2 Timote 1:12 - Fulfulde Bible

¹² Ngam daliila man, mi ɗon yara boneeji ɗi'i. Ammaa ɗi cemtintaa yam, ngam mi anndi mo nuɗɗinmi. Mi ɗon hooli mo o baawɗo aynugo ko o halfini yam, haa to nyalaade kiita wari.

Fulfulde DC Bible

¹² Ngam daliila man, mi ɗon yara boneeji ɗi'i. Ammaa ɗi cemtintaa yam, ngam mi anndi mo nuɗɗinmi. Mi ɗon hooli mo o baawɗo aynugo ko o halfini yam, haa to nyalaade kiita wari.

2 Timote 1:12 Iomraidhean Croise

Jabuura 25:2

Yaa Allah am, mi hoolake ma, taa mi tosko! Taa konne'en am njaalo yam.

Jabuura 31:5

A hisnatam tuuforgol ngol ɓe tuufnani yam, ngam an woni hisrude am.

Jabuura 56:9

A limi nyalɗe ɗe ndoggumi yeeso konne'en am, a mooɓti gonɗi am fuu nder faandu ma, a winndi limgal maaji nder deftere ma.

Jabuura 9:10

Jawmiraawo woni hisrude townde ngam toonyaaɓe, o hisnan ɓe wakkatiiji ɓillaare.

Esaaya 12:2

Allah woni kisndam am, mi ɗon hoolo mo, mi diwnataa. Jawmiraawo woni semmbe am e yimre am, kaŋko laati kisndam am.”

Esaaya 50:7

Ammaa Allah Jawmiraawo walli yam. Ngam maajum mi toskaaki. Ngam maajum mi suusɗini hoore am, mi anndi mi semtintaake.

Esaaya 54:4

Taa hul, ngam a semtintaake. Taa sakla, ngam a toskintaake. A yejjitan toskaare nderkaaku ma, a meetataa siftorgo mbustu suddaare ma.

Nahum 1:7

Jawmiraawo o booɗɗo, o hisrude nder nyalaade ɓillaare. O ɗon hakkilana tawɓe hisrude haa maako.

Matta 12:21

Ummaatooje fuu tammorto innde maako.”

Matta 24:36

“Walaa neɗɗo anndi nyalaade maajum malla saa'i man. Koo malaa'ika'en haa asama, koo Ɓiɗɗo boo, sey Baabiraawo tan anndi.

Matta 7:22

Nyalaade man, ɗuuɗɓe mbi'atam: Jawmiraawo, Jawmiraawo! Naa bee innde ma min mbaɗi annabaaku, min ndiiwi ginnaaji e min mbaɗi kaayeefiiji ɗuuɗɗi!

Luka 10:12

Mi ɗon wi'a on, nyannde darŋgal, kiita Sodoma hoyan dow kiita wuro man.”

Luka 23:46

Yeesu towni sawtu bee semmbe, wi'i: “Yaa Baabiraawo, mi ɗon halfina ruuhu am nder juŋngo maaɗa.” Ɓaawo nde o wolwi bolle ɗe'e, o maayi.

Yuhanna 17:15

Mi torataako ma ngam a wurtina ɓe duniyaaru, ammaa a fadda ɓe diga Kalluɗo.

Yuhanna 6:44

Walaa mo heɓata wargo haa am, sonaa to Baabiraawo nelɗo yam fooɗi mo. Koo moy wari haa am, mi ummitinan mo nyalaade darŋgal.

Kuuɗe Nelaaɓe 13:46

Ammaa Pol e Barnabas mbolwi bee dartaare, ɓe mbi'i: “Doole min aarta wolwango on wolde Allah. Ammaa nde nii on cali jaɓugo ɗum, on kiiti ko'e mon on ke'aay heɓugo ngeendam nduumiiɗam, min accan on, min njahan haa ummaatooje goɗɗe!

