɗuuɗɗe, an a anndi ɗum booɗɗum.

Fulfulde DC Bible

¹⁸ Jawmiraawo hokka mo hinnuye mum nder nyalaade kiita. Haa Efesus o huuwani yam kuuɗe ɗuuɗɗe, an a anndi ɗum booɗɗum.

2 Timote 1:18 Iomraidhean Croise

1 Laamiiɓe 17:20

Nden o tori Jawmiraawo, o wi'i: “Yaa Allah Jawmiraawo am, a yiɗi waɗugo kalluɗum koo haa beero am, haa debbo jurumɗo oo bee mbarugo ɓiyiiko na?”

Luka 1:72

O waŋginani kaakiraaɓe meeɗen enɗam maako, o siftori alkawal maako ceniiŋgal.

Luka 1:78

Allah meeɗen o keewɗo enɗam, daliila enɗam ɗa'am, o yaynan dow meeɗen bana naaŋge puɗanŋge,

Luka 8:3

e Yowanna, debbo Cuja, kaliifaajo dow saare laamiiɗo Hirudus e Suzan e rewɓe woɗɓe ɗuuɗɓe, wallooɓe worɓe go bee jawdi muuɗum'en.

Kuuɗe Nelaaɓe 18:19

Nde ɓe njotti berniwol Efesus, Pol jaɓɓiti Piriskilla e Akilas. Nden o yehi haa suudu dewal Yahuudu'en, o hujjotiri bee Yahuudu'en.

Kuuɗe Nelaaɓe 18:21

Nde o ɗon jaɓɓito ɓe, o yecci ɓe: “To Allah munyi, mi loroto haa mooɗon.” Nden o nasti koommbowal, o dilli.

Kuuɗe Nelaaɓe 19:1

Yaake Apollos ɗonno haa Korintu, Pol tokki laawol kooseeje haa o yotti Efesus. Ton o tawi nuɗɗinɓe woɗɓe,

1 Korintu'en 1:8

Kaŋko o tabitinan on haa yotto timmoode, ngam haa laatooɗon bilaa feloore nyalaade Jawmiraawo meeɗen Yeesu Almasiihu.

1 Korintu'en 16:8

Ammaa mi jooɗoto haa Efesus haa yotto juulde Pantekosta.

1 Korintu'en 3:13

kuugal koo moy fuu waŋgoyan. Nyalaade kiita waŋginan ɗum. Ɗum waŋgoyan nder yiite e yiite waŋginan no kuugal koo moy wa'i.

2 Korintu'en 9:1

Walaa haaje mi winndana on dow walliinde ngam senaaɓe haa lesdi Yahudiya.

Efesu'en 2:4

Ammaa Allah o ɗuuɗa-hinnuyeejo. Daliila yiide maako mawnde nde o yiɗiri en,

1 Tessaloniiki'en 2:19

Fakat, onon on laatake daliila tammunde amin e seyo amin. Saa'i Jawmiraawo meeɗen Yeesu loroto, on laatanto min meetaleewol jaalorgal, ngol min mantorto yeeso maako.

1 Timote 1:3

Saa'i mi ɗonno dilla Makedoniya, mi wasi ma a jooɗo haa Efesus, ngam haa a umra yimɓe woɗɓe ɓe acca ekkitingo ekkitinolji pewooji.

2 Timote 1:12

Ngam daliila man, mi ɗon yara boneeji ɗi'i. Ammaa ɗi cemtintaa yam, ngam mi anndi mo nuɗɗinmi. Mi ɗon hooli mo o baawɗo aynugo ko o halfini yam, haa to nyalaade kiita wari.

2 Timote 1:16

Jawmiraawo hinno saare Onesiforus, ngam o suusɗini yam nde ɗuuɗɗum. O semtiraay yam, koo nde mi kaɓɓaaɗo nder fursina.

2 Timote 1:17

Nde o yotti Roma, o fuɗɗi tefugo yam bee tiinaare ɗuuɗnde, haa o heɓti yam.

2 Timote 4:12

Mi neli Tikikus haa Efesus.

2 Timote 4:8

Jonta keɓal daɗki ɗon reenammi. Jawmiraawo, kiitoowo adiliijo hokkatam woronnde adilaaku nyalaade darŋgal, naa haa am tan, ammaa haa yenwanɓe baŋguki maako fuu.

Ibraniŋke'en 6:10

Ngam Allah o adiliijo, o yejjitittaa kuuɗe mooɗon malla yiide nde on kolli mo bee wallugo nuɗɗinɓe, senaaɓe, jonta boo on ɗon mballa ɓe.

1 Piyer 1:10

Annabi'en mbaɗi annabaaku dow mo'ere nde Allah taaskitinani on diga fuɗɗam, Ruuhu Almasiihu wondi bee maɓɓe, holli ɓe Almasiihu tammi yarugo bone, ɓaawoɗon o tammi heɓugo tedduŋgal. Annabi'en go tefi faamugo haala kisndam ɗa'am masin, linyi ka bee hakkiilo ngam ɓe keɓta ndey ka waɗata e noy ka laatorto.

Wahayu Yuhanna 2:1

“Winndan malaa'ikaajo jama'aare nuɗɗinɓe haa Efesus ni'i: Ndaa koŋngol iwŋgol haa jogiiɗo koode joweeɗiɗi haa juŋngo muuɗum nyaamo, mo ɗon yaha caka jo'inirɗe pittirlaaji joweeɗiɗi ɗe kaŋŋeeri: