2 Timote 1:10 - Fulfulde Bible

¹⁰ Jonta mo'ere man waŋgi bee garki Yeesu Almasiihu, Kisnoowo men. Kaŋko o nattini baawɗe waade, o waŋgini ngeendam e duumaare bee Linjiila.

Fulfulde DC Bible

¹⁰ Jonta mo'ere man waŋgi bee garki Yeesu Almasiihu, Kisnoowo men. Kaŋko o nattini baawɗe waade, o waŋgini ngeendam e duumaare bee Linjiila.

2 Timote 1:10 Iomraidhean Croise

Esaaya 43:3

Ngam min woni Jawmiraawo Allah maaɗa, min Ceniiɗo Isra'iila, mi kisnoowo ma. Mi hokkan Misra ngam soottugo ma, Etiyopiya e Seba mbattudi ma.

Esaaya 45:15

Fakat a Allah cuuɗiiɗo, Allah Isra'iila, kisnoowo!

Esaaya 45:21

Ngare, mbaŋgine hujjaaji mon, carwootire hakkunde mooɗon! Moy yecci ɗum diga ɓooyma? Moy anndini ɗum diga naane? Naa min Jawmiraawo na? Walaa Allah, sonaa min. Allah adiliijo, kisnoowo feere woodaa, sey min.

Hose'a 13:14

Mi soottanno ɓe diga joonde maayɓe. Mi hisnanno ɓe diga maayde. An waade, toy gi'al ma? An joonde maayɓe, toy baawɗe ma ngam mbarugo? Mi sali enɗugo ɓe!”

Luka 11:36

To ɓanndu ma fuu ɗon nder annoora, to walaa goɗɗum lutti nder nyiɓre, ndu fuu ndu wonan nder annoora, bana to pittirla ɗon yaynane bee annoora muuɗum.”

Luka 13:7

Nden o wi'i aynoowo ngesa: Ndaa duuɓi tati mi ɗon tefa ibbe haa ibbi ki'i, ammaa mi heɓaay. Fe'u ki, ngam ɗume ki ɗon usta semmbe lesdi meere?”

Luka 2:11

Jemmaare hanndeere nde'e, kisnoowo danyanaama on nder wuro Daawuda, kaŋko woni Almasiihu, Jawmiraawo.

Yuhanna 1:9

Wolde go woni annoora ngooŋɗuka, ka wari nder duniyaaru, ka ɗon yaynana yimɓe fuu.

Yuhanna 14:6

Yeesu wi'i mo: “Min woni laawol e gooŋga e ngeendam. Walaa mo yahata haa Baabiraawo, sey bee am.

Yuhanna 20:31

Ammaa ko winnda nder maare, ɗum winndaama ngam haa on nuɗɗina Yeesu woni Almasiihu, Ɓiɗɗo Allah, ngam on keɓra ngeendam nder innde maako bee nuɗɗingo mo.

Yuhanna 4:42

Ɓe ɗonno mbi'a debbo: “Naa ngam daliila bolle ma fahin min nuɗɗini jonta, ammaa ngam minin bee ko'e amin min nani ko o wi'i, min anndi fakat kaŋko woni kisnoowo duniyaaru.”

Yuhanna 5:40

Ammaa on ngiɗaa wargo haa am ngam on keɓa ngeendam.

Kuuɗe Nelaaɓe 13:23

Haa danygol Daawuda oo, Allah waɗani Isra'iila'en kisnoowo fodde iinawol muuɗum, kaŋko woni Yeesu.

Kuuɗe Nelaaɓe 5:31

Allah boo ɓaŋgti mo, jo'ini mo haa nyaamo muuɗum, laatini mo laamiiɗo, kisnoowo, ngam haa Isra'iila heɓa tuubu e yaafuye hakkeeji.