Kuuɗe Nelaaɓe 13:50

Ammaa Yahuudu'en ummini ɓerɗe mawɓe wuro e tedda-asli'en, rewɓe hulɓe Allah. Ɓe ummini fitina dow Pol e Barnabas, ɓe ngurtini ɓe lesdi maɓɓe.

Kuuɗe Nelaaɓe 21:13

Ammaa Pol jaabi: “Koni on mboyata? On ngiɗi sunugo yam na? Min kam, naa haɓɓeego haa Urusaliima tan, ammaa mi ɗon taaskani maayugo maa, ngam daliila Jawmiraawo Yeesu.”

Kuuɗe Nelaaɓe 7:59

Saa'i ɓe ɗon piɗa Etiyen, kaŋko o ɗon toro bana ni'i: “Jawmiraawo Yeesu, jaɓ yoŋki am!”

Kuuɗe Nelaaɓe 9:16

Min bee hoore am mi hollan mo no o tammi torreego daliila innde am.”

Roma'en 1:16

Mi semtaay waazingo Linjiila ngam ɗum baawɗe Allah: Ka waawi hisnugo nuɗɗinɓe ka fuu, aran Yahuudu'en, nden yimɓe ummaatooje goɗɗe boo.

Roma'en 9:33

bana ko winnda: “Haa Siyona mballinanmi hayre fergoore yimɓe, tapaare do'oore ɓe. Ammaa koo moy nuɗɗini mo, o semtintaake.”

1 Korintu'en 1:8

Kaŋko o tabitinan on haa yotto timmoode, ngam haa laatooɗon bilaa feloore nyalaade Jawmiraawo meeɗen Yeesu Almasiihu.

1 Korintu'en 3:13

kuugal koo moy fuu waŋgoyan. Nyalaade kiita waŋginan ɗum. Ɗum waŋgoyan nder yiite e yiite waŋginan no kuugal koo moy wa'i.

Filippi'en 1:20

Ndaa ko ngenwanmi e ko tammiimi: Walaa ko semtintammi, ammaa bana foroy, non jonta, mi anndi fakat yimɓe teddinan Almasiihu ngam ko tammi heɓugo yam, koo bee ngeendam am koo bee maayde am boo.

Filippi'en 3:10

Ngam ko ngiɗmi, ɗum anndugo Almasiihu e baawɗe Allah mo ummitini mo diga maayde e kawtal bee maako nder torraaji maako, mi laato nannduɗo bee maako nder maayde maako,

Filippi'en 3:21

Kaŋko o waylan ɓalli men tampuɗi leesɗi, haa ɗi laato bana ɓanndu maako marndu tedduŋgal, fodde baawɗe maako, waato baawɗe doolugo kuuje fuu ɗowtano mo.

Filippi'en 3:8

Naa kuuje ɗe'e tan, ammaa mi ɗon laara koo ɗume fuu bana asar, ngam mi heɓi ko ɓuri ɗum fuu: Ɗum anndugo Yeesu Almasiihu, Jawmiraawo am. Ngam daliila maako ngudinmi koo ɗume fuu. Mi ɗon laara ɗum bana mbuuwri meere, ngam haa mi heɓa Almasiihu,

1 Tessaloniiki'en 2:16

ngam ɓe ɗon kaɗa min anndingo yimɓe ummaatooje goɗɗe habaru kisndam maɓɓe. Bana nii ɓe ɗon tokko hebbitingo hakkeeji maɓɓe wakkati fuu. Ammaa haa ragare man, tikkere Allah ukkani ɓe.

1 Tessaloniiki'en 5:4

Ammaa onon, deerɗiraaɓe, on ngonaay nder nyiɓre, haa nyalaade nde'e juha on bana gujjo.

1 Timote 6:20

An Timote, hakkilan ekkitinol ngol kalfinaaɗa booɗɗum. Daaya haalaaji baaɗɗi e geddi e gaabi paataaɗi dow ko wi'ete anndal, ammaa naa ɗum anndal gooŋgawal.

