2 Timote 1:13 - Fulfulde Bible

¹³ Joga bolle gooŋgaaje ɗe nanɗa haa am, ɗe laatano ma misaalu, a tabita nder nuɗɗinki e yiide nder Yeesu Almasiihu.

Fulfulde DC Bible

¹³ Joga bolle gooŋgaaje ɗe nanɗa haa am, ɗe laatano ma misaalu, a tabita nder nuɗɗinki e yiide nder Yeesu Almasiihu.

2 Timote 1:13 Iomraidhean Croise

Balndi 23:23

Soodu gooŋga, taa soorru ka, non boo hikma, anndinki e hakkiilo.

Balndi 3:18

Ka lekki ngeendam haa koo moy jaɓɗo ka, barka laatanto jogotooɓe ka fuu.

Balndi 3:21

Ɓiŋngel am, joga hakkiilo e faamu, taa ɗum ndaayo gite ma.

Balndi 4:13

Siftor foroy ko a ekkiti, joga ɗum booɗɗum, kanjum woni ngeendam ma.

Balndi 8:14

Min mari sawari e baawal, hakkiilo e semmbe ɗon ngondi bee am.

Roma'en 2:20

e eltugo faataaɓe e jaŋngingo derke'en e a heɓi anndal e gooŋga fuu bee tawreeta boo.

Roma'en 6:17

Yettoore laatano Allah! Naane on maccuɓe hakke, ammaa jonta on ɗowtani gooŋga ekkitinol ngol on nani bee ɓernde woore.

Filippi'en 1:27

Tan nii ngeeɗe fodde ko haandani Linjiila Almasiihu. Koo mi heɓan wargo haa mooɗon, mi yi'a on, koo mi heɓataa boo, sey mi tawa, on ɗon tabiti dow hakkiilo wooto, on ɗon kaɓda hawtaade ngam gooŋga Linjiila bee ɓernde woore.

Filippi'en 4:9

Mbaɗe ko on ekkiti, ko on keɓi, ko on nani e ko on ngi'i haa am. Nden kam, Allah dokkoowo salaaman wondan bee mooɗon.

Kolossi'en 1:4

Ngam min nani haala nuɗɗinki mooɗon nder Yeesu Almasiihu e haala yiide mooɗon heedi senaaɓe fuu

1 Tessaloniiki'en 5:21

Linye kuuje fuu, njogite ko wooɗi.

1 Timote 1:10

ngam daakaare'en e luuɗu'en, ngam soorrooɓe maccuɓe, ngam fewooɓe e hunortooɓe fewre e waɗooɓe ko luuti ekkitinol gooŋgawol.

1 Timote 1:14

Jawmiraawo men mo'ani yam ɗuuɗɗum masin, hokki yam nuɗɗinki e yiide iwnde haa Yeesu Almasiihu.

1 Timote 6:3

To goɗɗo waddi ekkitinol goɗŋgol, to o tokkaaki bolle gooŋgaaje ɗe Jawmiraawo men Yeesu Almasiihu e ekkitinol fodde kulol Allah,

2 Timote 1:1

Min Pol nelaaɗo Yeesu Almasiihu fodde muuyo Allah, ngam daliila iinawol ngeendam ngonɗam nder Yeesu Almasiihu.

2 Timote 1:14

Ekkitinol booɗŋgol ngol kalfinaaɗa, joga ngol bee baawɗe Ruuhu Ceniiɗo gonɗo nder maaɗa.

2 Timote 2:2

E ko nanɗa haa am yeeso seedooɓe ɗuuɗɓe, halfin ɗum yimɓe hoolaaɓe, waawanɓe ekkitingo woɗɓe.

2 Timote 3:14

Ammaa an kam, sey a tokko daraago dow ko a ekkiti e ko a jaɓi bilaa seko. A anndi ekkitinɓe ma ɗum.

2 Timote 4:3

Ngam wakkati waran, yimɓe njaɓataa nanugo ekkitinol gooŋgawol fahin. Ammaa ɓe ɓesdanan ko'e maɓɓe ekkitinooɓe deydey suunooji maɓɓe, haa ɓe nana ko welanta noppi maɓɓe.

Titus 1:9

Sey o hakkilana kubaruwol koolniiŋgol deydey ekkitinol ngol o ekkiti, ngam haa o laato baawɗo wasaago jama'aare fodde ekkitinol gooŋgawol e waŋgingo aybeeji dartantooɓe gooŋga.

Titus 2:1

Ammaa an, sey a wolwa ko yahdata bee ekkitinol gooŋgawol.

Titus 2:8

Bolle ma laato laaɓɗe, bilaa feloore, ngam haa konne'en cemta, taa ɓe keɓa wolwugo kalluka koo kaye dow meeɗen.

Ibraniŋke'en 10:23

Sey en ceedo tammunde nde'e yeeso yimɓe fuu bilaa tampere, ngam Allah o koolniiɗo, o waɗan ko o iini.

Ibraniŋke'en 3:6

Ammaa Almasiihu, o Ɓiɗɗo nder saare maako. Enen ngoni saare maako, to en tabiti nder cuusal meeɗen e tammunde meeɗen nde en maŋgtorto.

Ibraniŋke'en 4:14

Nde en ngoodi hooreejo liman'en mawɗo, Yeesu, Ɓiɗɗo Allah, mo yotti haa joonde Allah fakat, nden kam sey en njoga nuɗɗinki ki en ceedoto.

Yahuuda 1:3

Soobiraaɓe am yiɗaaɓe, mi yelino masin winndango on dow haala kisndam ɗam en fuu en kawti nder muuɗum. Ngam maajum, doole mi winndana on ngam suusɗingo on nder haɓre ngam nuɗɗinki ki Allah hokki yimɓe muuɗum nde woore, ki he'i haa foroy.

Wahayu Yuhanna 2:25

Ammaa sey on njogito ko marɗon bee semmbe haa to mi wari.

Wahayu Yuhanna 3:11

Mi ɓadake wargo. Joga ko marɗa, ngam taa koo moy jaɓta woronnde jaalorgal ma.

Wahayu Yuhanna 3:3

Ngam man, siftor no a jaɓri e no a naniri koŋngol Allah, ɗowtan ngol, tuubu. To a hakkilaay, mi waran bana gujjo, a anndataa saa'i nde mi warata haa ma.