Roma'en 16:26

ammaa jonta ka waŋginaama. Defte annabi'en boo ɗon ceedo ka. Fodde umroore Allah duumiiɗo ka anndinaama yimɓe nder ummaatooje fuu, ngam haa ɓe nuɗɗina ka, ɓe ɗowtano Allah.

Roma'en 2:7

Tiiɗɓe waɗgo ko fotti, ɗaɓɓitanɓe tedduŋgal e daraja e duumaare, o hokkan ɓe ngeendam nduumiiɗam.

Roma'en 3:31

To mi wi'i bana nii, mi ɗon wila tawreeta na? Naa non sam! Mi ɗon tabitina tawreeta.

Roma'en 6:6

En anndi fakat, ko laatiiɗen ɓooyma ɗum maaydi bee Almasiihu dow leggal gaafaaŋgal ngam haa ɓanndu hakkeeru natta, ngam taa en laato maccuɓe hakke fahin.

1 Korintu'en 15:26

Konneejo ragareejo kalketeeɗo, ɗum waade.

1 Korintu'en 4:5

Ngam maajum taa kiite koo ɗume diga saa'i man siwaa. Munye haa Jawmiraawo wara, mo waŋginta nder laaɓɗum ko suuɗi nder nyiɓre. O waŋginan boo nufayeeje nyukkiiɗe nder ɓerɗe yimɓe. Nden kadi koo moy heɓan manoore mum bana no fottanta Allah.

2 Korintu'en 5:4

Yaake en ɗon ngeeɗa nder ɓalli lesdiiji ɗi'i, en ɗon uuma bana les doŋngal tedduŋgal. En ngiɗaa ɓortaago ɓalli meeɗen maayanɗi ɗi'i. Ammaa en ngiɗi ɓornaago ɓalli duumiiɗi dow maaji, ngam haa ngeendam moɗa maayanɗum.

Galaatiya'en 5:4

To on ɗon ɗaɓɓita adilaaku Allah dow laawol tawreeta, nden kam on cenndiri bee Almasiihu, on ngalaa geɗal haa mo'ere Allah boo.

Efesu'en 1:18

Allah yaynana hakkilooji mon bee jayŋgol mum, haa on paama no tammunde iwnde diga ewnaandu maako wa'i, non boo jeynitaare tedduŋgal ndonŋgu ngu o sigani senaaɓe maako.

Efesu'en 1:9

O anndini en sirri muuyo maako, o waɗi anniya ka'a nder Almasiihu diga ɓooyma ngam ɗum fottani mo,

2 Tessaloniiki'en 2:8

Nden neɗɗo ɓurduɗo hallugo go waŋgan, mo Yeesu, Jawmiraawo meeɗen halkata bee poofɗe hunnduko mum. O halkan mo bee baŋguki mum saa'i o loroyto.

2 Timote 1:1

Min Pol nelaaɗo Yeesu Almasiihu fodde muuyo Allah, ngam daliila iinawol ngeendam ngonɗam nder Yeesu Almasiihu.

2 Timote 1:8

Ngam maajum, taa semtu seedanaago Jawmiraawo men, taa semtu boo daliila am, min kaɓɓaaɗo ngam daliila maako. Ammaa munyan bone bana am ngam daliila Linjiila, bee baawɗe ɗe Allah hokki ma.

2 Timote 4:1

Mi ɗon hunne yeeso Allah e Yeesu Almasiihu mo hiitoto maayɓe e yeeɗɓe fuu, barka loraaki e laamu muuɗum:

2 Timote 4:8

Jonta keɓal daɗki ɗon reenammi. Jawmiraawo, kiitoowo adiliijo hokkatam woronnde adilaaku nyalaade darŋgal, naa haa am tan, ammaa haa yenwanɓe baŋguki maako fuu.

Titus 2:11

Ngam Allah waŋgini mo'ere mum laatiinde seeɓoore kisndam ngam yimɓe fuu.

Titus 2:13

En ɗon ndeena nyalaade barkiɗinaande nde tammuɗen. Nyalaade nde'e, Yeesu Almasiihu, waato Allah meeɗen Mawɗo, Kisnoowo, waŋgan nder tedduŋgal muuɗum.