2 Timote 1:14

Ekkitinol booɗŋgol ngol kalfinaaɗa, joga ngol bee baawɗe Ruuhu Ceniiɗo gonɗo nder maaɗa.

2 Timote 1:16

Jawmiraawo hinno saare Onesiforus, ngam o suusɗini yam nde ɗuuɗɗum. O semtiraay yam, koo nde mi kaɓɓaaɗo nder fursina.

2 Timote 1:18

Jawmiraawo hokka mo hinnuye mum nder nyalaade kiita. Haa Efesus o huuwani yam kuuɗe ɗuuɗɗe, an a anndi ɗum booɗɗum.

2 Timote 1:8

Ngam maajum, taa semtu seedanaago Jawmiraawo men, taa semtu boo daliila am, min kaɓɓaaɗo ngam daliila maako. Ammaa munyan bone bana am ngam daliila Linjiila, bee baawɗe ɗe Allah hokki ma.

2 Timote 2:9

Ngam daliila Linjiila ka'a mi ɗon munyana bone, koo jonta boo mi kaɓɓaaɗo bee callallu bana kalluɗo. Ammaa wolde Allah kam haɓɓaaka.

2 Timote 4:8

Jonta keɓal daɗki ɗon reenammi. Jawmiraawo, kiitoowo adiliijo hokkatam woronnde adilaaku nyalaade darŋgal, naa haa am tan, ammaa haa yenwanɓe baŋguki maako fuu.

Titus 3:8

Kanjum woni wolde hoolniinde. Mi yiɗi a tabitina kuuje ɗe'e, ngam haa nuɗɗinɓe Allah tiino huuwugo kuuɗe booɗɗe. Kanjum ɗum wooɗi, ɗum nafan yimɓe.

Ibraniŋke'en 12:2

Taa en acca sutugo Yeesu ngam nuɗɗinki meeɗen ɗon dari dow maako diga fuɗɗoode haa timmoode. Nde ɓe mbari mo haa leggal gaafaaŋgal, o munyi ɗum. O numaay dow mbustu maayde nde'e, ngam daliila seyo ngo Allah sigani mo. Jonta o ɗon jooɗi dow leeso laamu haa nyaamo Allah.

Ibraniŋke'en 2:18

Ngam jonta o waawan wallugo estaaɓe, ngam kaŋko bee hoore maako, o yari bone saa'i o estaama.

Ibraniŋke'en 7:25

Ngam maajum o waawan hisnugo yimɓe ɓe o yahri haa Allah jonta e haa foroy, ngam o ɗon yeeɗi haa foroy ngam toranaago ɓe Allah.

1 Piyer 1:5

On ɗon nuɗɗini mo. Ngam maajum o ɗon ayna on bee baawɗe maako. Nder balɗe ragareeje, o waŋginanan on kisndam ɗam o taaskani on.

1 Piyer 4:16

Ammaa to on njari bone ngam on nuɗɗinɓe tokkiiɓe Almasiihu, taa cemte ɗum. Sey on ngetta Allah ngam on njogi innde Almasiihu.

1 Piyer 4:19

Nden kam, mo ɗon yara bone ngam Allah muuyani mo ɗum, taa acca waɗugo mbooɗeeŋga, ammaa o hokkita hoore maako haa tagɗo mo ngam o koolniiɗo.

Yahuuda 1:24

Tedduŋgal e maŋngu e laamu e baawɗe laatano Allah gooto, kisnoowo en bee Yeesu Almasiihu Jawmiraawo meeɗen, baawɗo aynugo on ngam taa on ndo'o, haa on mbaŋga on seyiiɓe, laaɓɓe yeeso tedduŋgal maako, diga zamanuuji ciwaa, non boo jonta e haa foroy. Aamiina!