Titus 3:4

Ammaa nde Allah, Kisnoowo men waŋginani en mbooɗeeŋga mum e yiide mum,

Ibraniŋke'en 10:32

Ciftore no on njooɗori naane nder balɗe caaliiɗe, ɓaawo Allah yaynani on bee annoora muuɗum, on munyani boneeji naawɗi ɗuuɗɗi, ammaa ɗi ɓuraay on semmbe.

2 Piyer 1:1

Min Simon Piyer, maccuɗo e nelaaɗo Yeesu Almasiihu, mi ɗon winndana on, onon heɓɓe nuɗɗinki marki saman bana ki amin. On keɓri ki bee adilaaku Allah meeɗen e bee Yeesu Almasiihu, kisnoowo.

2 Piyer 1:11

Bana non on keɓan nastugo laamu nduumiiŋgu ngu Jawmiraawo e Kisnoowo meeɗen Yeesu Almasiihu bee feecaare.

2 Piyer 1:3

Allah hokkiri en koo ɗume bee baawɗe mum haa en ngeeɗa nder ngeendam e kulol maako. O hokki en ɗum ngam en anndi ewniiɗo en nder tedduŋgal mum e nder mbooɗeeŋga mum.

2 Piyer 2:20

To yimɓe ngurtake coɓe duniyaaru ngam ɓe anndi Jawmiraawo e Kisnoowo meeɗen Yeesu Almasiihu, nden ɓe ndokki ɗe laawol fahin, ɗe njaali ɓe, joonde maɓɓe jontaare halli ɓuri nde naane.

2 Piyer 3:18

Ammaa mawne nder mo'ere e anndal Jawmiraawo e Kisnoowo meeɗen Yeesu Almasiihu. Tedduŋgal laatano mo diga jonta haa foroy. Aamiina!

2 Piyer 3:2

Mi yiɗi on ciftora bolle ɗe annabi'en senaaɓe aarti mbolwi e umroore Jawmiraawo e Kisnoowo, nde nelaaɓe mooɗon ngaddani on.

1 Yuhanna 1:2

Ngam ngeendam man waŋgi, min ngi'i ɗam, min ɗon ceedo ɗam, min ɗon anndina on ngeendam nduumiiɗam ngonnooɗam kommbi Baabiraawo e ɗam waŋgani min.

1 Yuhanna 4:14

Minin, min ngi'i, min ɗon ceedo Baabiraawo neli Ɓiɗɗo muuɗum haa duniyaaru, o laati kisnoowo maaru.

Wahayu Yuhanna 18:1

Ɓaawoɗon mi yi'i malaa'ikaajo feere ɗon jippo diga asama. O woodi baawɗe mawɗe, jayŋgol maako yaynani duniyaaru fuu.

Wahayu Yuhanna 2:7

Mo woodi noppi, sey nana ko Ruuhu wi'ata jama'aaje nuɗɗinɓe! Mi hokkan jaaliiɓe fuu baawɗe nyaamugo ɓiɓɓe lekki ngeendam gonki nder jarne Allah.”

Wahayu Yuhanna 20:14

Nden maayde e joonde maayɓe cakkinaama nder weendu yiite. Weendu yiite ndu'u woni maayde ɗiɗawre.

Wahayu Yuhanna 22:14

Barka laatanto lootɓe ngapaleeji muuɗum'en. Kamɓe ɓe keɓan jarfu nyaamugo ɓiɓɓe lekki ngeendam, ɓe nastiran berniwol gal dammuɗe.

Wahayu Yuhanna 22:17

Ruuhu e ɓaŋgeteeɗo mbi'i: “War!” Koo moy nani ɗum, sey wi'a: “War!” Koo moy ɗomɗi, sey wara. Koo moy yiɗi, sey jaɓa ndiyam ngeendam caahu.